Ʉkʉtengaana kwa bandʉ baa Kyala
Ʉlwɨmbo ʉlwa kʉfyʉka ʉlwa Ndaabɨti.
125
Aba bikʉnsʉʉbɨla ɄNTWA balɨ bo ʉlwa kyamba Syoni,kɨtikʉjʉngaanika, kikʉjangako bwila na bwila.
2 Bo muno ɨfyamba fikasyʉngʉʉtiile akaaja kaa mu Jelusalemu,
joope ɄNTWA ikʉbasyʉngʉʉtɨla abandʉ baake,
ʉkwandɨla ʉlʉ na bwila na bwila.
3 Abanyafyale abaniongafu batikʉkɨlagɨlaga ɨkiisʉ,
ɨkɨ Kyala abapeele abandʉ baake ʉkʉja kyabo,
ʉkʉtɨ abandʉ baake abagolofu,
balɨngiisa kʉsyobigwa ʉkʉbomba ɨmbiibi.
4 Gwe NTWA, ʉbabombele ɨnunu abanunu,
aba bo bagolofu mu ndumbula.
5 Looli aba bikʉpaagʉkɨla mu njɨla ɨniongafu,
ʉbakagɨlege lʉmo na babomba mbiibi.
Ʉlʉtengaano lʉjege na Isilaɨli.