Joswe hai ŋnsaak
13
Kero Joswe zafi, ka NYEEK jak lo: Wo zaf maakrin, ŋnsaak ŋaŋi pseho ŋnsumi. 2 Ŋnsaak ŋndaŋi ŋani po seho ŋhoŋi: Ŋnjir uzuuz ( região) ŋnsi bofilisteu, na ŋnsi bojesureu, 3 Ptep ze Syor, zhozi zurun Ejitu, ampjau ze klil Ekroŋ phya ze duzu osaak ominzi, onjakoi o osi Bokananeu, bo huli 5 bosi bofilisteu na bonhoki ze Gaza, ze Asdodi, ze Askeloŋ, ze Gati na Ekroŋ. 4 Ptep zeu ŋnsaak uzuuz ŋnsi bokananeu, Meara osi baña Sidoŋ, ampjau ze Afeka, ze klil ksi boamoreu, 5 Na osaak bojibyonita, Libanu uzuuz , ze pmair onu ptep ze Baal-Gadi, ze kwaŋ onkuŋ Ermoŋ ampkint pneej ze Amati.6 "Njo punun baka ze mi bowk Israel khyamunk zurun, zonkont nji kai kñago ze bowk Israel. Njo punun baña uzuuz bonhoki zonkuŋ, ptep ze Libanu ampjau ze Misrefoti-Maiŋ, one baña uzuuz bosi osaak Sidoŋ. Wi, wo pber pme mi woi pzu oneejo ze phai osaak ominzun antom Israel hij olo, ze mi njonko jon hilu. 7 Wo phai osaaki ze krank ze iiñ 9 na psoof kiiñ ksi Manases , antom bo hij olo.
Phairo ŋnsaak
8 Psoof kiiñ ksi Manases , borubenita na bogadita bo hil o seh phij boko ze ŋnsaak ŋhoŋunk zojirun krik ksi Jurdoŋ ze pmair onuu, ŋnsi Moises ntihun NYEEK hili hul boko. 9 Ŋnsaak boko ptep ze Aroer ze pfsoof onkuŋ osi Arnoŋ, na kmbaau khokunk ze psoof onkuŋ na zun ze nliiŋnorze uzuuz ze Medeba ampjau ze Diboŋ. 10 Ŋnsaak ŋntiik uzuuz ŋnsi Syoŋ, nliin boamoreu, hili liho ze Esboŋ, anjau ze klil osaak bomonita; 11 na Jileadi osaak bojesurita na osaak osi bomaakateu, na onkuŋ Ermoŋ uzuuz , Basan uzuuz ampjau ze Salka; 12 na osaak osi Og uzuuz onhoi Basan, anlihoi ze Astaroti na Edrei, a onze bonjafunki bondukloki. Moises i ka kpe ze baña bominzkun, antom seh osaak boko. 13 Ka bowk Israel bozi dook bojesurita, bomaakateu; hunkran bonhokunk ze psoof bowk Israel anjau hankri.
14 Azi hul kiiñ Levi phij, ze mi NYEEK jakmunk lo. Ŋnsaam wojun ŋnturoŋi ŋnsi NYEEK, Uzi Israel ŋoŋun pho phij boko.
15 Moises hul kiiñ Rubeŋ osaak, ze mi bo omi ze pliin boko. 16 Osaak boko tep ze Aroer, onhoi ze kwaŋ ze psoof nkuŋ ŋnsi Arnoŋ, na kmbaau kndaakun ze psoof nkuŋ, zun ze nhalze ba liiŋnore ampjau ze Medeba, 17 Esboŋ na imbaau dolo uzuuz zun ze nhalze ba liiŋnore duzu, one Diboŋ Bamoti-baal, Beti-Baal-Meoŋ, 18 Jaza, Kedemoti, Mefaati, 19 Kiryataiŋ, Sibma, Jereti-Saar, zonkuŋ na psoof olo. 20 Beti-Peor, ze pnkunten psi Pisga, Beti-Jesimoti, 21 Imbaau uzuuz isi zun ze nhalze, na osaak Syoŋ uzuuz , nliin boamoreu hili liho ze Esboŋ, asi Moises fiŋi na bo huli boko uzuuz na bosi Midyan, Evi, Rekeŋ, Zur, Ur na Reba bo huli bonhili o zeu Syoŋ, bo hil o zosaak ominzun.
22 Bosa fiŋ Balaoŋ, nzup ŋnzaafi awk Beor, bowk Israel fiŋa na keeje, na boloŋ bosi bopoti sa fiŋ uz. 23 Klil ksi bowk Rubeŋ hil onze krik Jordoŋ. Zojir osaak ominzun na imbaau yolo, na ŋntaank yolo ŋho phij psi bowk Rubeŋ, ze mi bo omi ze pliin boko.
24 Moises hul kiiñ ksi Gadi phij ze mi bo omi ze pliin boko: 25 Osaak osi Jazer, na imbaau Gileadi na psoof osaak bowk Amoŋ, ampjau ze Aroer, onhoi zurun Raba, 26 Ptep ze Esboŋ ampjau ze Rama-Mizpa na Betonin, pot ptep ze Maanaiŋ ampjau ze klil ksi Debir, 27 ze psoof nkuŋ ŋnsi Beti-Araŋ, Beti-Ninra, Sukoti na Zafoŋ, ondukloi mntoomlar, zosaak osi Syoŋ, nliin nnsi Esboŋ, onhoi osaak zojirun krik Jurdoŋ phya ze pmair onu, ampjau ze krik ksi kinereti. 28 Imbau iminzyun na ŋnsaak ŋmpozŋi hil o phij bowk Gadi, ze mi bo omi ze pliin boko.
29 Moises hul psoof kiiñ ksi Manases osaak antom bo hij ze mi bo omi ze pliin boko. 30 Ŋnsaak boko ŋntepŋi ze Maanaiŋ ŋo Basan uzuuz na osaak Og a onhoi nliin Basan, na ŋntank ŋnsi Jair, na imbaau 60 inhoi ze Basan uzuuz , 31 Psoof Jileadi, Astaroti na Hedreya imbaau isi osaak Og, ze Basan, yolo uzuuz ihulo psoof bowk Makir, awk Manases , ze mi bo omi ze pliin boko.