Pleke, psi bowk Israel ze Jilgal
5
Kero boliin boamoreu uzuuz bonhoki zojirun krik Jurdoŋ ze phyour onuu, na boliin uzuuz bosi bokananeu bonhoki zonkuŋ krik, bote NYEEK kaizan krik Jurdoŋ zurun baña, anka ndo zipi, ka boliinki haŋ kziu zonkont bowk Israel.2 Okil ominzun NYEEK jak Joswe: Lempun ŋmbañ ilaak intamii, uat bowk Israel pleke. 3 Hunkran Joswe lempdun ŋmbañ ilaak intambhi, antom hat bowk Israel pleke, zun boduzi onkuŋ pleke.
4 Un ominzi kaun kado jaunk: Baña uzuuz bompunki ze Ejitu, boiinz uzuuz bonziinki phya ogut bo hil kez zolaal, kero bo pun ze Ejitu. 5 Baña uzuuz bompunki ze Ejitu bo ato pleke, ozi ka ñaloŋ ze bombukokunk zolaal, bombukokunk ze book, kero bo pun ze Ejitu ñazi ato pleke. 6 Baña Israel boyaanz zolaal ŋnlur 40 anka boiinz bonziinki ogut kero bo pun ze Ejitu kezi, zonkont banunk pte NYEEK. NYEEK bisro boko jaa: Azo phutun baka boiin osaak ajaki aphul boliin boko, osaak osi ŋun ŋnde ŋikhorŋi osaak osi mntau na pnou. 7 Un ominzi kaun ka Uzi zu bowk boko ze zun boliin boko, boki Joswe hatunk pleke. Bozi hil o hato pleke, zonkont banunk phat pleke, ze book. 8 Kero bo toom phat bowk boko pleke, bo duko zun ze si bohatnozunk pleke ankint hili.
9 Antom ka NYEEK jak Joswe: mol Ejitu mhilunk o duzu nde, hankri nji seh ma. Punun nde molo. Un ominzun kaun zun ze minzun duwo Jilgal anjau hankria.
Mnliinan mnsi Paskwa
10 Kero bowk Israel zoñnor ze Jilgal, ze mnliinan Paskwa ze ŋnu 14 ze montna zun ze liiŋnorze ze kwaŋ Jeriko. 11 Bode mbuk, ozee zonu ominzun osi mnlina paskua; bode opoŋ onhani pka ptihlb. 12 Ozipr ŋnu bo demunk mbuk mikhormi zozee, ka Uzi sa hutun phul boko ŋun ŋde ŋi khorŋunk duzu. Ka bowk Israel bozi pot ka ŋa. Zolur ominzun bode ŋun ŋnlaloŋunk zozee Kanaan.
Joswe iin oiili Uzi
13 Kero Joswe o ze kwaŋ Jeriko deeŋ kil: "Iin ñiinz zurun lo na keej ze kñene: Naz ze kwaŋ lo yep lo: Woon ze ndo bar wo nmbir ndo?
14 Ko seemb lo: "Mbazi o nmbir nde, ka mbazi o ahindu nde, njoun nyeek, boguntun bosi NYEEK nji jaun. Ka Joswe ŋup zurun olo buurna olo yeproo: El ubilun plado na ntihun nu?"
15 Nyeek bogutun bosi NYEEK jak Joswe: "Punan isapat ze izima, zun ukyaanzin zunk zo zun ze njiinzi ka Joswe do jaunk.