Anyaarubha e ghatato e
Yohana
Obhukangati
Anyaarubha e ghatato e Yohana ꞉yaandëkuru na Yohana. Hano Yohana andëkiri anyaarubha ino, m‑mugharuka are. Totaanyi no obhuhëënë ighoro e anyaarubha ino kubha nyingake ꞉ayaandëkiri, amare neere ghate e meeka 85-95 korwera hano Yesu Kirisito ibhoriiru.
Mo‑nyaarubha ino, Yohana nakomwandëkëra omooto uno are arabherekeru Ghaayo. Ghaayo naare aköngʼiiri chwee gho komokumi Kirisito. Naare arabhatoori abheeghi abhande bhano ꞉bhaare bhariinaara ahaghiro hayo gho ghiri e ghusanchi Angʼana Anchömu. Yohana nakomwandëkëra komotoora omukörö ëndërërë kobhatoori abheeghi bhayo.
Mo‑nyaarubha ino ꞉naamutariri omooto owonde akobherekeru Temetiiriyo kubha iwe n‑omooto muhëënë uno ishereriiru ne Eryobha. Wiiki ꞉naamutariri omooto owonde uno are arabherekeru Tiwotireebhe. Omooto uyo naare ararëki abhaato bha riikanisa bhatabhaghënëhi abheeghi bhano ꞉bhaare bhareeghi Angʼana Anchömu.