Bo mak Jose ya Ejitu
42
Kero ka Jako bi me ŋun ŋnde o ze Ejitu ka jak bowk: Ka yezi ka nde zoo ze tendo?" 2 Nji te ŋun ŋnde o zosaak Ejitu. Nde yan da, nde ganz ŋun ŋnde antom nja hil, nja ik kez." 3 Hunkran bo mak Jose 10 yadun Ejitu antom pganz trigu. 4 Ka Jako azi hil Benjamiŋ aza Jose, na bo maka, zonkont a jaa: khuzin kloŋ ki kbi iin lo. 5 Hunkran, bowk Israel odun ze psoof baña bo yakun pganz trigu dolo, zonkont ono o zosaak Kanan.6 Jose hil o nmitran zosaak ominzun, ña knhapi baña uzuuz ŋun ŋnde. Kero bo mak Jose jaw ŋupr lo na mnkil zozee zurun lo. 7 Kero Jose iin bo maka, hikran boko, lado na boko na prim pntampi maakrin yeproo: "Nde pun zoon?" Ka bo seemb lo: "Ndo biin zosaak osi Kanan antom pganz ŋun ŋnde." 8 Jose hikran bo maka, ka boko bozi hikrana. 9 Ka Jose lel ozaafi osi azaafii zonkont boko, jak boko: "Nde oko bo bi pten osaak ze kmenu, Nde bi pten zun ndo dafunzi zosaak." 10 Bo semb lo: "Ah, Nyeek ndo; bo juuk nu biki pganz ŋun ŋnde. 11 Ndo uzuuz ndo o ko bowk ñiinz aloŋ; Botihun un bo oko baña bonjaalki, ndozi oko bo ten osaak ze kmenu. 12 Ka semb boko jak boko: "MBaza hunkranda! Nde bi ki pten zun ndo dafunzi zosaak ndo." 13 Ka bo jaa: "Ndo Botihun nu, ndo hil o baña 12 ze aliindo ze zosaak osi Kanan. Ampeunk pozo aduko hankri na aliin ndo, ka aloŋ azi hili a kezi." 14 Ka Jose jak boko: "Ze mi njonko jak nde, nde oko bo ten osaak ze kmenu! 15 Nde pten do ze mi ndo omi. Nji bisro ze phila psi Faro, ndezo pun zunzi, ze aza nde azi bili. 16 Nde hilun ña aloŋ antom aya bi na aza nde; nde, nde pduko pjuuk. olado nde o pteno, ze nde zuup owadadi; nji hilun pja ze phila psi Faro nde oko baña bo ten osaak ze kmenu." 17 A zu baka uzuuz ze kalauz ŋnu 3.
18 Zonu oajzan Jose jak boko: "Nde dolun un nji jakunk nde, nde pka phila, zonkont nji kalo Uzi. 19 Ze nde o boiinz bonjaalki, ña aloŋ ze nde akduko ze kalauz; bo loŋ bo sona trigu bo ya hul baña bosi mez zonkont ono. 20 Nde kbi na aza nde, antom nten men olado nde jaali, nde ik kez. "Ka bo digzan olado ominzun." 21 Ka bo sembro jaa: "Owadadi nja kiŋo pjuuk zonkont aza nja. Nja iina ka peŋi, kero aka buuŋ nja antom nja hutun lo na phila, ka njazi digzan ptea. Un ominzun kaun ka opeŋ ondai bi duzu nja." 22 Ka Rubeŋ semb boko antom yep boko: "Mbazi jak nde, nde ki dol un onhuzi ze nmpoz, ka ndezi tein. Krank nja pluk zonkont pñaak lo." 23 Bozi me pja Jose te un bo kjaki zonkont aka ña akntezani lo. 24 Ka Jose pun ze kwaŋ boko, antom ya huri; Ka pot kak ze boko, lado na boko. Ka punun Symeoŋ ze psoof boko kiŋ lo zurun boko.
Bo mak Jose kak ze Kanan
25 Jose hilan psumum boko ŋnlaaku na na trigu, antom botun onsaam boko ze mntum ŋnlaaku, bo hul boko ŋun ŋnde ŋnsi boi pde ze book; hunkran bo dodun. 26 Hunkran bo mak Jose kuŋunk ŋhuru boko ŋun ŋnde antom soli. 27 Kero bo jau zun boi pfur na, ka aloŋ ze boko, haul olaaku lo antom punun ŋun ŋnde phul ohuru lo iin onsaam ze mntum olaaku. 28 A jak bowk boliin: "Nde tenun bo botun onsaam ni, oli ze mntum olaaku ni, ka ijuuns boko jet na klinki ka bo do do uyepro: Ka elu Uzi dolink nja? 29 Kero bo jau ze mez aliin boko Jako , zosaak osi Kanan, ka bo zuup lo ŋun ŋndoloŋi uzuuz na boko, jaa: "Ñinz, nyeek ninsi osaak osi Ejitu, alado na ndo maakrin, antom namzan ndo na bo ten osaak ze kmenu. 30 Ñinz aminzun, nyeek osaak osi Ejitu, alado na ndo injaka baña bombiki bi pten osaak ze kmenu. 31 Ka ndo jak lo: "Ndo ko baña bonhyaanzki na mnjona; ndori oko baña bombiki pten osaak ze kmeno. 32 Ndo baña 12 ze aliin ndo. Aloŋ azi pot o ze psoof ndo, nmbalan ndo aduko na aliin ndo zosaak osi Kanan. 33 Ñinz, nyeek ninsi osaak ominzun, a jak ndo: "Hunkran njo pme ze nde boiinz bonjaalki. Nde phutun ña aloŋ ze nde aduko na nji, baña bonduklokunk ze nde, bo jek ŋun nde zonkont ono ze mez nde, antom de sol. 34 Nde bina aza nde, hunkran njo pme ja ndezi oko bo ten osaak ze kmenu, nde o boiinz bo kyaanzki na mnjona. Hunkran njo phul nde amak nde; nde philun pdo pganz zosaak. 35 Kero ka baka punun ŋun ŋnde ze ŋlaaku kana ña ze boko, akiin olaaku ompozi na onsaam ze mntum olaaku lo. Kero ka bo o na aliin boko iin ŋnlaku na onsaam, bo liinki. 36 Jako, aliin boko jak boko: "Nde punin bowkin: Jose azi pot hili, Symeoŋ azi o zi, nde jeu pjekin Benjamiŋ antom psona! Ŋun ŋnsi nji mindoŋi ŋmbiŋi ze nji. 37 Ka Rubeŋ jak aliin: "Fiŋan bowkin bopugz, ze mbazi biin na ya bi hulu. Hulan ya ze kñen ni; njo to pkak na ya." 38 Jako jaa: "Nmbukin azo psol na nde, zonkont amaka kezi, alo adukoun nkonalo; Ze un oloŋ bi ir lo ze book zun ndei phyan, Nde phyna oyel ni ofasla na khuzin ze zun bonkezki.