osaak osi Kanan hairo zoneejo \14 Uni ol bowk Israel sehun injaka phij zosaak Kanan, phij psi Eleazar nmpenen Uzi, na Joswe awk Nuŋ, boyeek iiñ isi bowk Israel, hai boko.
14
2 Ze mi NYEEK zumunk Moises, ka ahai phij, zoneejo ze iiñ 9,5.3 Zonkont Moises hil o hul 2,5 phij zojirun krik Jurdoŋ, azi hul bolevita piij ploŋ ze psoof boko.4 Bouk José bo hil o iiñ ipuguz, Manases na Efrain; bolevita bozi ulo osaak antom bo iij bo ulo zimbau boi phona, na zun phiafun ŋnsaam boko.5 Hunkran bowk Israel hairodun osaak ze mi NYEEK ilmunk Moises.
6 Onua boiinz bosi Juda bo ya ze Joswe ze Jilgal. Kaleb, awk Jefoné a ooi ze kiiñ ksi kenezeu, ajaka: Ome prim NYEEK jaki, Moises ñiinz Uzi, ze Kades-Barneia zonkont ni na wi. 7 Njil ka ŋnlur ŋntaaj ŋnuakr kero Moises ntihun NYEEK ilin ze kades-Barneia antom nten ten osaak. Nji kura nkuni ze mi nji sinkmunk zujuuns ni. 8 Bozain bon iaki na nji bozu ŋnlef baña buri. Nji nazi pzal NYEEK, Uzi ni. 9 Zonu ominzun Moises bisroun jakin: Osaak pzimnu poli o pho osinu antom bowku iijolo onzañi, zonkont njo pnaz, njo pzal NYEEK, Uzi ni. 10 NYEEK bapin na phila, mnsi ajaki; ŋnlur ŋntaaj ŋuakr na ŋnlur kñene ŋzip un onloi ze mi NYEEK jaki Moises primpi, kero Israel humunka yaanz zolaal. Njil, kaa ŋnlur ŋntaaj bakari na ŋnlur kñene. 11 Hankri njum linsi injaka onu Moises hilunk nji; ofoz njili ka zogut, ze pneej na pun, hol nji kaun anjau krank. 12 Nji ñaunu hulin onkuŋ ominzi ze mi NYEEK jakmunk zonkont olo zonu ominzun. Ui uz ute zokil ominzun baña Anakins booza zimbau boko ieek, ilinsii. Ouadadi NYEEK o pho nanji antom mpunun boko zolo, ze mi ajakmi
\f \fr 14.12 \ft Ouadadi: Oun prim kinta kere ze nkil ŋndiima\f.
13 Ka Joswe zu mnjona duzu Kaleb, awk Jefoné, ka ulo Ebron antom a iij. 14 Hunkran Ebron odun osaak osi Kaleb awk Jefoné, kenezeu, an iiji anjau hankri, zonkont pzal NYEEK, Uzi Israel. 15 Ktiim Ebron kduo zoseke Kiriati-Arba, zonkont Arba hilunk o ñiinz anjafoni ze psoof Anakins. Zun zminzun osaak hioŋ ogut.