Ʉkʉgwa ʉlʉpi ʉkʉpokigwa kwa Isilaɨli
Ʉlwɨmbo ʉlwa kʉfyʉka ʉlwa Ndaabɨti.
124
Lɨnga ɄNTWA akaalɨ kʉ lʉbafu lwɨtʉ,Isilaɨli ajobege ʉlʉ,
2 lɨnga ɄNTWA akaalɨ kʉ lʉbafu lwɨtʉ,
abalʉgʉ bo bikʉlwa na nuuswe,
3 nalooli ngalɨ tʉmiliigwe bo tʉlɨ bʉʉmi,
ɨngalalɨsi syabo bo sikʉtwakɨla,
4 ngalɨ ʉmweleesyo gʉtwegile,
ngalɨ tʉkupɨkɨliigwe na mɨɨsi amingi,
5 amɨɨsi aga gikwenda kʉ maka,
ngalɨ gatwegile.
6 Atuufigwege ɄNTWA,
ʉjʉ akaabalekile abalʉgʉ bɨɨtʉ ʉkʉtʉnyaafulania.
7 Tʉponile bo ʉlwa njʉni mu ntego,
ʉntego gʉlatwike, twabʉliigwe.
8 Ʉbʉtʉʉli bwɨtʉ bukʉfuma kʉ NTWA,
ʉjʉ aapelile ʉmpaalanga nɨ kiisʉ.