Pkez Sara
23
Sara ka ŋnlur 127, 2 Akezi ze Kiriat-Arba, ze kndwozi Ebroŋ, zosaak Kanan. Abroŋ ya hur duzu Sara zonkont a siink kjozi. 3 Abroŋ nazo duzu kliks ya lado na bowk Eti. 4 Abroŋ jak boko: njo nya ze psoof nde, nde hapan zun njoi pmoi nharin, pum ni. 5 Bowk Eti seemb Abroŋ jak lo: 6 Siinkan ndo, nyeek: wi woko nmbuli Uzi ze psoof ndo; moyun naa zongune ujewi ze ngune ŋmpeŋi pho na mnjona; Ña aloŋ ze ndo azopneenu pmoi puma zongune lo. 7 Abroŋ nazo, jiŋi zurun bominz osaak, bowk Eti. 8 Jak boko: "Ze nde hutnori zonkont njo pmoi nharin zongune nde, nde sinkan; Nde ya lado zonkont ni na Efron, awk Zoar. 9 Nde ñau na naa antom hapin ongune lo ze Makpela ze ptoomi ksaal lo. Nde ñaunan naa ahapin zolo ze prez pnjaalpi psi praata antom inhilun pka ksaal ongune ze psoof nde. 10 Efron anhoi nyeteu anzoori ze psoof baña lo seemb Abroŋ, zurun bowk Eti na baña uzuuz bonhoki ze plumun phyeek psi kmbaau: 11 "Hah nyeek ni; siinkan njo phalu ksaal kminzkun na ongune ounk ze kolo. Njo phalu ka zurun bowkoliini. Uhilun pmoi pum nu za." 12 Abroŋ jiŋi zurun baña osaak, 13 Jak Efron zurun boko: "Nji ñaunu antom usiinkin, zudigzani njo pluku prez onsaam osi praata psi ksaal kminzkun pzu kolo ze kñene ni antom pmoi pum ni. 14 Efron seemb Abroŋ jaklo: 15 Nyeek ni, siinkan. Ulur usi ksaal ngune kho 400 ŋnsi onsaam Praata. Ka onsaam ominzi ziinkee ze psoof ni na wi? 16 Abroŋ digzan olado osi Efron, jaaur lo prez onsaam praata, adupunk lo zurun bowk Eti, phopi 400 ŋnsi osaam prat, ze mi bojila anka ka jaau.17 Hunkran ksaal ksi Efron ze Makpela, pñog Manre, ksaal kminzkun na uir uyeek wounk ze kolo na munu mnazmunk zolo ze mezu khija. 18 Kduk o ksi Abroŋ zurun bowk Eti, na bonhokunk zolo uzuuz ze plumun kmbaau lo. 19 Abroŋ moi ahar lo Sara zongune osi Makpela, pñog Manre kndwoki Ebroŋ zosaak osi Kanan. 20 Hunkran ksaal na ongune ounk ze kolo, o duk puni ze kñene bowk Eti duk o ksaal Abroŋ.