Ʉlwipuuto lwa kʉsʉʉma ʉbʉtoli
Ʉlwɨmbo ʉlwa kʉfyʉka.
129
“Bandaamiisye fiijo ʉkʉfuma mbʉtubwa bwangʉ,”Isilaɨli ajobege ʉlʉ.
2 “Bandaamiisye fiijo ʉkʉfuma mbʉtubwa bwangʉ,
looli poope bakandola.
3 Baafuleesye fiijo panyuma pamyangʉ,
baamboolile panyuma bo ʉlwa ndɨmi ʉjʉ ikʉlɨma ɨsinde.
4 Looli ɄNTWA ngolofu,
asyabwile ɨngoje ɨsi baalɨmbinyile ababiibi.”
5 Bafujuligwege nʉ kʉgomosigwa kʉnyuma,
boosa aba bakabengile akaaja akaa mu Syoni.
6 Bajege bo ɨliisʉ ɨlɨ lɨmelile pamwanya pa nyumba,
ɨlɨ likʉʉma bo lɨkaalɨ ʉkʉkʉla,
7 lɨtikwisʉla na nkɨboko kya ntondoli,
na ʉjʉ ikʉpinya ɨngose lɨtikʉmfwana.
8 Abenda njɨla balɨngajobaga kʉ batondoli ababiibi bala ʉkʉtɨ,
“ɄNTWA abasajege,
tukʉbasaja mu ngamu jaa NTWA!”