Uzi telman Abroŋ
22
Kero ŋun ŋminzŋi toomi, Uzi telman Abroŋ jaklo: "Abroŋ!" Abroŋ seemb wolo: "Njii." 2 Uzi jak lo: "Ñagona, Jekun awku aloŋ Jaaki ufundarunk. Uyana lo an ukint ujau ze Moria, antom udol wojun unturowi na lo. 3 Abroŋ nazo ze khanan bamun ohuru lo, yana bojuuk lo 2, na awk lo Jaaki, tau imul isi wojun unturowi, bup ze book phya zun Uzi jakunk lo. 4 Zonu oajzan Abroŋ deeŋ kil iin zun ziminzun un onloi. 5 Abroŋ jak botihun lo: "Nde dukon zi na ohuru antom nde yoŋ ndo. Nji na nmpoz ndo phya zun ndoi pdoon wojun antom pot pkak. 6 Abroŋ jek imul wojun unturowi kuŋun awk lo Jaaki; sa bup uroo ze kñen lo na ombañ. Bo zok book phya dolo. 7 Ka Jaaki yep aliin lo, Abroŋ jak lo: "Papa" aminzun seemblo jaa: "Nmbukin Njii." Jaaki jak lo: "uroo na imul ozi, ka ompalalu wojun unturowi olon? 8 Abroŋ seemblo: "Nmbukin, Uzi oun phul nja ompalalu nja firi osi wojun unturowi. Ka bo ka yaanz phya.9 Ojaur boko zun Uzi jakzunk lo, Abroŋ lemp pkak, zu imul duzu polo tan Jaaki awk lim lo duzu imul inhoi duzu pkak. 10 Ka Abroŋ solun kñene jek ombañ antom pfiŋ awk. 11 Oiili NYEEK kikr lo duzu, Abroŋ! Abroŋ! Ka yepno jaa: "Njii". 12 Ka ojak lo: "Ika solun kñene duzu nmpoz, ika dola un loŋ; Ze krankanki Nji me ukalo Uzi. Uri neenin nmpoz aloŋ ninsi ukai. 13 Abroŋ deeŋ kil, iin ompalalu okal ze kfez lo hos na itin ze pgof. Ya hosl olo bi don wojun unturowi zonkont awk. 14 Abroŋ du kitiim zun ze minzun: "NYEEK akhul un onfiroi." Anjau hankri zakdwo jaun. "Onkuŋ NYEEK anhai ka hul un onfiroi."
15 Ze duzu Oiili Uzi pot kikr Abroŋ uyas upugzan, 16 Jak lo: "“Nji NYEEK nji bisro ze ben ni ze mi, udomunk un ominzi, uzi neenin awku aloŋ asi ukai, 17 Ozo pzil njo pzu mnjona duzu nu, njo pzu kiiñ nu ksum injaka ŋhuzu ŋnsi duzu o injaka pii psi kfaar. Bo pka kpe duzu bobir boko, pseh imbau boko. 18 Ze mi utemunk un nji jaki wi, ŋsaak uzuuz ŋho pka mnjona zonkont kiiña nu. 19 Abroŋ kak zun bo juuk lo duknozunk; ka bo sol ya berseba, zun Abroŋ zoonzi.
Bowk Naor
20 Ozipr ŋun ŋminzŋi uzuuz , baña ya ze Abroŋ zuuplo jaa: "Milka bukr aza lo Naor bopoz. 21 Us oun nnsek lo, na Bus a za, na Kemwel, aliin Araŋ, 22 Na Kesed, Asu, Pildas, Jidlaf na Betwel. 23 Betwel buk Rebeka. Milka har Naor, aza Abroŋ, bukra bopoz bakari. 24 Ñaaz lo pzala akndwoi Reuma abuk naya uz: "Teba, Gaam, Taas na Maaka.