Ʉlwipuuto ʉlwa kʉsʉʉma ʉbʉtʉʉli mbʉtolwe
Kʉ mpaali gwa lwɨmbo. Ʉlwɨmbo ʉlwa Ndaabɨti.
13
Gwe NTWA, bʉle aʉtikʉngʉmbʉka bwila, aakʉʉnyiibwa bwila?
Mpaka ndɨli aakʉʉfisaga ɨkyeni kyako?
2 Ngʉtaamigwaga mu ndumbula jangʉ mpaka ndɨli?
Ngʉsulumaniaga mu ndumbula pamuusi na pakɨlo?
Abalʉgʉ bangʉ bikʉndolaga mpaka ndɨli?
 
3 Gwe NTWA Kyala gwangʉ, ngeeta, ʉʉnyaamule.
Twala ʉlʉmuli mmaaso gangʉ,
ndɨngiisa kʉgona ʉtʉlo ʉtwa bʉfwe,
4 abalʉgʉ bangʉ balɨngiisa kʉtɨgɨ, “Ʉjo tʉntolile!”
Balɨngiisa kʉsekelaga bo baagile ndoliigwe.
 
5 Looli ʉne ngʉlɨsʉʉbɨla iipyana lyako ɨlingi,
ɨndumbula jangʉ jikʉsekela ʉbʉpoki bwako.
6 Ngʉmmwɨmbɨlaga ɄNTWA,
paapo abombile ɨnunu kʉmyangʉ.