Prim NYEEK zoku uzoñnor
2
NYEEK jak Moises na Aroŋ: 2 Bowk Israel opzu nku boko uzuuz pfoyo oku uzoñnor, kana ña zeu owandel lo, ze mi kana kiiñ omi ze pzaro boko. 3 Zojir pmair onuu, bogutun bosi Juda bonhoki zeu owandel boko. Nmbuli kiiñ Juda a pho Naasoŋ awk Aminadabi. 4 Bogutun boko ze mi bofinomi, bo o nkunt 74.600. 5 Ze pñogro na boko, baña kiiñ Isakar na Natanael bo phank nku boko, awk Swar a pho nmbuli bowk Isakar. 6 Bogutun boko ze mi bofinomi bo o nkunt 54.400. 7 Ze pnek ze boko kiiñ Zebuloŋ. Elyabi awk Heloŋ aun pho nmbuli boko. 8 Bogutun boko ze mi bofinomi bo o nkunt 57.400. 9 Bonfinouki uzuuz ze knzoŋ Juda bo o nkunt 186.400. Bo phyaanz ze pliinzan pseke.10 Zojir pmair onuu, bonhoki zeu Owandel knzoŋ Rubeŋ, Elisur awk Sedeur oun nmbuli bowk Rubeŋ. 11 Bogutun boko na baña bonfinouki bo o 46.500. 12 Ze pñog ze lo kiiñ Simeoŋ o pzoñnor; ka Selumyel, awk Surisadai, a pho nmbuli bowk Simeoŋ. 13 Bogutun boko ze mi bofinomi bo o nkunt 59.300 14 Antom ka iiñ Gadi; na kiiñ Elyasafi, awk Dewel, nmbuli bowk Dadi. 15 Ka bogutun lo ze mi bofinomi bo o nkunt 45.650. 16 Bonfinouki uzuuz zunaam uzoñnor usi Rubeŋ bo o 151.450. Bo phyaanz ze pliinzan pugzan.
17 Ka oku uzoñnor o psol na uzoñnor bolevita ze psoof ŋnaam uzoñnor; ze mi bozoñnormunk, hunkran bodun phyaanz, kana ña zun lo, ze mi ŋwandel boko omi.
18 Zojir phyour onu bonhoki zeu owandel Efraiŋ ze mi uzoñnor boko omi; Elisama awk Amiudi oun nmbuli bowk Efraiŋ. 19 Bogutun boko, ze mi bofinomi bo o nkunt 40.500. 20 Ze pñog ze boko ze kiiñ Manases; na Gamalyel, awk Pedazur, a pho nmbuli bowk Manases. 21 Ka bogutun lo, ze mi bofinomi bo o 32.200. 22 Antom ka kiiñ Benjamiŋ; na ksi Abidaŋ awk Gideoni, a pho nmbuli bowk Benjamiŋ. 23 Bogutun lo, ze mi bofinomi bo o 35.400. 24 Bonfinouki uzuuz ze uzoñnor Efraiŋ na bogutun boko bo o 108.100 bominzki bo phyaanz ze pliinzan phajzan.
25 Zojir duzu osaak bogutun bosi zun uzoñnor usi Daŋ, na owandel boko. Nmbuli Daŋ a pho Ayeser awk Amisadai. 26 Bogutun boko, ze mi bofinomi bo o nkunt 627.700. 27 Ze pñog ze lo kiiñ Aser o pzoñnor; ka Pagyel awk Okraŋ a pho nmbuli bowk Aser. 28 Bogutun boko, ze mi bofinomi bo o nkunt 41.500. 29 Antom ka kiiñ Naftali; na kiiñ Aira, awk Enaŋ a pho nmbuli bowk Naftali. 30 Ka bogutun lo, ze mi bofinomi bo o nkunt 53.400. 31 Bonfinouki uzuuz ze zun uzoñnor usi Daŋ ze mi bogutun boko omi, bo o 157.600. Bominzki boukun phyaanz ze pliinzan ptoomi na ŋwandel boko.
32 Bondaaki bo okun bonfinouki ze bowk Israel, ze mi bo omi ze pliin boko; bonfinouki uzuuz zun uzoñnor boko na bogutun boko bo o nkunt 603.550. 33 Bolevita uzuuz bozi fino ze psoof bowk Israel na boisraelita, boloŋo ze mi NYEEK onko jak Moises. 34 Hunkran bowk Israel dodun uzuuz ze mi NYEEK jakmunk Moises, bozoñnor ze mi ŋwandel boko omi, hunkran bo yaanzdun, kana ña ze mi phwkpliin boko omi, na iku boliin boko omi.