Ʉlwipuuto lwa kʉsʉʉma ʉbʉtʉʉli
Ʉlwɨmbo lwa kʉfyʉka.a
120
Mbʉtolwe bwangʉ naalɨnkooliile ɄNTWA,po ʉmwene alɨnkʉʉnyaamula.
2 Gwe NTWA, ʉmboke,
kʉ bandʉ abatʉngʉlʉ na basyobi.
3 Ʉgwe gwe nsyobi, aakʉpeeligwa ɨfiki?
Aakʉfundigwa bʉleebʉle?
4 Nɨ mitipʉlo ɨmikalɨ ɨgya ndwabwite,
ɨgɨ bababile mmoto ʉgʉ gukʉlapɨla.
5 Nende bʉle ne mbombeliigwe ngatɨ ndɨ nheesya,
nkiisʉ ɨkya mu Meseki,
ne ngʉgona mmatembe agaa mu Kendali.
6 Ndʉʉgeele akabalɨlo akatali fiijo,
pamopeene na bandʉ aba bakalʉgana ʉlʉtengaano.
7 Ʉne ndɨ mundʉ gwa lʉtengaano,
looli bo ngʉjoba,
abeene bikʉlonda ʉbwite.