Miryan na Aroŋ bo kulum Moises
12
Miryaŋ na Aroŋ boladar Moises khuzin ze mi amarmunk ñaaz nnkusita. 2 Bo yeproo: "Ka NYEEK aka ladin ze mntuum Moises mnkona molo? Azi aka lado na nja uz?" NYEEK te olado ominzun. 3 Moises hil o ña ampei pdagzo ze boiinz zosaak uzuuz.4 Ka NYEEK du Moises, Aroŋ na Miryaŋ: "Nde 3 nde punun nde ya zoku uzoñnor."Boko 3 bopuni. 5 Ka NYEEK yeto ze knzoŋ knzun, antom naz ze psoof oku, du Aroŋ na Miryaŋ. Boko 2 boluñr urun. 6 Ka a jak boko: Nde siinkun olado nin: "Zoyaar nhurun Uzi o ze psoof nde, nji, NYEEK, nji akya ze yaa zozaafi utenten, o zuŋoi. 7 Mbaza hunkran nji kladoun na ntihun nin Moises, anhazni zutihun nin ze psoof bopugi nin. 8 Nji a ka lado na yaa mntum na mntuum, mnkil na mnkil; mbazi ze lado na yaa na mnjaaŋzin. A ka iin olimzan osi NYEEK. Ezi kaa, ka ndezi kalo pladar ntihun nin Moises un onjoozi?"
9 Hunkran NYEEK deuzarun boko. Antom huglo soli. 10 Kero knzun pun duzu oku, Miryan iino na oleef ofaasla uzuuz na iziñr ijeenkle. Kero ka Aroŋ ten ze Miryaŋ, iin lo na iziñr ijeenkle, 11 Ka Aroŋ jak Moises: "NYEEK nin ika nornorun ndo na pjwa pndaapi psi ndo dopink ze knah. 12 Ika hutun nnah a o injaka nmpoz ankezi ze pu aniin bapuni." 13 Hunkran Moises hudarun NYEEK, jak lo: Aan Uzi, nji ñaun nu ujuund lo. 14 "NYEEK jak Moises:" Zohil o aliin tubjarun lo ze mnkil, azo pduko ŋnu 7 ze mmol? Aka pdiso zojirun unaam uzoñnor ŋnu 7 antom ol atun bi neeji." 15 Hunkran Miryaŋ disodun zuri, zojirun unaam uzoñnor ŋnu 7. Bopugi bozi pun za anka bokint kakun lo. 16 Antom bo bi pun ze Azeroti, bober zun uzoñnor boko zolaal Paraŋ.