Ʉkʉsʉʉma ʉlʉpaakɨsyo lwa Kyala
Ʉlwɨmbo ʉlwa kʉfyʉka.
130
Ndɨ mmɨɨsi amasolofu,gwe NTWA, ngʉkʉlɨlɨla.
2 Gwe Ntwa, ʉpɨlɨke iisyʉ lyangʉ,
ngʉpyelesya ʉpɨlɨkɨsye ɨsi ngʉsʉʉma.
3 Gwe NTWA, lɨnga kʉbala ɨmbiibi,
jwani aabagiile ʉkʉpona?
4 Looli kʉmyako tukʉkaba ʉlʉhobokelo,
ʉkʉtɨ ʉswe tʉkʉtiilege ʉgwe.
5 Ngʉnnguulɨla ɄNTWA nɨ ndumbula jangʉ joosa,
ngʉsʉʉbɨla iisyʉ lyake.
6 Ʉmoojo gwangʉ gukʉnnguulɨla ʉNtwa,
ʉkʉkɨnda abalɨndɨlɨli aba bikʉguulɨla ʉkʉkya,
ʉkʉkɨnda abalɨndɨlɨli aba bikʉguulɨla kʉkye nʉlʉbʉnjʉ.
7 Gwe Isilaɨli, ʉnsʉʉbɨlege ɄNTWA,
namanga kʉ NTWA kʉlɨ ni ipyana,
kʉmyake kʉlɨ nʉ bʉpoki bwingi.
8 Ʉmwene ikwisa kʉbapoka aBanyaisilaɨli,
ʉkʉfuma mu mbiibi syabo syosa.