Tumelo ya Molawodi wa masole a ba lekgolo
7
Ho Jesu a fetsiye go bolabola le batho ka dilo tso ka moka, a boyela Kaperenaume. 2 Ka yona nako yonone, motlhanka wa go tlhompega wa molawodi wa masole a ba lekgolo, ke ho a lwala, a le thina le go hwa. 3 Ho molawodi wa masole ya ba lekgolo a kwele ka ga Jesu, a romela bayetapele ba bagolo ba Bajuda go ya ga Jesu gore ba mo kgopele go tla go fodisa motlhanka wage. 4 Ho ba segela ga Jesu, ba mo kgopela ka go phegelela gore a tle a fodise monna yene ba re: “Monna ye wa tshwanela gore a fodisiwe ke wene, 5 ka gore wo rata setjhaba so sa Bajuda, wo re yagele le sinagoge.” 6 Ke moka Jesu a sepela le bona. Mara, pele ga ho a segela hone lapeng lone, molawodi wa masole a romela bagwera bage gore ba botse Jesu ba re: “Morena, wo sa tetlhope ka go tla ntlong yaka, tlhompo ya mohuta wo a ya ntshwanela.7 Ke sona so se makiyeng gore ke shitege go tla ke go gatlhanetsa. Bolabola lentsu hela, motlhanka waka wo nyoko fola. 8 Ke tjiba tsona ka gore le nna ke motho ye a leng ka tlase ga maatla ya go lawola ya ba bagolo gaka, mara le nna ke lawola masole wo a leng ka tlase gaka. Ke fo bolabola le ye mongwana ka re: ‘Sepela,’ ke moka a sepela, kela ka re ga ye mongwana, ‘Tlane,’ ke moka a tla. Ka bolabola le motlhanka waka ka re: ‘Maka so, a se maka.’”
9 Ho Jesu a yekwa so, a makala, a sokologa, a lebelela leshaba lo ke ho le mo latela a re: “Ke ya le botsa, a ke so ko keraya tumelo ye kgolo ya go tshwana le yo ho ga Israyele.” 10 Ke moka batlhanka bala ke ho a ba romme, ho ba boyela kuwa lapeng la mong wa bona, ba keraya motlhanka a fodiye.
Jesu wo tsosa morwayi wa motlhologadi
11 Ka moragonyana ga hone, Jesu a sepela le barutiwa bage go ya motjing wa Nayini, leshaba le legolo la mo shala morago. 12 Ho a le thina le go kena kgorong ya motjing wone, a gatlhana le batho ba rwele mohu, ye ke ho ye le morwayi ka woweshi wa mosadi wa motlhologadi. Leshaba le legolo la motji wone ke ho le le naye go mo thega. 13 Jesu ho a bona mosadi yene, a mo kwela go baba a re gage: “Wo sa lle!”
14 Ke moka a ya a kgwata lekase la mohu, bo ke ho ba rwele lekase ba yema. A re: “Lesogana, ke re go wene, tsoga!” 15 Lesogana lo ke ho le hwile la tsoga, la dula, la thoma go bolabola, Jesu a le tseya a le fa mmane wa lona.
16 Leshaba ka moka la makala, la reta Modimo la re: “Moporofeta ye mogolo wo tsogiye magareng ga rune. Modimo wo tlile go pholosa batho bage.” 17 Ditaba tsa mabapi le Jesu diya phatlalala le tikologo ya Juda ka moka le mathoko ka moka ya naga yone.
Jesu le Johanese Motlungwetsi.
18 Barutiwa ba Johanese Motlungwetsi ba botsa Johanese dilo ka moka tso Jesu ke ho a di maka. Johanese Motlungwetsi a bitsa ka babedi ba barutiwa bage, 19 a ba roma gore ba ye ga Morena ba mmotsise ba re: “Naa ke wene Mesiya ye ke ho re mo letele, kela go sana le ye mongwana ye re mo leteleng?
20 Ho barutiwa bala ka babedi ba Johanese ba segela ga Jesu ba mmotsisa ba re: “Naa ke wene Mesiya ye ke ho re mo letele, kela re tshwanele go tjwela matlhong re letela ye mongwana?
21 Ka yona nako yone, Jesu ke ho a fodisa batho malwele, mefokolo le go raka memoya ye mebe, le go maka gore ba go tlala bo ke ho ba sa bone ba boyele ba bone. 22 Ke moka Jesu a ba botsa a re: “Boyelang morago le botse Johanese tso le di bonneng le tso le di kweleng, bagolofadi ba ya sepela, bo ba nang le lephera ba fola, difofu diya bona, bahu ba ya tsoga, le badidi ba kwa Taba ye Butji. 23 Mmotseneng gore go shegofele ye a sa kgelogeng ka taba laka.”
24 Ka morago ga ho barutiwa ba Johanese ba tlogiye, Jesu a thoma go bolabola le mashaba ka Johanese a re: “Ho le ya kuwa tlhageng ke ho le ya go bona ying, letlhaka la go tekatekisa ke moya? 25 Ho ye se ka mokgwa wone, ke ho le tjwele go bona ying? Monna ye a tjhepiyeng? Aowa, ba go tjhepa ka dikobo tsa go tura, ba tekgotsofatsa ka bophelo bya mabeshebeshe ba kerayega dintlong tsa magoshi. 26 Gabutji ke ho le tjwele go ya go bona ying? Moporofeta? Ee, ke ya le botsa, ye mogolo go feta moporofeta. 27 Johanese ke yene ye mangwalo a ngwadiwuweng ka yene ho a re:
“Nko romela moromiwa waka matlhong yago, ye a nyokogo lokisa tsela matlhong yago.”
28 Ke ya le botsa, gare ga bo ba belegeng ke mosadi, a gona ye mogolo go feta Johanese. Le ho go le ka mokgwa wone, ye yeleng ye monyana mmushong wa Modimo ke ye mogolo go feta yene!”
29 Ho batho ka moka le ba go patedisa mothelo ba yekwa mantsu a Jesu, ba dumela gore tsela ya Modimo ke yona tsela ya nnete, ka gore ba kolobetsiwuwe ke Johanese ka go ba tlungwetsa ka meetjing. 30 Mara ho yele Bafaraseyi le ditjibi ba molawo bona ba ganne mayikemisetso a Modimo ka maphelo ya bona, ka taba la gore a ba kolobetsiwa ke Johanese Motlungwetsi.
31 Jesu a botsisa a re: “Batho ba moloko wo, nka ba tshwanisa le ying? Nka ba tlhalosa byang? 32 Ba tshwana le bana bo ba kganang diketo lepatlelong, ba bitsana ba re:
‘Re le kganele foleti,
mara la sa bini,
re wopele kosha ya manyami,
la sa lle.’
33 Johanese Motlungwetsi wo tlile a sa dye le ho yele go nwa beyine, lune la re: ‘Wo keniwuwe ke ledemone.’ 34 Morwayi wa Motho wo tlile a ye dya fote a ye nwa, ke moka la re: ‘Sedyato le setagwa ke so, mogwera wa ba bapatedisi ba mothelo le badiradibe.’ 35 Botlhale bo bonagala gabutji ka maphelo a bo ba bo shalang morago.”
Jesu wo tlotsiwa ke mosadi wa modiradibe.
36 Ye mongwana wa Bafaraseyi a rapa Jesu go ye dya tsagodya le yene, Jesu a ya naye a dula le yene tafoleng ya tsagodya. 37 Mosadi ye mongwana wa gona hone motjing wone, ye ko ho a tlhoka mayitshwaro ka tsa thobalano, a kwa gore Jesu wo dya ntlong ya Simon Mofaraseyi, a ya gona hone a tshwere lepotlela la mahura ya go nkgela monate ya go tura. 38 Ke moka a kgotama ka matolo ka morago ga Jesu a lla. Dinepedi tsage dya wela mawotong ya Jesu, ke moka a sola dinepedi tsone ka meriri yage, a khisa mawoto ya Jesu, a a tlotsa ka mahura yala ya go tura.
39 Ho Mofaraseyi yela a rapiyeng Jesu a bona tsone, a bolabola le yene mong a re: “Hala monna ye nkabe yele moporofeta, ke ho a nyoko tjiba gore wo kgwata ke mosadi wa mohuta mang, gore ke modiradibe.”
40 Jesu a bona monagano wa ge, a mo fetola a re: “Simone, ke na le se sengwana so ke nyakang go go botsa sona.” Simone a fetola a re: “Mpotse Moruti.” 41 Jesu a mmotsa setshwaniso so, a re: “Monna wa matjhonisa wo yiye a yadima banna ka babedi tjheleta. Ye mongwana a mo yadima makgolo ya matlhano ya diranta, hala ye mongwana a mo yadimme masome a matlhano a diranta. 42 Ka babedi ga bona ke ho ba se na tjheleta ya go mo patela, ke sona so se makiyeng gore a ba lebalele ka babedi ga bona, a sola dikoloto tsa bona. Byalo, ke mang ho ga bona ye a kogo mo rata ka maatla?
43 Simone wa Mofaraseyi a fetola a re: “Ke nagana gore yela wa sekoloto se segolo wo ko mo rata ka matla.” Jesu a re: “Wa resa.”
44 Ke moka a sokologela ga mosadi yela, a re ga Simone: “Naa wo ya mmona mosadi ye? Ho ke kena ho gaye gago, wo shitegiye le go mpha meetji a go tlhapa mawoto, mara yene wo ntlhapisiye mawoto ka dinepedi tsage, a a sola ka meriri ya ge. 45 Ho ke kena ho la mathomo, wo shitegiye go ndumedisa ka khisi, mara yene ga aka a lesetsa go khisa mawoto yaka. 46 A wa ka wa tlotsa tlhogo yaka ka mahura, mara yene wo tlotsiye mawoto yaka ka mahura. 47 Byalo, ke ya go botsa, dibe tsage tsa go tlala di lebalediwuwe, ka ho a ntjhupetsiye lerato le legolo. Mara motho ye a lebalediwuweng dibe tse dinyana, wo bonagatsa lerato le lenyana.”
48 Ke moka Jesu a bolabola le mosadi yene a re: “Dibe tsa go di lebalediwuwe.”
49 Ba bangwana ba bayeng bo ke ho ba dule tafoleng le yene, ba thoma go bolabodisana ba re: “Ke mang yene monna ye, ye a sepelang a lebalela dibe?
50 Jesu a bolabola le mosadi yene, a re: “Tumelo yago ye go pholosiye, sepela ka khutjo.”