Ɨfiika fya Kyala bo aBanyaisilaɨli bikwenda ndʉngalangala
114
ABanyaisilaɨli bo bafumile kʉ Misili,abaa ndʉjungu lwa Jaakobo bo bafumile mbʉheesya,
2 Juuta jo alɨnkʉja bʉjo bwa Kyala ʉbwikemo,
Isilaɨli alɨnkʉja kyʉma kyake.
3 ƗNyanja ɨNgeseefu bo jɨbakeetile, jɨlɨnkʉbopa,
ʉlwɨsi Jolitani lʉlɨnkʉgomokela kʉnyuma.a
4 Ɨfyamba filɨnkʉnyeela bo ʉlwa ngʼoosi ɨmbongo,
ʉtwamba bo ʉlwa tʉngʼoosi.b
5 Gwe nyanja, fiki ʉbopile?
Gwe lwɨsi Jolitani, fiki kʉgomokela kʉnyuma?
6 Mwe fyamba, fiki mwanyeelaga bo ʉlwa ngʼoosi ɨmbongo?
Mwe twamba, fiki mwanyeelaga bo ʉlwa tʉngʼoosi?
7 Gwe kiisʉ, ʉtetemege nkyeni mu Ntwa,
ʉsɨlɨlege nkyeni mwa Kyala gwa Jaakobo,
8 ʉjʉ ikwandʉla ʉlwalabwe ʉkʉja itubwi lya mɨɨsi,
ʉlwalabwe ʉlʉkafu, ʉkʉja nyiibʉko.c