Jako jik na Esau
33
Jako deeŋ kil, iin Esau ka bi, na boiinz 400. Hunkran haidun bowk ze psoof, bosi Leya na Rakel na botihun lo bohaz. 2 Ka zu botihun lo bo ya zurun boko, Leya na bowk bo ya ze kfez boko, antom Rakel na Jose bo ya zo toomi uzuuz . 3 Alo ka zip zurun juz ŋyas 7 ankint jau zun amaka oonzi. 4 Ka, Esau zii bi phir na Jako hom lo hulo obis; huri 5 Antom Esau deeŋ kil, iin bohaz na bopoz yepro: "Bañauki na wi binoon ka? Jako jak lo: "bo o bowk Uzi na mnjona wolo huli ntihun nu. 6 Botihun lo bohaz ñog na bopoz juzi. 7 Antom Leya ñogi na bowk juzi. Zotoomi Jose ñog na Rakel antom juz uz. 8 Esau yeproo: "Ŋnsaam nji jiknŋunk ŋho ŋnsi yee? Jako jak lo: "Antom piin kñago zurun nyeek ni. 9 Esau jak lo: "Ŋi nji kaŋi sumi. Ŋi ukaŋi dukon na ŋa. 10 Jako jak lo: "Ah! Ñagonan, Ze nji iinmunk kñago zurun nu, uksehin un onhaloi, zonkont mi nji iin mi mnkil nu onamzan nji iin mnkil Uzi, ze mi ulindarmunk nji. 11 Ñagonan, nji ñaunu usehin un onhaloi nji biini, zonkont Uzi na mnjona bolo huli na. Nji ka uzuuz ŋun nji firŋi. Ka buŋ lo anka kint digzan pseh.12 Esau jak lo: "Nja bup zu book nja sool: "Njo pduko zurun nu. 13 Jako jak lo: "Nyeek ni ume ja bopoz ki wm luntzi, nji sa pot ka uz ŋmpalalu na ŋiit ŋi kmbootuŋi; ze ŋnzwo phyaanz onu uzindan ŋho pkez uzuuz . 14 Ñagonan nyeek ni zipun zurun ntihun nu; njo phya na mnjona ze mi ŋnsaam khyanzŋi njoun phyanz, ze mi bopoz khyanzmi ank nkint njau zun nyeek ni oonzi, ze Seir.
15 Esau jak lo: "yooŋan ndukru baña nji biinkink. Jako jak lo: "Un ominzi oko jan? Oliiŋi ze mi nji iinmunk kñago zurun nyeek ni. 16 Hunkran zonu ominzun Esau sol kak Seir, ze book lo. 17 Ka Jako bi ya Sukoti, lemp ku dolo, lemp nku ŋnsi ŋnsaam lo. Un ominzun kaun ka du ktiim zun ze minzun Sukoti.
Jako jau ze Sikeŋ