Boisraelita juu ze bohaz Bomoabita
25
Kero bowk Israel zoo ze Sitiŋ, bopugi tep phinz na bohaz bomoabita. 2 Bohaz bominzkun beunar bopugi Israel boya na boko boya matir ŋhojun ŋnsi ŋnzi boko; ka bopugi de ŋun boko ŋnsi ŋhojun ŋnsi ŋnzi boko. 3 Hunkran boisraelita koulordun na baña bosi Moabi, antom pŋupr Baal-Peor. Un ominzun kaun ka NYEEK deuzar boisraelita maakrin. 4 NYEEK jak Moises: Jekun boyeek bopugi uzuuz usik boko ze pnak zurun NYEEK, antom oreu NYEEK pun duzu bowk Israel. 5 Moises jak bo dol olado ze Israel: Ña ze nde apfiŋ boiinz bonkoulorki phya pŋupr Baal-Peor.6 Ñiinz ze bowk Israel ya na ñaaz nmidyanita ze mezu oku lo zurun Moises na baña bonhoki zolo uzuuz. 7 Kero Fineyas awk Eleazar, awai Aroŋ nmpenen Uzi, iin un ominzun, nazo ze psoof uzoñnor usi bowk Israel antom jek kñaakon, 8 Aya ze kfez ñiinz aminzun nnsi Israel ze mezu oku, ayu a kñaakon ka kfut ze pu lo na ñaaz antom miblan boko. Hunkran khuzin kmbupkunk Israel toomdun ze boko. 9 Baña bonkezki ze khuzin bo o nkunt 24.000. 10 NYEEK jak Moises: 11 Fineyas, awk Eleasar, awai Aroŋ, toom na oreu nji hili deuzar bopugi boisraelita. Fineyas oko injaka nji: aza kdigzan pŋupr ŋnzi ŋnloŋo ŋani pzok na nji. Zonkont un Fineyas dolunk nji zoreu ni mbazi toom na boisraelita. 12 Jak naa njo pdo na yaa phuuz ni psi phyooŋ. 13 Alo na kiiñ lo bo pka phuuz ni antom pho bopenen Uzi, onzañi, zonkont azi hutun boisraelita ŋupr ŋnzi ŋnloŋo ŋmpazŋi na nji un ominzi kaun ka nji jour boko pjwa. fundar Uzi lo ktaaji ksi Uzi lo. Aber pjour pjwa psi bowk Israel. 14 Ktiim nisraelita anfiŋounk na ñaaz lo nnsi Midyaŋ kdwo Ziinri, awk Sal, NYEEK bowk boliin Symeonita. 15 Ktiim ñaaz nmidyanita anfiŋoi kdwo kosbi, awk Zur, NYEEK knzoŋ bowk boliin Bomidyanita.