Ujaau usi boisraelita uzuuz
26
Kero ka khuzin kminzkun zipi, NYEEK lado na Moises na Eleasar, awk Aroŋ nmpenen Uzi, jak boko; 2 Nde finun knzoŋ bowk Israel, pliin boko ze pliin boko. Nde pisun bonkaaki ŋnlur 20 phya na duzu anziinki phya ogut. 3 Ze isaal isi Moabi, ze kwaŋ krik Jordoŋ, knjaanki na Jeriko. Moises na Eleasar nmpenen Uzi bo lado na bopugi, bo jaa: 4 Nde finun boiinz bosi ŋlur 20 phya na duzu, ze mi NYEEK jakmunk Moises na bowk boisraelita bompunki ze Ejitu:5 Kiiñ ksi Rubeŋ nnsek Israel o: Enok, aliin bowk boliin bonokita; Palu, aliin bowk boliin bopaluita; 6 Hezroŋ, aliin bowk boliin boezronita; karmi, aliin bowk boliin bokarmita. 7 Bañauki oko bowk boliin borubenita; baña bonfinoki hil o nkunt 43.730. 8 Khuk Palu o Elyabi. 9 Bowk Elyabi bo o Nemwel, Dotan na Abiraŋ. Dotan na Abiraŋ bo dato antom pho boyeek bosi knzoŋ, ka bo huglar Moises na Aroŋ, bo koulan na baña bosi Kore kero bo huglar NYEEK. 10 Ozee haul mntuum olo, antom yor boko na Kore. Baña bosi Kore bo kezi kero uroo toom na baña 250. Un ominzun zu bosinz boko bo ka obambi. 11 Ka bowk Kore bozi kezi.
12 Kiiñ ksi Simeoŋ, ze mi bo omi ze phwk pliin boko, bo hil o: Nemwel, aliin bowk boliin bonemwelita; Jamin aliin bojaminita; Jakiŋ aliin bojakiminita; 13 Zera, aliin boseranita; Saul ze phwkpliin bosaulita. 14 Bañauki oko bowk boliin bosimeonita bo o nkunt 22.200.
15 Kiiñ ksi Gadi, ze mi bo omi ze phwk pliin boko, bo hil o: Zefoŋ aliin bosefonita; Aji aliin boajita, Suni aliin bosunita; 16 Ozni aliin bosnita; Eri aliin boerita; 17 Arodi, aliin boridita; Areli aliin boredita. 18 Bañauki oko bowk boliin Gadi. Baña bonfinoki bo hil o nkunt 40.500.
19 Bowk Juda o: Er na Onaŋ, ka bokez zosaak osi Kanaan. 20 Kiiñ ksi Juda, ze mi bo omi ze bowk boliin boko bo hil o: Sela, aliin boselanita: Perez, aliin boperezita; Zera aliin bozerita; 21 Bowk Perez bo o: Ezroŋ, aliin boezronita; Amul aliin boamulya. 22 Bañauki bo o bowk boliin Juda: Baña bonfinoki bo hil o nkunt 76.500.
23 Kiiñ ksi Isakar, ze mi bo omi ze phwk boliin boko bo o: Tola, aliin botolaita; Puva, aliin bopuvita; 24 Jasubi, aliin bojasubita; Sinroŋ, aliin bosironita, 25 Bañauki o bowk boliin Isakar. Bonfinokunk bo hil o nkunt 64.300.
26 Kiiñ ksi Jebuloŋ, ze mi bo omi ze phwkpliin boko bo hil o: Seredi, aliin boseredita; Eloŋ, aliin boelonita; Jaleel aliin bojaleelita. 27 Bañaki o bowk Zebuloŋ. Bonfinokunk hil o nkunt 60.500.
28 Bowk Jose, ze mi bo omi ze phwkpliin boko bo o: Manases na Efraiŋ. 29 Bowk Manases bo o Makir, bomakirita. Makir buk Jileadi; Jileadi hil o phwkpliin bojileadita. 30 Baña bondaaki bo okun bowk Jileadi: Ze Jezer, phwkpliin bojerita; Ze Heleki phwkpliin bohelekita; 31 Ze Asryel, phwkpliin boasryelita; Sikeŋ phwkpliin Bosikemita; 32 Ze Semida, phwkpliin bosemidaita; ze Hefer, phwkpliin boheferita. 33 Ka Zelofeadi, awk Hefer, azi hil ka bopoz boiinz, aka ze bopoz bompili bonkauki itiim Makla, Noa, Ogla, Milka na Tirza. 34 Bañauki o bowk boliin Manases. Baña bonfinoki bo hil o nkunt 52.700.
35 Bañauki bo okun bowk Efraiŋ, ze mi bo omi ze bowk boliin boko:ze Sutela, phwkpliin bosutelita; ze Taaŋ, phwkpliin botaanita. 36 “Ze Eran, awk Eran phwkpliin boeranita. 37 Bañauki o bowk boliin Efraiŋ. Baña bonfinoki bo hil o 32.500. Bañauki o bowk Jose, ze mi bo omi ze phwkpliin boko.
38 Bowk Benjamiŋ, ze mi bo omi ze bowk boliin boko, bo hil o: Bela, aliin bobelaita; Asbel, aliin bobasbelita; Airan boairanita; 39 Sufan, aliin bosufanita; Sfan aliin bofanita. 40 Bowk Bela bo hil o Ardi, aliin boardita, na Naamaŋ, aliin bonaamanita. 41 Bañauki o bowk Benjamiŋ ze mi bo omi ze phwkpliin boko. Baña bofinokunk bo hil o nkunt 45.600.
42 Awk Daŋ hil o Susan, aliin bosusanita ze mi bo omi ze bowk boliin boko. 43 Baña uzuuz bonhoki bowk boliin bo Susanita bonfinoki bo hil o 64.400.
44 Bowk Aser, ze mi bo omi ze phwkpliin boko: Imna, phwkpliin boimnaita; Isvi, aliin boisvita, Beryas aliin boberita. 45 Bowk Beryas bo hil o Eber, phwkpliin bomalkyelita. 46 Ktiim awk Aser nmpili hil o Sera. 47 Bañauki o bowk boliin bowk Aser. Baña bonfinoki hil onkunt 53.400.
48 Bowk Naftali, ze mi bo omi ze phwkpliin boko: Jazeel, aliin bojazelita; Guni, bowk boliin bogunita; 49 Jezer, phwkpliin bojezerita; Sileŋ, phwkpliin bosilemita. 50 Bañauki oko kiiñ ksi Naftali, ze mi bo omi ze phwkpliin boko. Baña bonfinoki bo hil o 45.400.
51 Bañauki bo okun bowk Israel bonfinoki, bo hil o nkunt 601.730.
Oiimna zonkont phairo osaak
52 NYEEK jak Moises: 53 Iiñ ka phairo osaak ze mi iperohi. 54 Kiiñ kmpeki psum kophij osaak ompei pmag, kiiñ kntiiŋzki kophij osaak ontiiŋzi; kana kiiña wo phul ka phij ze mi baña finoki zoliuri ujaau. 55 Wo pdo phyeenk antom phai phij zosaak; ze mi itiim iiñ boliin boko omi, hunkran boun phij olo. 56 Dolun phyeenk antom uhul iiñ impei psum ossak omagi; usa hul iiñ intiiŋzhi osaak ompozi.
Bolevita bonfinoki
57 Bañauki o baña bonfinoki ze bolevita ze mi bo omi ze phwkpliin boko: Jersoŋ, ze phwkpliin bojersonita; koati ze phwkpliin bokoatita; Merari, ze phwkpliin bomerarita. 58 Bowk boliin Levi bo o bolibnita, boebronita, bomalita, bomusita na bokoraita, Koati buk Anraŋ. 59 Ktiim ahar Anraŋ o Jokobedi, awk lo nmpili ambukoi ze Ejitu; Ze kiiñ ksi Levi. Boko bo buk na Anraŋ, Aroŋ Moises na Miryaŋ amak boko. 60 Aroŋ buk Nadab, Abiu, Eleazar na Itamar. 61 Ka Nadab na Abiu bokezi, kero ka boyana uroo zurun NYEEK ze mi bo kitmi oiimna. 62 Bopoz boiinz uzuuz bonkaki Pli 1 phya na duzu o ŋnu ŋmpeŋi Pli bonfinoki bo hil o nkunt 23.000. Boko Bozi fino koulor na boisraelita boloŋo zonkont bozo phulo phij ze Israel.
63 Bañauki bo hil o bosi Moises fini na Eleazar nmpenen Uzi kero ka bo dol ujaau usi bowk Israel, ze ksaal ksi Moabi ze kwaŋ krik Jordoŋ ksi Jeriko. 64 Ka ña loŋ azi o ze baka kero Moises na Aroŋ nmpenen Uzi dol ujaau usi bowk Israel zolaal osi Sinai. 65 Zonkont NYEEK hil lado zonkont baña bonhili matir ze Sinai bo ka pkez zolaal. Hunkran ña ze boko azi dukoo, ze mbaza Kaleb dukoun, awk Jefone na Joswe awk Nuŋ.