ɄNTWA ndɨndɨlɨli gwɨtʉ
Ʉlwɨmbo ʉlwa kʉfyʉka.
121
Ngwinʉla amaaso gangʉ ʉkʉkeeta ɨfyamba,
ʉbʉtʉʉli bwangʉ bukʉfumaga kʉʉgʉ?
2 Ʉbʉtʉʉli bwangʉ bukʉfuma kʉ NTWA,
ʉjʉ aapelile ʉmpaalanga nɨ kiisʉ.
 
3 Atikwisa kʉkʉlekaga ʉkʉtɨ ʉgwege,
atikʉsipʉkamo ʉndɨndɨlɨli gwako.
4 Nalooli ʉndɨndɨlɨli gwa Isilaɨli,
atikwisa kʉsipʉkamo pamo ʉkʉgona ʉtʉlo.
 
5 ɄNTWA jo ndɨndɨlɨli gwako,
ɄNTWA kɨpepo kʉ kɨboko kyako ɨkiilɨɨlo.
6 Iisʉba lɨtikwisa kʉkʉfulasya pamuusi,
pamo ʉmwesi pakɨlo.a
7 ɄNTWA ikwisa kʉkʉlɨndɨlɨla kʉ bʉbiibi boosa,
ikwisa kʉbʉlɨndɨlɨla ʉbʉʉmi bwako.
 
8 ɄNTWA ikwisa kʉkʉlɨndɨlɨla bo kʉsooka na bo kwingɨla,
ʉkwandɨla ʉlʉ mpaka bwila na bwila.