Piij psi Judá
15
Osaak ondai o osi oneejo osi kiiñ ksi Judá, ze ptep ze klil ksi Edon, zolaal ze Zin, ampjau zojir ounk zeu osaak (Sul). 2 Zojir zeu osaak (Sul) ze klil boko ze ptep ze pkiŋ pntik zojir zeu osaak (Sul) ze krik khai, 3 Khya zojir zeu osaak ankint jau zopainoi osi Akrabin, onzipi ze Zin, ampjau zojir ounk zeu osaak (Sul) ze Kades-Barneia, ozip ze Ezron, zopainoi phya Adar, ofoio Karka, 4 kzip Azmon, ya ze krik kmpozki ze Ejitu, khia antoom ze krik. Khoun klil nde ksi zeu osaak (Sul) osi Judá.5 Ze klil zojir pmair onu kho krik khai ze ptoomi krik Jordon,
6 Kpaio anjau ze Beti-Ogla kzipi ya zojir duzu osaak (Norte) ankint jau ze Beti-Arabá, kpaio ankint jau ze plaak ze Boan, awk Ruben. 7 Ka klil kminzkun kzip phya Debir, tep ze psoof nkuŋ ŋnsi Akor; khuglo phya ojir duzu osaak phya Jilgal, zurun zopainoi Adumin ooi zojir zeu osaak ze krik kmpozki; kzip anjau ze mnzup mnsi En-Semes, ksuli zojir osi En-Rojer. 8 Antom ka kzip zojir bowk Inon, phya zeu kmbau ksi bojebuseu khoki Jerusalen, zolo khia zun ze mpezi phal zonkuŋ ooi zojir psoof nkuŋ ŋnsi Inon ze phior onu, zojir otomi osi psoof nkuŋ ŋnsi Refain zojir duzu osaak (Norte). 9 Ptep zoyar onkuŋ, klil ya ankint jau ze plik pkmbulunkpi psi mnzup mnsi Neftoa, khia anjau zimbau isi onkuŋ Efron, sapot ya ankint jau ze klil ksi Baalá, one Kiriati-Jearin; 10 Antom kaio ya zojir phiour onu ptep ze Baalá, anjau zonkuŋ osi Seir, phya zojir duzu onkuŋ osi Jearin oi Keasalon, heto ya Beti-Semes, zipi phya Timna. 11 Khia zojir duzu Ekron uglo phya Sikeron, zip phya Baalá, jau ze Jabneel; hunkran klil toomdun ze krik.
12 Klil ksi phiour onu kho krik Mediteraneu. Klil knfoiokun baña Juda ze mi boomi ze plin boko.
13 Joswe hul Kaleb awk Jefoné ojir osaak osi Juda ze mi NYEEK jakmunk lo ze Kiriati-Arba, ooi Ebron. Arba ika o aliin Anak. 14 Ze Ebron Kaleb dook bowk Anak boajinz: Sesai, Aiman na Talmai boouki ze kiiñ ksi Anak. 15 Ze zolo ka yanzi phya pgut na baña bosi Debir, ktiim kolo khili duo zoseke Kiriati-Sefer. 16 Kaleb jaa: Njo phul nmbukinn Aksa antom a o ahar ñangutni ze Kiriati-Sefer antom seholo. 17 Hunkran Otinel awk Kenaz, aza Kaleb aseh osaak ominzun; ka a hul lo awk Aksa antom ka o ahar.
18 Zonu asolunk phya kmar abuŋ ahina antom añaun zunu ze kñen aliin. Kero alo Aksa ka hetoo duzu ohuru, zurun Kaleb, a epa: "Oyel ujehun?"
19 Ka asemblo: "Ulan un osi mnlelnin. Ze mi hul munk nji osaak onkai ounk zeu; ulan uz mnlik mnzup." Hunkran Kaleb ulun lo mnlik moomi duzu na moomi zeu.
Imbau isi Judá
20 Piij psi kiiñ bowk Juda popi ze mi boomi ze plin boko. 21 Imbau o zojir zeu osaak ze kiiñ bowk Judá, ze klil ksi Edon, hil oo: Kabzeel, Eder, Jagur, 22 Kiná, Dimona, Adada, 23 Kedes, Azor, Itnan, 24 Zif, Telen, Bealot, 25 Azor-Adata, Kerioti-Ezron (ooi Azor), 26 Aman, Sema, Malada, 27 Azar-Gada, Esmon, Beti-Palet, 28 Azar-Sual, Berseba, Biziotiá, 29 Baalá, Yin, Ezen, 30 Eltolad, Kesil, Orma, 31 Ziklag, Madmana, Sansana, 32 Labaot, Silin, Ain, na Rimon, yolo uzuuz ika o imbau ŋntaaj ŋmpuguz na imbau kñenkloŋ na ŋnsaak iolo.
33 Ze zun zenliŋnorzi: Estaol, Zorá, Asná, 34 Zanoa, En-Ganin, Tapua, Enan, 35 Jarmuti, Adulan, Sokó, Azeka, 36 Saarain, Aditain, Jedera na Jederotain-Imbau ondisiñene na imbau hiuakr na ŋntank iolo.
37 Zenan, Adasa, Migdal-Gadi, 38 Dilean, Mizpá, Jokteel, 39 Lakís, Bozkat, Eglon, 40 Kabon, Laamás, Kitlis, 41 Jederoti, Beti-Dagon, Naamá na Makeda - ondisiñene na imbau paaj na ŋntank iolo.
42 Libna, Eter, Asan, 43 Iftá, Asná, Nezib, 44 Keila, Akzib na Maresa imbau kñenkloŋ na ŋntank iolo.
45 Ekron na kmbau dolo na ŋntank; 46 Ptep ze Ekron am pjau ze krik, imbau uzuuz ioi zojirun Asdodi, na ŋntank iolo; 47 Asdodi na imbau dolo na ŋntank; Gaza na imbau dolo na ŋntank, am pjau ze krik Ejitu na krik Mediteraneu, one klil.
48 Zonkuŋ: Samir, Jatir, Sokó, 49 Daŋá, Kiriati-Saná (one Debir), 50 Anabi, Estemó, Anin, 51 Gosen, Olon na Jilu ondisiñene na kmbau klon na ŋntank iolo.
52 Arabi, Dumá, Esan, 53 Janin, Beti-Tapua, Afeka, 54 Unta, Kiriati-Arba (one Ebron) na Zion; imbau kñenkloŋ na ŋntank iolo.
55 Maon, Karmelu, Jif, Jutá, 56 Jizreel, Jokdean, Zanoa, 57 Kain, Jibeá na Timna imbau ondisiñene na ŋntank iolo.
60 Kiriati-Baal (one Kiriati-Jearin) na Rabá; imbau ipuguz na ŋntank iolo.
63 Bouk Juda boze hilun punu bojebuseu boouki ze Jerusalen uri; hunkranda anjau zonu osi hankri, bojebuseu ona bowk Juda ze Jerusalen.