Leyeto la bobedi la Paulose
16
Paulose wo thomme ka go ya Derbe ke moka a ya le Lystra, ho ke ho go dula morutiwa ye moswa ye ba reng ke Timoteo, yo mmane wage ke ho yele modumedi wa Mojuda, mara papage yele Mogerika. 2 Badumedi ka moka ba Lystra le Iconium ke ho bolabola Timoteo ka dilo tsa ga butji. 3 Paulose a tseya Timoteo a sepela naye leyetong lage, ke moka a mmolotsa ka baka la Bajuda bo ke ho ba dula hone tulong yone. ka gore ke ho ba tjiba gore papa ge ke Mogerika. 4 Ho ba sa sepelela metji le metjana, ba tjhutise badumedi ka so bagolo le baapostola ba kwanneng ka sona kuwa Jerusalema. 5 Ke moka Kereke ya tiya tumelong ya tjwela pele ye gola letjatji lo lengwana le lo lengwanaGo bonisiwa ga Paulose ka Monna wa Masodoniya
6 Paulose le Silase ba sepela go yo feta tulong ya Phrigiya le ya Bagalatiya, ke ho ba ganetsiye ke Moya wo Mokgetwa go rera lentju la Modimo porofenseng ya Asia. 7 Ho ba segela monaka tseleng wa Misiya ba leketsa go kena Bithyniya, mara but the Moya wa Jesu wa ba ganela. 8 Ke moka ba fetela Mysiya ba thewogela Tirose. 9 Bosheng bone Paulose a ba le bonisiwuwe monna wa Masedoniya a yimme ka borwa bya Greese, a mokgopela go re: “Ba tle Masedoniya ba thushe.” 10 Ka morago ga ho Paulose a bonisiwuwe puno, ka nako yonone ra napa ra lokisela go tloga go ya Masedoniya, re fetsiye gore Modimo wo wa rebitsa gore re ye go rera ebangedi gona.
Lydiya wa dumela ga Jesu ku wa Philippi
11 Go tloga Tirose ra kalama sekepe tselela moshola wa setlhakatlhakeng sa Samatherase, ka letjatji lo le latelang ra segela Neapolise. 12 Go tloga hone ra ya philippi, motjing wo mogolo wa seleteng sa Masedoniya wa kgolo ya Baroma. Ke moka ra dula gona matjatji nyana.
13 Ka letjatji la Sabata ra tjwa ka dikgoro ra ya tuwong ga metji lebopong la nokeng, ho ke wo re naganne gore re nyoko keraya batho ba tlhakanne gona go rapela. Re dule fase ra thoma go bolabola le basadi bo ke ho ba tlhakanne hone. 14 Ye mongwana wa basadi bo ke ho ba theyetsiye ke Lydiya wa Theyitira, ye ke ho a rekisa dikobo tsa go tura go tjwa motjing wa Theyitira, ye ke ho yele motho wa go tumisa Modimo. Modimo a bula pelo yage a yamogela mantju ya Paulose. 15 Ho mosadi yene le ba lapa lage ba kolobetsiwuwe, wo re rapiye go tla gaye gage. A re: “Ho le mpona byalo ka motho ye a dumeleng ga Morena,” a re gapeletsa a ka gore: “tlaneng le duleng gaye gaka.”
Paulose le Silase ba tjidiwa Jele
16 Ka letjatji le lengwana ho re ya go rapeleng, re gatlhakanne la ngwaninyana ye mongwana wa lekgoba ye ke ho a keniwuwe ke moya wa malopo a kgona go femba a wutolla tsa bokamoso. Ke ho shele a makele mong wage tjhaleta ya go tlala ka go femba a wutolla tsa bokamoso. 17 Ngwaninyana ye ke ho Paulose le ka moka ga rune morago, a gowelela a re: “Banna bo ke matlhanka ba Modimo wa Gedimo-dimo, bo tlileng go le botsa gore le pholosiwe.” 18 Ke ho a fela a maka dilo tso matjatji ya go tlala nyana go segela ho ka letjatji lo lengwana Paulose a selekega a sokologa a re ga moya wone: “ Ka lebitso la Jesu Kriste ke ya go layela, tjwang ho gage!” Ka nako yo none moya wone wa tloga ho gage.
19 Ho mong wa ngwaninyana yene a lemogiye gore tsela ye ke ho a thepiye yona ya go maka tjhaleta ye fediye, a tshwara Paulose le Silase a ba gogela mmarakeng go lebana le yeta pele bamatla ba mmusho. 20 Ba ba tlisa ga bomasterata ba re: “Banna bo ba ba Juda ba maka tsosa mmudubudu ho motjing, 21 Ba tjhutisa rune Baroma gore re yamogele kela go maka mekgwa nyana ye yiseng molawong.”
22 Gwa tsoga Mogoba ka go yakgoswa kgatlhano le Paulose le Silase, babushi ba motji ba layela gore ba ba yapole dikobo ba ba teye ka dikgati. 23 Ka morago ga ho ba teyiwuwe, ba latlhediwa jele, ba layela moleta gore a balete a tlhokomele gore ba sa tjhabe. 24 Moleta jele a ba tseya a ba beya ka setokiseng ka gare ga jele, a tlemelela mawoto ya bona le kwata.
25 Gare ga boshego Paulose le Silase ke ba rapela ba yepelelela Modimo difela, dibotjwa tse di ngwana ke ho di ba theyetsele. 26 Ka go yakgoswa gwa ba le go tjhikinyega go gogolo ga lefase, ho fantishi ya jele yiyeng ya tekateka, ka nako yo none gwa bulega menyako ya jele, diketane tsa dibotjwa ka moka diya konoga diya wela fase! 27 Moleta jele a tsoga, ho bona menyako ya jele ye bulegiye, a ntsha sabolo a nyaka go tepolaya ka gore ke ho a nagana gore dibotjwa ditjhabiye. 28 Mara Paulose gowelela a re: “ Wo sa tekwaletse! Ka moka ga rune re gona!”
29 Moleta jele a re ba tjhube llampa and tabogela ka kuwa setokiseng sa ka gare ga jele a wela fase a tlhagasela matlhong ga Paulose le Silase. 30 A ba ntshela tawong a ba botsisa a re: “Barena shemo, ke make yeng gore ke pholosiwe?”
31 Ba mofetola ba re: “Dumela ga Morena Jesu wo nyoko pholosiwa, le ba lapang lago ka moka.” 32 Ba mmotsa le lentju la Modimo le ka moka bo ke ho ba dula lapeng lage. 33 Boshegong bo bone molata jele a ba tsheya a ba tlhatshwa meropologo le dintho( Mangebo)( megogoma) ya bona, ka go yakgoswa yene le ba lapa lage ba kolobitsiwa. 34 A ba tlisa lapeng lage, ba baya tsagodya ho matlhong ga bona, ke ho a dyabodiye ka matla ka gore wo dumele ga Modimo, le ba lapa lage ka moka.
35 Ho bo selele ka letjatji lo le latelang babushi ba motji ba romela maphodisa go botsa moleta jele gore: “Lokolla banna bone ba sepele.” 36 Moleta jele a botsa Paulose go re: “Masterata wo layele gore wene le Silase le lokologiye le ka sepela ka khutjo.”
37 Mara Paulose a re ga ba bushi: “ Ba re teyele pepeneneng ka ntle le go sekiswa, le ho rele badudi ba Baroma, ba re latlhela jele. Mara gona byalo ba nyaka gore tlosa ka go ngwega? Awowa! Ba tle ka bo bona beng ba re lokolle.”
38 Babushi ba begela bomasterata dilo tso, ho ba kwele gore Paulose le Silase ke Badudi ba Roma, ba makala. 39 Ba tla jele ba kgopela tshwarelo ga bona, ke moka ba ba kgopela gore ba tloge hone motjing. 40 Ka morago Paulose le Silase ba tjwa jele, ba ya ntlong ya Lydiya, Ho ba tlhakanneng le bana babo tumelong ba ba tlhotlheletsa. Ke moka ba tloga motjing wone.