Ʉbʉsisya bwa Kyala nʉ lwɨmɨko lwa mundʉ
Kʉ mpaali gwa lwɨmbo. Ʉkʉkongana nʉ lʉbaatɨko ʉlwa Gititi.a Ʉlwɨmbo ʉlwa Ndaabɨti.
8
Gwe NTWA, gwe Ntwa gwɨtʉ,ɨngamu jaako ɨsisya jɨfumwike pakiisʉ poosa!
Ʉbʉsisya bwako bʉbalaniile mpaka kʉmwanya.
2 Nkanwa kaa baanike na baana abafyele,
mo ʉbɨɨkile amaka gaako,b
kʉnongwa jaa kʉbatola abalʉgʉ baako,
nʉ kʉbamyesya abaa lʉbukɨsyo.
3 Bo ngʉkeeta kʉmwanya, mbombo jaa maboko gaako,
bo ngʉgʉbona ʉmwesi nɨ ndondwa ɨsi gwasibaatiike,
4 po ngwilaalʉʉsya ʉkʉtɨ, “Ʉmundʉ kandʉ nki apa kʉmmwinogona?
Ʉmwana gwa mundʉ kandʉ nki apa kʉmpaakɨsya?”
5 Ʉmmbɨɨkile paasi panandɨ kʉmyako,
ʉmpeele ʉbʉsisya nʉ lwɨmɨko.c
6 Ʉmpeele ʉbʉlagɨli mu mbombo syako syosa,
ʉtʉbɨɨkile ʉtʉndʉ toosa paasi pa malʉndɨ gaake,d
7 ɨngʼoosi nɨ ngʼombe,
nɨ finyamaana ɨfya ndiisʉ,
8 ɨnjʉni sya mu mpaalanga, ɨswɨ mu nyanja,
nɨ fipeligwa fyosa ɨfya mu nyanja.
9 Gwe NTWA, gwe Ntwa gwɨtʉ,
ɨngamu jaako ɨsisya jɨfumwike pakiisʉ poosa!