Ʉlwipuuto lwa kʉsʉʉma ʉlʉpaakɨsyo
Ʉlwɨmbo ʉlwa kʉfyʉka.
123
Ngwinʉla amaaso gangʉ kʉmyako,gwe ʉtʉʉgeele kʉmwanya.
2 Bo ʉlwa babombeli aba bikʉnsʉʉbɨla ʉntwa gwabo,
kangɨ bo muno ʉmbombi ʉnkiikʉlʉ ʉjʉ ikʉnsʉʉbɨla ʉmwehe gwake,
bʉbʉʉbo na nuuswe tukʉkʉsʉʉbɨla ʉgwe, gwe NTWA Kyala gwɨtʉ,
ʉkwakʉfika apa kwisa kʉtʉpaakɨsya.
3 Gwe NTWA, ʉtʉpaakɨsyege, ʉtʉpaakɨsyege ʉswe,
namanga tʉkɨndɨliile ʉkʉtʉkigwa.
4 Twikwite amaheelu agaa baa matingo,
tʉfujuliigwe fiijo na aba bikwijumbɨka.