Phimnan oku na pkak
7
Zonu Moises toomunk pnazun oku uzoñnor, kir olo, iimnan olo, na izij olo na ŋun ŋñignŋi olo uzuuz. 2 Bohuli bompunoukunk ze Israel injaka bohuli bosi iiñ boko, antom boziinkun boko pjaau bopugi, bohul un onhaloi. 3 bo pbina un onhaloi osi un ontuuntoi phul NYEEK: nkaru 6 ŋnleroŋi; ŋiit nkal 12; kana bohuli 2 bo bina okaru 1, kana ña aloŋ ze boko, bina oiit okal 1; bosoond ŋa zurun oku. 4 NYEEK jak Moises: 5 Sehun ŋa ze iñen boko ŋho ŋnsi utihun oku uzoñnor; wo phul bolevita ŋa, kana ña ze mi aktihumi. 6 Hunkran Moises huldun bolevita nkaru na ŋiit nkal. 7 Bohul bowk Jersoŋ nkaru 2 na ŋiit nkal 4; ze mi kana ña ktihumi; 8 Moises hul bowk Merari nkaru 4 na ŋiit nkal 8 ze mi kana ña ktihumi, zeu knzoŋ Itamar, awk Aroŋ nmpenen Uzi . 9 Azi hul bowk koati un oloŋ zonkont bo hilun ka kfah plap un onhoi zun ze iimna na isak boko.10 Kero boka iimnan pkak, bohuli bina ŋun boko ŋhaloŋi ŋnsi un ontuuntoi antom phimnan pkak, bosoond ŋa zurun pkak. 11 NYEEK jak Moises: Kana nmbuli ka pbina un onhaloi osi un ontuuntoi zonu lo antom phimnan pkak.
12 Zonu oseke, Naasoŋ awk Aminadabi, nnsi kiiñ Juda bina un lo onhaloi osi un ontuuntoi. 13 Un lo onhaloi o osi praat psi praata, pmpesarpi nkilu130 ŋnsi ijaawi, usya 1 usi praata, ŋnsi ijaawi, ze mi zun ze njiinzi oonzi; ŋolo uzuuz ŋnsum ifor, inagohi na mnsitidos, mnsi un onhaloi osi ŋun ŋnde; 14 nkopu ksi ijaawi 10, isi mhuru, insumhi nsensu; 15 na owai okal, opi okal na ompalalu okal onkai olur 1 antom pdoon wojun unturowi; 16 Opi okal, osi un onhaloi osi pjour pjwa; 17 Ze pdo wojun usi phyoŋ, ŋiit nkal 2, ŋmpalalu 5, ŋmpi nkal 5, na ŋmpalalu 5 nkaŋi olur 1; uni oun un onhaloi osi Naasoŋ, awk Aminadabi.
18 Zonu opugzan, Natanael awk Swar anhoi nmbuli Isakar, ahul un lo onhaloi. 19 Ze un lo onhaloi, a bina praat 1 psi praata, pnkapi nkilu 130 ŋnsi ijaawi usya 1 usi praata, usi ijaawi 70, na kjaawi zun ze njiinzi ba iimnani; isum ifor, inagohi na mnsitidos, na un onhaloi osi ŋun ŋnde. 20 Kena knzuunki nsensu na ijaawi 10 isi mhuru, insumhi nsensu; 21 Owai okal, ompalalu okal, ompalalu okal osi olur 1 osi wojun unturowi; 22 Opi okal osi un onhaloi osi wojun usi pjour pjwa; 23 ze wojun usi phyoŋ, ŋiit nkal 2, na ŋmpalalu nkal 5, ŋmpi nkal 5 na ŋmpalalu 5 ŋmpozŋi ŋnsi olur 1; uni oun un onhaloi osi Natanael, awk Swar.
24 Zonu oajzan, Nmbuli nnsi bowk Jebuloŋ jawi, Elyabi, awk Heloŋ. 25 Ze un lo onhaloi o osi praat psi praata, pmpesarpi nkilu 130 ŋnsi ijaawi na usya 1 usi praata, usi ijaawi 70, na kjaawi ksi zun ze njiinzi; yolo uzuuz isum ifor indeŋlhi inagohi na mnsitidos, antom yo ŋun ŋhaloŋi ŋnsi ŋun ŋnde; 26 Kena knzuunki nsensu inkai nkilu 10 ŋnsi mhuru. 27 Owai okal, ompalalu okal, ompalalu okal ompozi osi olur 1 osi wojun unturowi; 28 Opi okal osi un onhaloi osi wojun usi pjour pjwa; 29 Ze wojun usi phyooŋ, ŋiit nkal 2 na ŋmpalalu nkal 5, ŋmpi nkal 5 ŋmpalalu nkal 5 ŋmpozŋi ŋnsi olur 1; uni oun un onhaloi osi Elyabi, awk Heloŋ.
30 Zonu owaknan, nmbuli nnsi bowk Rubeŋ jawi, Elisur, awk Sedeur. 31 Ze un lo onhaloi apbina praat psi praata, pnkapi nkilu 130 ŋnsi ijaawi isi praata, usya 1 usi praata, pnkapi nkilu 70 ŋnsi ijaawi,na kjaawi ksi zun ze njiinzi; yolo uzuuz insumhi ifor inagohi na mnsitidos, isi un onhaloi osi ŋun ŋde; 32 Kena knzunki nsensu inkai nkilu 10 ŋnsi mhuru, knsumki nsensu; 33 Owai okal, ompalalu okal , ompalalu okal ompozi osi olur 1, osi wojun unturowi; 34 opi okal osi un onhaloi osi wojun usi pjwa; 35 Ze wojun usi phyooŋ, ŋiit nkal 2, na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi ŋnsi olur 1; uni oun un onhaloi osi Elisur, awk Sedur.
36 Zonu oñenzan, Nmbuli nnsi bowk Simeoŋ jawi, Selumyel, awk Surisadai. 37 Ze un lo onhaloi apbina praat psi praata, pnkapi nkilu 130 ŋnsi ijaawi, usya 1 usi praat, usi ijaawi 70, kjaawi zun ze njiinzi ba iimnani; isum ifor, inagohi na mnsitidos, na un onhaloi osi ŋun ŋnde; 38 kena knzuunki nsensu inkai nkilu 10 ŋnsi mhuru, knsumki nsensu; 39 owai okal, opi okal , ompalalu okal ompozi osi ulur 1, pdoon wojun unturowi; 40 Opi okal, osi wojun usi pjwa; 41 Ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi ŋnsi olur 1; uni oun un onhaloi osi Selumyel, awk Surisadai.
42 Zonu opaajun, nmbuli nnsi bowk Gadi jawi, Elyasafi, awk Dewel. 43 Ze un lo onhaloi abina praat psi praata, pnkapi nkilu 130 ŋnsi ijaawi, usya 1 usi praat, usi ijaawi 70, na kjaawi zun ze njiinzi ba iimnani; yolo uzuuz isum ifor, inagohi na mnsitidos, na ŋun ŋhaloŋi ŋnsi ŋun ŋnde. 44 Kena knzuunki nsensu inkai nkilu 10 ŋnsi ijaawi insumi mhuru; 45 Owai okal , ompalalu okal , ompalalu okal ompozi osi olur 1, osi wojun osi wojun unturowi, 46 Opi okal, wojun usi pjour pjwa; 47 Ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi nkaŋi olur 1; o un onhaloi osi Elyasafi, awk Dewel.
48 Zonu ojaandun, nmbuli bowk Efraiŋ jawi, Elisama, awk Amiudi. 49 Ze un lo onhaloi apbina praat psi praata, pnkapi nkilu 130 ŋnsi ijaawi, usya 1 usi praat, usi ijaawi 70, na kjaawi zun ze njiinzi ba iimnani; yolo uzuuz isum ifor, inagohi na mnsitidos, na ŋun ŋhaloŋi ŋnsi ŋun ŋnde. 50 Kena knzuunki nsensu inkai ijaawi 10 isi mhuru insumhi nsensu. 51 Owai okal , ompalalu okal, ompalalu okal ompozi onkai olur 1 osi wojun usi unturowi. 52 Opi okal osi un onhaloi osi wojun usi pjour pjwa; 53 Ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi nkaŋi olur 1; uni oun un onhaloi osi Elisama, awk Amiudi.
54 Zonu obakrin, nmbuli bowk Manases, Gamalyel, awk Pedasur jawi. 55 Un lo onhaloi apbina praat psi praata, pnkapi nkilu 130 ŋnsi ijaawi, usya 1 usi praat, usi ijaawi 70, na kjaawi zun ze njiinzi ba iimnani; isum ifor, inagohi na mnsitidos, na ŋun ŋhaloŋi ŋnsi ŋun ŋnde; 56 Kena knzuunki nsensu inkai ijaawi 10 insumi nsensu; 57 Owai okal, ompalalu okal onkai olur 1, antom pdoon wojun unturowi; 58 Opi okal osi un onhaloi osi wojun usi pjour pjwa; 59
ze wojun usi phyooŋ, a ka phya na ŋiit nkal 2 na ŋmpalalu 5, ŋmpi nkal 5 na ŋmpalalu nkal 5 ŋmpozŋi ŋnsi olur 1; uni oun un onhaloi osi Gamalyel, awk Pedasur. 60 Zonu oñenklin nmbuli bowk Benjamiŋ, jawi, Abidaŋ, awk Gideoni. 61 Ze un lo onhaloi a pbina praat psi praata, pnkapi nkilu 130 ŋnsi ijaawi, usya1 usi praata, usi ijaawi 70,kjaawi ksi zun ze njiinzi ba iimnani; isum ifor, inagohi na mnsitidos, na ŋun ŋhaloŋi ŋnsi ŋun ŋnde; 62 kena knzuunki nsensu inkai ijaawi 10 isi mhuru, insumhi nsensu; 63 owai okal, ompalalu okal, ompalalu okal ompozi onkai olur 1 osi wojun unturowi; 64 opi okal osi un onhaloi osi wojun usi pjour pjwa; 65 Ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋnmpalalu 5 ŋmpozŋi nkaŋi olur 1; uni oun un onhaloi osi Abidaŋ, awk Gideoni.
66 Ze ŋnu 10, nmbuli bowk Daŋ, Ayeser, awk Amisadai a jawi . 67 Ze un lo onhaloi a pbina praat psi praata, pnkapi nkilu 130 ŋnsi ijaawi, usya 1 usi praata, usi ijaawi 70, kjaawi zun ze njiinzi ba iimnani; isum ifor, onagohi na mnsitidos, na ŋun ŋhaloŋi ŋnsi ŋun ŋnde; 68 Kena knzuunki nsensu inkai ijaawi10 isi mhuru; insumi nsensu; 69 owai okal, ompalalu okal, ompalalu okal ompozi onkai ulur 1 osi wojun unturowi; 70 opi okal osi un onhaloi osi wojun usi pjour pjwa; 71 ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi nkaŋi olur1; uni oun un onhaloi osi Ayezer, awk Amisadai.
72 Ze ŋnu 11, nmbuli bowk Aser, Pagyel, awk Okraŋ jawi . 73 Ze un lo onhaloi a pbina praat psi praata, pnkapi nkilu 130 ŋnsi ijaawi, usya 1 usi praat, usi ijaawi 70, na kjaawi zun ze njiinzi ba iimnani; isum ifor, onagohi na mnsitidos, na ŋun ŋhaloŋi ŋnsi ŋun ŋnde; 74 Kena knzuunki nsensu inkai ijaawi 10 isi mhuru insumi nsensu; 75 owai okal, ompalalu okal, ompalalu okal ompozi onkai olur 1 osi wojun unturowi; 76 opi okal osi un onhaloi osi wojun usi pjour pjwa; 77 ze wojun usi phyooŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi nkaŋi olur 1; uni oun un onhaloi osi Pagyel, awk Okraŋ.
78 Ze ŋnu 12, nmbuli bowk Naftali, Aira, awk Enaŋ bosoond ŋun boko ŋhaloŋi. 79 Ze un lo onhaloi apbina praat psi praata, pnkapi nkilu130 ŋnsi ijaawi, usya 1 usi praat, usi ijaawi,na kjaawi zun ze njiinzi ba iimnani; isum ifor, inagohi na mnsitidos, na ŋun ŋhaloŋi ŋnsi ŋun ŋnde; 80 Kena knzuunki nsensu inkai ijaawi 10 isi mhuru insumhi nsensu; 81 owai okal, ompalalu okal na ompalalu okal ompozi onkai olur 1 osi wojun unturowi; 82 opi okal osi un onhaloi osi wojun usi pjour pjwa; 83 ze wojun usi phyoŋ, ŋiit nkal 2 na ŋmpalalu nkal 5, ŋmpi nkal 5 na ŋmpalalu nkal 5 ŋmpozŋi nkaŋi olur 1 ; uni oun un onhaloi osi Aira, awk Enaŋ.
84 Un onhaloi ominzi osi bohuli Israel doli antom phimnan pkak, zonu pkirpunk: kraat 12 ksi praata, na isya 12 isi praata, na yun 12 izui mhuru; 85 Kana praat psi praata psi nkilu 130 ŋnsi ijaawi kana usya, usi ijaawi 70; praata uzuuz psi ŋun ŋikntihuninŋi o nkunt 2.400 ze mi kjaawi zun ze njiinzi omi; 86 yun izui ŋun o pho 12 isi mhuru insumi nsensu kana kloŋ ze yolo o pho ijaawi 10, ze prez onsaam osi zun ze njiinzi ba iimnani; mhuru uzuuz mhomi zun zui ŋun mho ijaawi 120; 87 ŋnsaam uzuuz ŋnsi wojun unturowi ŋho ŋway ŋkal 12; ŋmpalalu nkal 12, na ŋmpalalu nkal 12 ŋmpozŋi nkaŋi olur 1 na un onhaloi osi ŋun ŋnde; na ŋmpi nkal 12 ŋsi un onhaloi osi pjour pjwa. 88 ŋnsaam uzuuz ŋnsi wojun usi phyooŋ ŋwai nkal 24; ŋmpalalu nkal 60; ŋmpi nkal 60; ŋmpalalu nkal 60 ŋmpozŋi nkaŋi olur 1; ŋmpalalu nkal 60; ŋmpalalu ŋmpozŋi nkaŋi olur 1; ŋnsaam ŋdaaŋi oko ŋnsaam ŋhaloŋi antom phimnan pkak kero ka ptoom pkiro.
89 Kero Moises neej zoku uzoñnor plado na NYEEK, aka siink prim pknladopi duzu knsond ksi kñago, knhoki duzu pkak kmatr ze psoof nKerubiŋ 2 hunkran NYEEK anka kalado o na lo.