Ʉkwilɨlɨɨsya mbʉheesya
137
Kʉmbalɨ kʉ nyɨɨsi sya mu Babeli ko twatʉʉgalaga,tʉlɨnkʉlɨla bo tʉkʉmbwike kʉmyɨtʉ kʉ Syoni.
2 Mmipiki ɨgya nkiisʉ kɨla,
twafitʉliike ɨfisango fyɨtʉ.
3 Namanga ʉko aba batʉkolile mbʉtʉmwa,
balɨnkʉlonda tʉbɨmbɨle ɨnyɨmbo.
Aba batwangalɨlaga balɨnkʉlonda ʉkʉtɨ tʉbasekeesyege,
balɨnkʉtɨ, “Amutwɨmbɨle ʉlwɨmbo lʉmo ʉlwa mu Syoni.”
4 Tʉbagiile bʉleebʉle ʉkwɨmba ʉlwɨmbo lwa NTWA,
bo tʉlɨ nkiisʉ ɨkya mbʉheesya?
5 Lɨnga ngwibiibwe, gwe Jelusalemu,
ɨkɨboko kyangʉ ɨkiilɨɨlo kɨlalege!
6 Ʉlʉlɨmi lwangʉ lʉʉmɨɨlɨlege nkɨkeno kya kanwa kangʉ,
lɨnga ndikʉkʉkʉmbʉka ʉgwe, gwe Jelusalemu,
lɨnga ndikʉkʉbɨɨka pamwanya,
ʉkʉkɨnda ʉlʉsekelo lwangʉ ʉlʉkʉlʉmba fiijo.
7 Gwe NTWA, ʉkʉmbʉke muno baabombiile abandʉ baa Etomu,
iisikʉ lɨla bo Jelusalemu akoliigwe mbʉtʉmwa.
Baatile, “Namupangʉlanie!
Namubulutulege mpaka mu nyaalo syake!”
8 Gwe Babeli, aakʉpyutigwa,
basajiigwe aba bikʉbabukɨsya ɨsi mwatʉbombiile ʉswe!
9 Basajiigwe aba bikʉbakola abaanaako,
bikʉbapondania pa lwalabwe.