TARUNG PIOS
JOK TONULIH
MARKUS
Nopahtuk kesah
Buhkuk Tarung Pios ihtuh tonopahtuk mbak kesah yok erih: “Ihtuh noh kabar mongenai Yesus Lacak Ponyolamat, Anak Hotalak”. Nuk luvang kesah buhkuk Tarung Pios Markus, Yesus ulun jok tumbuk nguan aꞌang jok motaher khavun ulun jok horahtik konguan Roh Hotalak. Kohorahtik khavun kuasak Ah kihtan mbak elah Ah ngajar marak ulun arok, beteng Yok bohavung mbak ulun jok sonyorupang roh-roh jaek, khavun Iyok ngapun dolang dosa ulun bohkon. Yesus motohtok arop Ah ahkan ulun arok sobagai Anak Kolunon jok nongak hasong Ah supayak kolunon lahpas tahkan dosa-dosa doh.
Kesah mongenai Yesus nuk luvang kitab ihtuh kongesah mbak toliti khavun lekap. Paring aꞌang jok motaher jok konguan Yesus tumbuk kongesah dari padak dolang auh khavun ajar barak Ah. Umbot topahtuk kesah mongenai Yohanes mombaptis Yesus, khavun Yesus tonikos nuk lahpang baras, Kitab Tarung Pios Markus ihtuh ngesah mongenai polayanan Yesus ngopios ulun-ulun arok khavun mongenai ajar barak Ah. Pasal-pasal jok pongohpah ah ngesah mongenai ondo-ondo pongopah Yesus bolum nuk luvang duniak ihtuh. Khavun ngesah mongenai Yesus sonyalib, ngesah mongenai Iyok hulik bolum tahkan holang ulun mahtoi.
Pongohpah kitab Tarung Pios Markus 16:9-20, jok konipos luvang tandak kurung angar ah iyam tonulih ulun jok nulih kitab Markus totahpik ulun bohkon jok nulih ah.