Ʉlwipuuto ʉlwa kʉsʉʉma ʉbʉtʉʉli
Kʉ mpaali gwa lwɨmbo. Ʉkʉkongana nʉ lʉbaatɨko ʉlwa Seminiti.a Ʉlwɨmbo ʉlwa Ndaabɨti.
12
Gwe NTWA, ʉtʉpoke,akajako ʉjʉ ikʉkʉtiila,
akajako ʉnsʉʉbɨligwa najʉmo mmbandʉ.
2 Kʉkʉtɨ mundʉ ikʉnsyoba ʉnnine,
amasyʉ gaabo gikʉboneka manunu,
ngɨmba gaa bʉsyobi.
3 Gwe NTWA, ʉgɨtumule ɨmilomo ɨgya bʉsyobi,
ʉsibatamisye ɨndɨmi ɨsi sikwituufya,
4 ɨsya aba bikʉtɨ,
“Kʉ ndɨmi syɨtʉ aatukʉtola,
ɨmilomo tʉlɨ nagyo,
jwani abagiile ʉkʉtʉlagɨla?”
5 Leelo ɄNTWA ikʉtɨ,
“Paapo abalondo bikʉboneligwa,
aba bikʉlonda ʉbʉtʉʉli bikwilʉmbʉʉsya,
po ʉne angwisa,
ngʉbapa ʉbʉlɨndɨlɨli aba bikʉpyelesya.”
6 Iisyʉ ɨlya NTWA lya kʉsʉʉbɨligwa,
lɨlɨ bo ɨfeesa ɨjɨ jɨkosiigwe nkɨgemo,
ʉkʉtɨ jɨlɨngaagɨlwa nafimo.
7 Gwe NTWA, jo ʉgwe gwa kʉtʉlɨndɨlɨla,
kʉtʉlɨndɨlɨla bwila na bwila, kʉ sopelo ɨjɨ ɨniongafu.
8 Abaniongafu bikwembeela kʉkʉtɨ bʉjo,
ʉbʉbiibi bukʉtuufigwa pakatɨ pa bandʉ.