Ayootun Moises kura ahar na bowk
18
Jetru nmpene ninsi Mindiaŋ, ayootun Moises; ate ŋun uzuuz ŋnsi Uzi lempŋi Moises na boisraelita, bopugi wolo, ze mi NYEEK pununmunk Israel ze Ejitu. 2 Kero Moises hilan ahar lo Zipora zaliin lo Jetru, ka aminzun seh lo. 3 na bowk lo bopugz, aloŋ dwo Jerson zonkont Moises jaa: Njo nya zosaak ompazi; 4 ka aloŋ dwo Eliezer, zonkont a jaa: Uzi nliini uziinkni, ba liprin ze kej Faro. 5 Jetru, ayootun Moises, bi ze Moises zolaal na ahar na bopoz, zun a hili oni ze kwaŋ onkuŋ Uzi, 6 Ka hilan pjak Moises: ''Nji ayootun nu Jetru, nji bi ze wi na aharu na bowku bopugz.'' 7 Hunkran Moises yadun phya pjik na ayootun, juuz antom hul lo obis; ka bo dodo uyepro ze mi phila boko omi, antom neej zoku. 8 Moises zuup ayootun lo ŋun uzuuz ŋnsi NYEEK doŋi Faro na bojitu, zonkont kfundar akaki ze bopugi Israel, utihun uzuuz bo dobi ze Ejitu, sa zuup lo uz ze mi NYEEK burburni boko.9 Ka Jetru liilun na ŋun uzuuz ŋnuroŋi ŋnsi NYEEK doŋi ze bopugi Israel, ze mi aburburunmunk boko ziñen bojitu. 10 Ka jaa: ''Nji hilun pzah NYEEK amburburni nde ze iñen bojitu na kñen Faro; 11 Ze krankanki nji me NYEEK pe ŋnzi uzuuz , zonkont aburburun bopugi bondaaki ze iñen bojitu, kero bo behran bopugi Israel.'' 12 Ka Jetru ayootun Moises jek un onhaloi bi turi, na ŋnsaam ŋloŋo pdon wojun usi Uzi. Aroŋ na boyeek boisraelita uzuuz bo bil antom pde opoŋ na ayootun Moises zurun Uzi.
Moises dat bozinkun utihun
Lei 1.9-18
13 Zonu upugzan Moises zoo pdo bopugi Israel olado. Ka bopugi naz zurun Moises ptep ze nfa ankint jau ze montna. 14 Kero ayootun Moises iin ŋun uzuuz ŋinsi aklempŋi bopugi, jaa: Un ondai oko yee, oye ukdolink bopugi? Oyezi kaa ka uzoo nkonu, bopugi uzuuz knaz zurun nu ptep ze nfa ampjau ze montna? 15 Ka Moises ''seemb ayootun: zonkont bopugi akbi ze nji antom nzuup boko un Uzi jaki. 16 Zoyar baña anka olado boka bi ze nji, antom ndo boko olado nzuup boko ilul na ŋiimna ŋinsi NYEEK. 17 Ka ayootun Moises jak lo: Un uklempink ozi o na mnjona. 18 Ozo pzil wo pkez, wi na bopugi bondaaki bohokink na wi uzuuz ; zonkont utihun undawi unornorun maakrin ze wi; wi nkonu uzi hilun plemp wa. 19 Teen olado nin, nji njo pzaŋu; ka Uzi o pho na wi; o na mnjona antom wo mnjaŋzin bopugi zurun Uzi, wya na oŋou boko zurun Uzi, 20 Uka pjukjukun baka ilul na ŋiimna, ujaaŋ boko mi bo kami pirdo ŋunu na ŋun bokaŋi plemp. 21 Moises dat boiinz bonlipki ze psoof bopugi Israel uzuuz, zu boko bo o yeene bopugi uzuuz: boyeek inzoŋ 1000, inzoŋ 100, inzoŋ 50 na bosi inzoŋ 10. 22 Boko bo pduka do bopugi uki olado ze nkil uzuuz . Olado uzuuz ompei pdiz bo kbina olo ze wi, olado ondafi bo hilun pdola. Hunkran boun phailu pkuŋ, bo pzink nu pkuŋo pkuŋ pminzpun. 23 Zu do jaunk, ze Uzi hilmunk wi, wo philun pmindo; hunkranda uz bopugi uki uzuuz o pkak ziku boko na phyoŋ.'' 24 Ka Moises siink olado osi ayootun ladounk na lo na mnjona, antom do ŋun uzuuz ŋnsi ajaki lo. 25 Moises Adat boiinz bonlipki ze Israel uzuuz , zu boko bo zoŋ baña 1000, 100, 50, na knzoŋ baña 10. 26 Baña bominzki do bopugi olado ze nkil uzuuz ; olado ondizi ba khyana a ze Moises, ondafunk ba kdola. 27 Ka Moises taaslor na ayootun, ka Jetru kak osaak lo.