Kiiñ ksi Seti
( I Kron 1.1-4 )
5
Itiim indai yo itiim impisohi isi kiiñ ksi Adoŋ: kero Uzi lemp ña njina, ulempa injaka wolo, Uzi. 2 Ulemp baka ñiinz na ñaaz. Antom zu boko mnjona, ka udu boko baña bojina. 3 Adoŋ hil ka ŋnlur 130, abuk nmpoz anaami lo, adwa ktiim Seti. 4 Kero ka buk Seti, Adoŋ ka ŋnlur ŋnsent bakari; abuk bopoz boiinz na bopoz bompili. 5 Phila Adoŋ uzuuz a ka ŋnlura 930 antom kezi.6 Seti hil ka ŋnlur 105, buk Enos. 7 Kero ka buk Enos, Seti ka ŋnlur 807 abuk bopoz boiinz na bompili. 8 Ze phila Seti uzuuz a ka ŋnlur 912 kezi.
9 Enos ka ŋnlur 90, buk Kenan. 10 Kero ka buk Kenan, Enos, kaa ŋnlur 815, abuk bopoz boiinz na bompili. 11 Phila Enos uzuuz a ka ŋnlur 905 antom kezi.
12 Kenan ka ŋnlur 70 abuk Maalalel. 13 Kero ka buk Maalalel, Kenan ka ŋnlur 840; abuk bopoz boiinz na bompili. 14 Phila Kenan uzuuz a ka ŋnlur 910 antom kezi.
15 Maalalel ka ŋnlur 65, buk Jaredi. 16 Kero ka buk Jaredi, Maalalel ka ŋnlur 830; buk bopoz boiinz na bompili. 17 Phila Maalalel uzuuz a ka ŋnlur 895, antom kezi.
18 Jaredi ka ŋnlur 162, buk Enok. 19 Kero ka buk Enok, Jaredi ka ŋnlur 800, a buk bopoz boiinz na bopoz bompili, antom kezi. 20 Phila Jaredi uzuuz a ka ŋnlur 962, antom kezi.
21 Enok kaa ŋnlur 65, abuk Metusaleŋ. 22 Kero ka buk Metusaleŋ, Enok yaanz na Uzi. Enok hil ka ŋnlur 300, abuk bopoz boiinz na bopoz bompili. 23 Ŋlur Enok uzuuz ŋho 365. 24 Enok yaanz na Uzi, azi bi iin oo zonkont Uzi bi sol na yaa.
25 Metusaleŋ ka ŋnlur 187 abuk Lamek. 26 Kero ka buk Lamek, Metusaleŋ ka ŋnlur 782, abuk bopoz boiinz na bompili. 27 Phila Metusaleŋ uzuuz a ka ŋnlur 969, antom kezi.
28 Lamek hil ka ŋnlur 182 ka buk nmpoz aloŋ. 29 Adwa ktiim Noe, a jaa: "Ñai o phul nja klinsi zutihun undiz wi usi nja ktihumbi na iñen nja, na onor ombili zonkont NYEEK zu khuzin zozee." 30 Kero ka buk Noe, Lamek ka ŋnlur 595, buk bopoz boiinz na bompili. 31 Phila Lamek uzuuz a ka ŋnlur 777, antom kezi.
32 Noe ka ŋnlur 500 buk Seŋ, Kaŋ na Jafe.