Baña año krik Jordon
3
Ka Joswe nazo ze khanan; alo na bowk Israel uzuuz, ka bo pun ze Sitiŋ, boya ze kwaŋ krik Jurdoŋ, bozoñnor za ŋnu 3, nimpo haño. 2 Kero ŋnu 3 zipi, ka boyeek zip ze psoof uzoñnor; 3 Ka ajak bopugi. Zoyaar nde an iin ukau usi psi NYEEK Uzi nde,bolevita na bopenen Uzi oplap wa antom ol nde nazoun sol na boko. 4 Antom nde hilun pme book nde kai phya, zonkont ndezo yaanz ze book uminzi. Antom nde looro ŋnlaaŋu 10 ze psoof nde na ukau Uzi nde ika ñog ze kwaŋ wolo.5 Joswe jak bopugi: Nde jinjiinznan ŋnleef nde, zonkont faan NYEEK opdo ŋun ŋyeek ze psoof nde.
6 Ka Joswe jak bopenen Uzi: " Nde jekun ukau Uzi, usi phuuz, nde zipn zurun baña. "Ka bojek wolo zipni zurun.
7 NYEEK jak Joswe: "Hankri njo ptep pzuu nyeek zikil baña Israel uzuuz, antom bohilun pme njo na wi, ze mi nji hilunk ona Moises. 8 Zun bopenen Uzi bonhoki pkuŋo ukau usi phuuz zoyaar boko anjau ze kwaŋ mnzup krik Jurdoŋ, antom ol boneejun naz ze psoof krik."
9 Ka Joswe jak bowk Israel: "Nde ñogun ze kwaŋi antom nde te olado Uzi. 10-11 Ka Joswe pot jak boko: Zunzi, ndeukun phikran Uzi unhilbi bo na nja. Boun punun bokananeu, boeteu, boeveu, bofereseu bojirgaseu boamoreu na bojebuseu. Ukau usi phuuz NYEEK nnsi ŋnsaak uzuuz oun pzip ze krik Jurdoŋ zurun nde. 12 Ze krankanki nde, datun boiinz 12, ñiinz aloŋ, aloŋ ze kiiñ bowk Israel. 13 Zoyaar bopenen Uzi bonhoki pkuŋo ukau NYEEK, NYEEK ŋnsaak uzuuz zu izim ze mnzup mnsi krik Jurdoŋ mo pnaz, ifaj yeek.
14 Kero baña pun zun ukoulor pfal krik Jurdoŋ, bopenen Uzi kuŋo ukau usi phuuz Uzi zurun bopugi. 15 Zikit, Jurdoŋ aksum an mnzup kint kbulunk zozee, kero bopenen Uzi bonkuŋoki ukau Uzi jau ze krik Jurdoŋ, boñoyun izim boko. 16 Mnzup mbimunk duzu; mnaz ifaj yeek, un onloi kwaŋ kmbaau ksi Adan, knhoki zojir Sartan; mnzup minzmun phya krik ksi Araba, mnsi krik khai kfah lo antom ka bopugi zip ze pjaan na Jeriko. 17 Bopenen Uzi bonkuŋoki ukau NYEEK bonaz liins ze psoof krik Jurdoŋ, ka baña uzuuz zip zun ze nkaizi fal krik Jurdoŋ.