Ʉkʉnsʉʉbɨla ʉNtwa Kyala
Kʉ mpaali gwa lwɨmbo. Ʉlwɨmbo ʉlwa Ndaabɨti.
11
Niibɨɨliile ʉne mu NTWA.Fiki kʉʉmbʉʉla ʉne ʉkʉtɨ,
“Bopela kʉ fyamba bo ʉlwa njʉni.
2 Namukeete abaniongafu,
babʉtendekiisye ʉbʉpɨnde bwabo,
bagɨbɨɨkile ɨmitipʉlo gyabo ndʉpote,
biibɨɨliile mu ngiisi ʉkʉtɨ babalase abagolofu.
3 Lɨnga ʉlwalo loonangiike,
ʉngolofu aikʉbomba ɨfiki?”
4 Looli ɄNTWA alɨ pabʉjo bwake ʉbwikemo,
ɨkɨkota kyake ɨkya bʉtwa kɨlɨ kʉmwanya.
Amaaso gaake gikʉbakeeta abandʉ,
ikʉsimanya syosa ɨsi bikʉsibomba.
5 ɄNTWA ikʉbeeneesya abagolofu,
abaniongafu ababengile,
na aba babʉganile ʉbwite.
6 Abaniongafu aikʉbatimɨkɨsya ɨfula jaa mabwe aga gikwaka,
ʉmbelo ʉgwa mooto lo lʉfundo lwabo.
7 Paapo ɄNTWA ngolofu,
abʉganile ʉbʉgolofu,
abagolofu bikwisa kʉtʉʉgala pamopeene nagwe.