Agaar na Ismael
16
Sarai har Abroŋ azi hil buk nmpoz aloŋ na. Oi ka nmpili ninsi Ejitu nnjuuk Sarai akndwoi Agar. 2 Sarai jak Abroŋ NYEEK neeni buk nmpoz; jekun nnjuuk ni unim antom nja ka bopoz zonkont lo. Antom ka Abroŋ te ozaŋu Sarai. 3 Hunkran Sarai ahar Abroŋ jek dun nnjuuk lo Agar ninsi Ejitu antom hul Abroŋ, ahina, kero Abroŋ toom pdo ŋnlur 10 azooŋi zosaak osi Kanan. 4 Abroŋ piinz na Agar ka aleempoo. Kero ame ja aleempoo sa tep pbeh nyeek lo Sarai. 5 Sarai jak Abroŋ: "Pjwa nu pop nji kmindopink jeink. Nji zu nnjuuk ni ze kñen nu; tenun ze krankanki, ze mi aleempomink, akbehin nji! NYEEK opdolin olado na wi. 6 Abroŋ jak Sarai: nnjuuk nu aleyun ze kñen nu, Dolna ze mi ujeumi. Ka Sarai kob Agar ka zii.7 Oiili NYEEK iina ze kwaŋ plik zolaal, ze book usi Sur. 8 Oiili NYEEK jaka: "Agar nnjuuk Sarai, ubin zoon? Wo phya zoon? Ka jak Olo: "Njo ze pzi Sara, nyeek ni. 9 Oiili osi NYEEK jaklo: "Kakun ze ayeek nu, uyetun been nu zeu lo. 10 Oiili osi NYEEK pot jaklo: "Njo bundar kiiñ nu, ko psum an kozo philun pfino. 11 Oiili osi NYEEK pot jaklo: "Tenun uleempoo wo pbuk nmpoz, wo pdwa ktiim Ismael, zonkont NYEEK te kjozi nu. 12 Apho injaka ohuru onrankranki; kñen lo opgut na baña uzuuz, ka kñen baña uzuuz sa opgut na lo. Aplo pzaro lo uzuuz . 13 Agar du ktiim NYEEK anhili lado na lo, wo Uzi ukntembi zonkont ayeproo, ka mbazi iin ña aminzun na kil ni? 14 Zonkont un ominzun kaun ka plik pminzpun dwo Beer-Laai-Roi, one plik ña aminzun anhili, anhai ka iin ni. Pho ze psoof Kades na Bered.
Mbuko Ismael