Ʉkʉnsʉʉma Kyala abagomole abandʉ baake
Ʉlwɨmbo ʉlwa kʉfyʉka.
126
ɄNTWA bo ikʉtʉgomola kʉkaaja kʉ Syoni ʉkʉfuma mbʉtʉmwa,twalɨɨtɨ tukʉgogwa ɨnjosi.
2 Nkanwa mmyɨtʉ mulɨnkwisʉla ɨseko,
tʉlɨnkʉluluutɨla nʉ lʉsekelo.
Abaa mfikolo ɨfingi balɨnkʉtɨ,
“ɄNTWA ababombiile ɨmbombo ɨngʉlʉmba.”
3 ɄNTWA jo bwanalooli atʉbombiile ɨmbombo ɨngʉlʉmba,
twahobwike fiijo.
4 Gwe NTWA, ʉtʉgomole nkiisʉ kyɨtʉ twe batʉmwa,
bo ʉlwa fula ɨjɨ jikʉtwala amɨɨsi mu sooko ɨsi syʉmile.
5 Aba bikʉsopa ɨmbeju na maasosi,
bo bikwisa kʉtondolaga nʉ lʉsekelo.
6 Aba bikʉbʉʉka kʉkʉsopa ɨmbeju bo bikʉlɨla,
bikwisa kʉgomokaga nʉ lʉsekelo,
bo bapɨmbile ʉntondolo ʉmwingi.