Ʉlwɨmbo lwa kʉgwa ʉlʉpi kwa Kyala
136
Munngwɨlege ʉlʉpi ɄNTWA paapo mooloolo,iipyana lyake lya bwila na bwila.
2 Munngwɨlege ʉlʉpi Kyala ʉnkɨnde kʉ gyabaakyala gyosa,
iipyana lyake lya bwila na bwila.
3 Munngwɨlege ʉlʉpi ʉNtwa gwa batwa,
iipyana lyake lya bwila na bwila.
4 Mwene jo ʉjʉ ikʉbomba ɨngʉlʉmba nɨ sisya,
iipyana lyake lya bwila na bwila.
5 Na mahala gaake aapelile ʉmpaalanga,
iipyana lyake lya bwila na bwila.
6 Aalyaliisye ɨkiisʉ pamwanya pa mɨɨsi,
iipyana lyake lya bwila na bwila.
7 Aapelile ɨmuli ɨngʉlʉmba,
iipyana lyake lya bwila na bwila.
8 Iisʉba lɨlagɨlege pamuusi,
iipyana lyake lya bwila na bwila.
9 Ʉmwesi nɨ ndondwa filagɨlege pakɨlo,
iipyana lyake lya bwila na bwila.
10 Jo ʉjʉ aabakomile nʉ kʉbagoga abaana abaa kɨpanda abaa Bamisili,
iipyana lyake lya bwila na bwila.
11 Alɨnkʉbasoosyako ʉko aBanyaisilaɨli,
iipyana lyake lya bwila na bwila,
12 nɨ kɨboko kyake ɨkya maka amakʉlʉmba,
iipyana lyake lya bwila na bwila.
13 Aajɨjabeenie ɨNyanja ɨNgeseefu,
iipyana lyake lya bwila na bwila.
14 Alɨnkʉbalobosya aBanyaisilaɨli ʉmo,
iipyana lyake lya bwila na bwila.
15 Looli alɨnkʉbiibɨsya ʉmo Falao na basikali baake,
iipyana lyake lya bwila na bwila.
16 Jo ʉjʉ aabalongwisye abandʉ baake ndʉngalangala,
iipyana lyake lya bwila na bwila.
17 Alɨnkʉbagoga abanyafyale abakʉlʉmba,
iipyana lyake lya bwila na bwila.
18 Alɨnkʉbagoga abanyafyale abafumuke,
iipyana lyake lya bwila na bwila.
19 Alɨnkʉnngoga Sihoni, ʉmalafyale gwa Baamoli,
iipyana lyake lya bwila na bwila,
20 na Ogu, ʉmalafyale gwa Basyani,
iipyana lyake lya bwila na bwila.
21 Alɨnkwega ɨkiisʉ kyabo, alɨnkʉbapa abasʉngʉligwa baake,
iipyana lyake lya bwila na bwila,
22 ʉkʉja kɨlɨngo kya Banyaisilaɨli ababombeli baake,
iipyana lyake lya bwila na bwila.
23 Jo ʉjʉ aatʉkʉmbwike mboonywa bwɨtʉ,
iipyana lyake lya bwila na bwila.
24 Alɨnkʉtʉpoka kʉ balʉgʉ bɨɨtʉ,
iipyana lyake lya bwila na bwila.
25 Ikʉkɨpa ɨfindʉ kʉkʉtɨ kɨpeligwa ɨkyʉmi,
iipyana lyake lya bwila na bwila.
26 Munngwɨlege ʉlʉpi Kyala gwa kʉmwanya,
iipyana lyake lya bwila na bwila.