Mataayo 19

Ghokwirana na ghutaana

(Maariko 10:1–12)

Hano Yesu amariri ghosiikëra amangʼana ghayo, akaru , aghaye mo‑mukööwa o Yuteya. Akaheta na ghutëënya amwambuko e rooche ro Yorotaani. 2 Mbe, erikinda ikoro re abhaato reekabha reramutambana, akabha arabhahöri bhano ꞉bhaare abhabhabharu.

3 Niho nyarebhe bhakamutambana Yesu, bhakamusaki bharabhugha, “Kana, emeghiro ghe ngeghwishereri omosubhe komotigha omukari waache gho ghiri yoyoose yiire?”

4 Yesu akabhagharokeri akabhugha, “Kana, mokeere motaamara musöma mo‑Mandëkö Amatööbhiyu kubha korwera simoka, ‘Eryobha ꞉ndeebhabhombiri omosubhe no omukari?’ 5 Eryobha rekabhugha, ‘Gho ghayo, omosubhe nakobhatigha ishe na nyina, na ghughöötana no omukari waache, bhayo bhabhere mbaakubha omobhere umu.’ 6 Mbe, bhayo taanyi bhabhere wiiki, amare mbabheere omobhere umu. Ibheere, kino Eryobha ritëmëriini, omooto ataacha ghoghitaani.”

7 Wiiki Amabharisaayo bhayo bhakamobhoori bhakabhugha, “Aribha ghano n‑gha hëënë, ngwake mbe, Musa ꞉isheriiri mo‑meghiro kubha omosubhe amuhë omukari waache anyaarubha e ghutaana na komotigha?”

8 Yesu akabhagharokeri akabhugha, “Musa ꞉naabhiishereriiri kubha mobhatighe abhakari bhaanyu gho ghiri e bhuköngʼu bho metema gheenyu, amare korwera simoka ghataare amënda gha Ryobha ghuköra hangʼu. 9 Eni ˆnekabhabhoorera kubha omooto wowoose uno akomotigha omukari waache, aribha taanyi gho ghiri e bhutaari, na ghokwira omukari owonde, n‑ghutaara aghutaara nawe.”

10 Niho abhaanabheegha bhaache bhakamobhoorera bhakabhugha, “Aribha m‑mahëënë hangʼu ghaanyi kwo mosubhe no omukari, mbe, n‑kumangi omooto atakwira!”

11 Yesu akabhagharokeri akabhugha, “Taanyi abhaato bhoose bhaghotora ghwishereri angʼana iyo, amare m‑bhaare abheene bhano Eryobha rebhiishereriiri bhatakwira. 12 Nekobhugha hangʼu gho kubha, abhande ꞉mbiibhwiru bhachigharu bhataaghokwira. Abhande bhataaghokwira gho kubha abhaato mbabhaturiri kubha bhatabha bhariibhora. Mbaanyi‑ho na abhande bhano bhataaghokwira gho ghiri e . Omooto wowoose uno aghotora ghosongʼaana angʼana ino, na ayesongʼaane.”

Yesu ˆakabhiitabheri abhaana abhasuuhu

(Maariko 10:13–16; Ruuka 18:15–17)

13 Mbe, abhaato nyarebhe bhakarëëta abhaana abhasuuhu o‑Yesu kubha abhiitabheri gho kobhatoorera amabhökö mo‑mitu gheebho, na kobhasabhera kwo Ryobha. Amare abhaanabheegha bhaache bhakabharëki abhaato bhayo.

14 Amare Yesu akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Mwishaaro m‑bho bhaato bhano bhaanyi kinya abhaana bhano.” 15 Yesu aghatoora amabhökö ighoro ya abhaana bhayo, ino arabhiitabheri, akamara akaru ahaghiro hayo.

N‑ghuköngʼu kwo mwame ghusöha mo‑bhutëmi bho Ryobha

(Maariko 10:17–31; Ruuka 18:18–30)

16 Niho omobhureni umu akaacha o‑Yesu, akamobhoori akabhugha, “Oo Omweghi, nikörë ngʼana ke inchömu kubha nibhönë obhuhöru bho miishe ghyose?”

17 Yesu akamugharokeri akabhugha, “Ngwake okomboori eni ighoro e ngʼana e hëënë? Mööhi, Eryobha eryene chiri niryo erihëënë! Amare aribha okwënda ghusöha mo‑bhuhöru bho miishe ghyose, ughöötë emeghiro ghe Ryobha.”

18 Omobhureni uyo akamobhoori akabhugha, “Emeghiro ke?”

Akamara Yesu akamugharokeri akabhugha, “Otiita, no otataara, no otiibha, na otaruusi obhwibhateri bho bhuröngö, 19 no obhasooke iso na nyako, wiiki omosiighe omwatani waacho, kinya bhuno wisiighiri iye omwene.”

20 Omobhureni uyo akabhugha, “Emeghiro ghyose ghiyo neghighöötiri. Nikörë ke ekende kino ghisaaghiri?”

21 Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

22 Hano omobhureni uyo oghwire ghayo, akaru hayo kwo macheeche gho kubha m‑mwame chwee are.

23 Niho Yesu akabhabhoorera abhaanabheegha bhaache akabhugha, “Mahëënë ˆnekabhabhoorera, neekubha ghuköngʼu chwee kwo mwame ghusöha mo‑bhutëmi bho Mwishaaro. 24 ˆNekabhabhoorera wiiki kubha, n‑kohoho angamiya koheta mwibhanga re roshintani, ghokera omwame ghusöha .”

25 Hano abhaanabheegha bhaache bhooghwire hangʼu, bhakaroghoora chwee, bhakamobhoori bhakabhugha, “Ibheere, aribha hangʼu keenyi, n‑niwe uno aghotora ghotooribhu?”

26 Yesu akabhoomeri amiisho, akabhabhoorera akabhugha, “Angʼana ino abhaato bhataaghotora ghuköra, kwo Waryobha neghuköru, gho kubha kwo Waryobha ghoose ngaakubha.”

27 Bheetero akamobhoorera akabhugha, “Mööhi, itu ntotighiri bhyose, toghaghutambana! Mbe, neke tokubhöna?”

28 Yesu akabhagharokeri akabhugha, “Mahëënë ˆnekabhabhoorera, eriibhagha eni uno neenyi neekubha niikeere eghitëmi mo‑ghetumbe keene ke bhokumi obhokoro mo‑se ahë, mbe, na niinyu bhano muntambiine, moghwikara mo‑bhetumbe ikomi na bhibhere ino moratenera ekiina amatöngö ikomi na abhere gha Bhiisiraeri. 29 Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose. 30 Amare abhaato bhano bhaghosooku eriibhagha rino, bhataaghosooku eriibhagha rino rekuucha. Na bhano bhataaghosooku eriibhagha rino, mbaghosooku eriibhagha rino rekuucha.”