Joswe hil boiinz 2 ze Jeriko
2
Joswe awk Nuŋ, hil boiinz 2, ze Sitiŋa bo ya ten osaak ze kmeno, jak boko: Nde yaanzan nde ten osaak Jeriko. Ka bo sol antom neej ze mez ñaaz nehap oleef akndwoi Raabi, duko zolo.2 Bo yana nkuni ze nliin jak lo: Zurimbi bowk Israel bo neej osaak bi ten olo ze kmeno." 3 Hunkran nliin Jeriko hildun boiinz lo ze mez Raabi, bo jak lo: "Punan boiinz ukun ze mezu ku, bombikunk pten osaak."Ka ñaaz aminzun hil o jek boiinz 2 bominzkun antom menun boko jaa: "Owadadi boiinz 2 bizi mbazi me zun bopunzi. 5 Kero zun ka dimz, ka bo ka dis ilumun ka boiinz 2 ukun pun soli: Mbazi me zun boyazi nde dooknan baka nde pbup baka." 6 Kero ka o payun boko zunkaŋ menun boko ze psoof mmuz mknjiilmi mhilunk o zunkaŋ. 7 Hunkran boiinz bosi Jeriko yadun ze kfez boko ze book usi Jurdoŋ phya pber boko ankint jau zohañnoi. Kero ka bo toom pun plumun phyeek sa disi.
8 Kero boten osaak bozo piinzi,ñaaz payo ya ze boko duzu ku, 9 A jak baka: Un onjiinzi, nji me NYEEK hul nde osaaki, ba pot me kliinki kyeek ksi nde kjeti duzu ndo; ka baña uzuuz bo zesi osaaki ka ijuuns boko, bofitzoo zonkont nde. 10 Ndo te ja NYEEK kaizan krik Kjenkle zurun nde, kero nde ka pun ze Ejitu; ndo sa pot te uz ŋun nde doŋi boliin 2 ukun bosi boamoreu, Syoŋ na Og, boouki zojir osi Jurdoŋ, mi nde toomunk na boko. 11 Kero ndo te uni, ka ijuuns ndo jeti; ndozi pot ka kziu, kziu kozi pot o ze ndo, mi nde kbimink, zonkont NYEEK, Uzi ndo, woun NYEEK, Uzi nde unhwobi duzu na zeu osaak. 12 Nji ñaunde, nde bisro zurun ni na ktiim NYEEK nde pdo baña ni mnjona ze mi nji domunk nde mnjona. Nji jeu nde jaŋi mnjaŋzin mnjalmi. 13 Nde pburburun nliini na nniini , pburburun pzaro ni boiinz, na bohaz, na ŋun bo kaŋi uzuuz; antoom pburburun phyla ndo ze pkez.
14 Ka bo seemb lo jaa: Ndo phul nde phila ndo, ampjau ze phila nu ze pkez, ze nde ampzuup olado ondai; zoyar NYEEK amphul ndo osaaki ndo pdolu mnjona ba phazun ze wi.
15 Ka yetun boko na itala zu ir ku; ze mi kulo omunk zomur.b 16 Ka jak boko nde yan meno zonkuŋ ze mi bokbermunk nde, boki khin nde, nde menon za ande ka ŋnu 3, zonkont bokmberkunk nde ki kbi khin nde, antom nde sol ze book nde.
17 Ka bo jak lo: Ndo pbur ubisro uzuunk ndo pbisro ze wampdo un ndo jaki wi: 18 Zoyaar ndo aneej zosaaki, wo ptan ptala pjeenkle pndaapi zu ir ku woi phyetnin ndo. Wo pneejun aliin nu, aniin nu, pzaro nu na bowkoliin aliin nu uzuuz, bo pho na wi ze ku. 19 Ze ña pun ze plumun ku nu, zakezi, pjwa lo o pho psilo, ndo, ndo zo pka pjwa. Ze ña o ze mez na wi, ze ña zu kñen duzu lo, pjwa o pho psi ndo. 20 Zuzuup un njai pdo, ndo pduko pbur ubisro uzuunk ndo, ndo bisro.
21 Kajak boko: Ze mi nde ladomunk hunkran oun pho. Ka taaslor na boko antom soli. Ka atan ptal pjeenkle zojandel ku.
22 Ka boiinz soli, duko zolo ŋnu 3 zonkuŋ, an ka boiinz bosi Jeriko toom pber boko ze book uzuuz, bokaki bozi iin baka. 23 Hunkran boiinz 2 ukun dimpoun book pkak, ka bo yeto zonkuŋ, antom haño krik ya ze Joswe, awk Nuŋ, zuuplo ŋun ŋnzipŋi na boko. 24 Ka bojak Joswe: "Ozi ka mene, NYEEK hul osaak ominzun, ziñen nja, baña uzuuz bonhoki zolo, bofitzo zurun nja."