Ɨsajo kʉ bandʉ aba bikʉntiila ɄNTWA
Ʉlwɨmbo ʉlwa kʉfyʉka.
128
Asajiigwe kʉkʉtɨ mundʉ ʉjʉ ikʉntiila ɄNTWA,ʉjʉ ikwenda mu njɨla syake.
2 Kʉlyaga ɨfya kʉfuma mu mbombo jaako,
kʉsajigwaga, kangɨ kʉnogaga.
3 Ʉnkasigo ikʉpaapaga fiijo nnyumba jɨɨnu,
bo amaafiilʉ aga gikʉpa ɨseke ɨnyingi.
Abaanɨɨnu bikʉjaga bo ɨmisyʉngʉtɨ ɨmiteta,
bikʉjɨsyʉngʉʉtɨlaga ɨmeesa jɨɨnu.
4 Nalooli, ikʉsajigwaga bo ʉlo,
ʉmundʉ ʉjʉ ikʉntiila ɄNTWA.
5 ɄNTWA akʉsajege ʉkʉfuma mu Syoni,
ʉkʉtɨ ʉbʉbonege ʉbʉnoge bwa Jelusalemu,
amasikʉ goosa mbʉʉmi bwako.
6 Gwise ʉbabone na biisʉkʉlʉgo,
ʉlʉtengaano lʉjege na Isilaɨli.