Oliuri owakna osi Moises dwo Ofinu
Ofinu
Bopugi jaawo Yeene
1
“” 1 Zolur opugzan kero bopugi pun ze Ejitu ze pli pugzan zonu oseke, NYEEK lado na Moises zolaal Sinai, zoneeji oku uzoñnor, jaklo: 2 “Nde finun baña uzuuz zuzoñnor bowk Israel, ze phwkpliin boko, ze mi iiñ boko omi na pzaro boko; ktiim ksi kana ñiinz. 3 Bonkauki ŋnlur 20 phya na duzu, bonhilunki phya ogut ze Israel, wi na Aroŋ nde pfin baka ze inzoŋ bogutun. 4 Nyeek nnsi kana kiiñ hilun pziinkun nde. 5 Itiim boiinz bonhoki pziinkun nde yoi:Ze kiiñ Simeoŋ apho, Selumyel, awk Surisadai;
7 Ze kiiñ Juda apho, Naasoŋ, awk Aminadabi;
8 Ze kiiñ Isakar apho, Natanael, awk Swar;
9 Ze kiiñ Zebuloŋ apho, Elyabi, awk Heloŋ;
10 Ze kiiñ Jose: ze Efraiŋ apho, Elisama awk Amiudi; ze Manases apho, Gamalyel, awk Pedazur;
11 Ze kiiñ Benjamiŋ apho, Abidaŋ, awk Jideoni;
15 Ze kiiñ Naftali apho, Aira awk Enaŋ,
16 Bondaaki bo o bondwoki ze psoof uzoñnor, bo o bohuli bosi iiñ boliin boko, boyeek duzu baña bonsumki bosi Israel.
17 Moises na Aroŋ bojek boiinz bominzkun bosi itiim boko dwoi, 18 Ka bozoñun bopugi Israel uzuuz zonu oseke ze pli pseke. Baña zuup iiñ boko na pzaro boko ze phwkpliin boko. Kana ñiinz ankai ŋnlur 20 phya na duzu, aka pjaawo weene. 19 Ze mi NYEEK jakmunk Moises, hunkran azuupdun boko zolaal Sinai.
20 Ze bowk Rubeŋ, nnsek Israel, na iiñ boko na phwkpliin boko ze mi iku boliin boko omi, bonfinouki ze itiim, kana ña zween lo, boiinz uzuuz bonkauki ŋnlur 20 phya na duzu bonhilunki phya ogut, 21 bonfinouki ze kiiñ Rubeŋ, bo o nkunt 46.500.
22 Ze bowk Simeoŋ, ze iiñ boko na pzaro boko ze mi iku phwkpliin boko bonfinouki ze itiim kana ña zween lo bosi ŋnlur 20 phya na duzu bonhilunki phya ogut. 23 Bonfinouki ze kiiñ Simeoŋ bo o nkunt 59.300.
24 Ze bowk Gadi ze iiñ boko, ze phwkpliin boko ze mi iku boko omi bonfinouki ze itiim boko bosi ŋnlur 20 phya na duzu bonhilunki phya ogut, 25 Bonfinouki ze boko ze kiiñ Gadi bo o nkunt 45.650. 26 Ze bowk Juda, ze iiñ boko, ze phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 27 bonfinouki uzuuz ze kiiñ Juda, bo o nkunt 74.600.
28 Ze bowk Isakar, ze iiñ boko ze phwkpliin boko ze mi iku boliin boko omi, bonfinouki ze itiim, bosi ŋnlur 20 phya na duzu bonhilunki phya ogut. 29 Bonfinouki uzuuz ze kiiñ Isakar, bo o nkunt 54.400.
30 Ze bowk Zebuloŋ, ze iiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 31 bonfinouki uzuuz ze kiiñ Zebuloŋ, bo o nkunt 57.400.
32 Ze bowk Jose, na bowk Efraiŋ ze iiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 33 bonfinouki uzuuz ze kiiñ Efraiŋ, bo o nkunt 40.500.
34 Ze bowk Manases ze kiiñ boko na phwkpliin boko ze mi iku boliin boko omi bonfinouki itiim bosi ŋnlur 20 phya na duzu bonhilunki phya ogut 35 bonfinouki uzuuz ze kiiñ Manases, bo o nkunt 32.200.
36 Ze bowk Benjamiŋ, ze kiiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 37 bonfinouki uzuuz ze kiiñ Benjamiŋ, bo o nkunt 35.400.
38 Ze bowk Daŋ ze kiiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 39 bonfinouki uzuuz ze kiiñ Daŋ, bo o nkunt 62.700.
40 Ze bowk Aser ze kiiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 41 bonfinouki uzuuz ze kiiñ Aser, bo o nkunt 41.500.
42 Ze bowk Naftali ze kiiñ boko na phwkpliin boko ze mi iku boliin boko omi bonfinouki ze itiim, bosi ŋnlur 20 phya na duzu bonhilunki phya ogut, 43 bonfinouki uzuuz ze kiiñ Naftali, bo o nkunt 53.400.
44 Bominzuki bo o bonfinouki, bosi Moises na Aroŋ finki bohuli bosi Israel bo o boiinz 12; kana ña o nnsi mez aliin. 45 Hunkran bonfinouki ze bowk Israel ze mi iku boliin boko omi, bosi ŋnlur 20 phya na duzu bonhilunki phya ogut, 46 Bonfinouki uzuuz bo o nkunt 603.550.
Bolevita one boyeh bozi finoo
47 Ofinu osi kiiñ bolevita ozi dolo na iiñ indaayun, 48 zonkont NYEEK hil o lado na Moises jak lo: 49 Ika fin kiiñ Levi koulan na indaayun isi bowk Israel; 50 Wi urinanu, zuun bolevita bo baap oku osi kmatr, na ŋun ŋñigi olo uzuuz, na ŋnsi olo, boko bo okun pbaap okua na ŋun olo uzuuz, bo pzu nku boko pfoyo olo. 51 Onazro nde phya urun, bolevita opgar oku; bo otkun oplemp olo zojaur nde anzoo zunaam zun uzoñnor; bolevita o phanka; ña ani pho nlevita ñog ze kwaŋ olo aka pfiŋo. 52 Bowk Israel bondaukun bo pkoulan nku boko kana ña na kiiñ lo, pñog owandel lo, ze mi knzoŋ boko omi. 53 Bolevita opzoñnor pfoyo oku osi kmatr, zonkont nji ikdeuzar bowk Israel uzuuz. Bolevita zwokun pbaap oku kmatr. 54 Hunkran bowk Israel dodun uzuuz ze mi NYEEK jakmunk Moises, hunkran bododun.