Go bitsiwa ga barutiwa ba mathomo
5
Ka letjatji le lengwana ho Jesu a yemme lebopong la lewatle la Gennesareta, batho ba mo kgobakanela ba nyaka go kwa lentsu la Modimo, 2 a bona dikepe ka dipedi di le lebopong la lewatle, di shiyiwuwe gona hone ke bareyi ba ditlhapi ba tlhatswa dinete tsa bona. 3 A kena ka teng ga sekepe se sengwana, so ke ho yele sa Simone, a mo kgopela gore a se shutetse go tloga lebopong ka go nyana. Ke moka a dula fase a thoma go tjhutisa batho a le hone sekepeng.4 Ho a fetsiye go bolabola, a re ga Simone: “Tjhutetsa sekepe kuwa gare ga meetji, ho go yisang fase gona, thewosa dinete gore wo tanye ditlhapi.”
5 Simone a yaraba a re: “Mong waka, re berekiye go baba boshego ka moka ra sa tshware selo. Mara ka ho wo re yano, ke nyoko thewosa dinete.”
6 Ho ba makiye ka mokgwa wone, ba tshwara ditlhapi tsa go tlala ho yeleng gore dinete tsa bona di yiye diya thoma go gagoga. 7 Ba yiye ba gowelela ba bangwana bo ke ho ba berekisana nabo ba sekepe se sengwana gore ba tle ba ba thushe, ke moka ba tla ba ba thusha, ba tlatsa dikepe ka moka ga tsona ka ditlhapi dya ba dya nyoko kgeba.
8 Simone Peterose a bona so, a kgotama matlhong ya Jesu a re: “Tloga ho gaka, Morena, ke nna motho wa sebe!” 9 Ka gore yene le bo ke ho a le nabo, ke ho ba makatsiye ke ditlhapi tso ba di tannyeng. 10 Le bo ke ho ba berekisana le Simone, ye leng Jakobose le Johanese barwayi ba Sebediya, le bona ba makala ka matla. Ke moka Jesu a re ga Simone: “Wo sa tjhoge, go thoma gona byalo wo nyoko ba motanyi wa batho.”
11 Byalo ba tjhutetsa sekepe sa bona kuwa lebopong, ba shiya dilo ka moka ba latela Jesu.
Monna wa lephera
12 Ho Jesu a sa le motjing wo mongwana, go tlile monna ye ke ho na le lephera. Ho a bona Jesu, a kgotama ka matolo a lebelele fase a mo kgopela a re: “Morena, nna ke ya dumela gore wo ka kgona go mmaka gore ke yele.”
13 Jesu a yisa letsogo lage a kgwata monna a re: “Ke ya kgona, yela!” Ka go yakgoswa monna a napa a fola.
14 Ke moka Jesu a mo laya tsebegokwa a re: “Wo sa botse motho, mara a riye, wo teponagatse ga moprisita le go yisa setlhabelo so Moshe a se layeleng sa ho wo yedisiwuwe, gore ye be botlhatse ga bona.”
15 Le ho Jesu a mo layele gore a sa botse motho, ditaba ka Jesu di yiye dya phatlhalala le naga ka moka, ho ye leng gore mashaba ya batho a yiye a tla go mo theyetsela le gore ba fodisiwe malweleng ya bona. 16 Mara Jesu ke ho a fela a ngwegela ho go senang batho a ya a rapela.
Jesu wo fodisa moshepaditho
17 Ka le lengwana la matjatji ho Jesu a kene a tjhutisa, Bafaraseyi le baruti ba molawo, bo ke ho ba tjwa metjing ka moka ya Galeliya le Juda le Jerusalema, ke ho ba dule gona hone. Ke moka matla ya Morena ke ho a le gona gore a fodise balwele. 18 Banna ba bangwana ba tla ba rwele moshepaditho ka mosemo ba leketsa go mo kenisa ka ntlong gore ba mmeye matlhong ya Jesu. 19 Ho ba sa keraye tsela ya go maka so ka taba la leshaba, ba yiye ba kalama tlhakeng ya ntlo, ba tlosa tse dingwana tsa dithayilese ba mo pholosela ka mosemo wage go segela matlhong ya Jesu ka teng ga ntlo gare ga leshaba.
20 Ho Jesu a bona tumelo ya bona, a re: “Mmata, dibe tsago di lebalediwuwe.”
21 Bafaraseyi le baruti ba molawo ba thoma go nagana ka bobonabeng, ba re: “Ke mang mothaka ye a rogelelang Modimo? Ke mang a ka lebalelang dibe ho ye se Modimo hela?”
22 Jesu wo tjibiye tso ke ho ba di naganne a botsisa a re: “Ke ying taba le naganne tso ka dipelong tsa lune? 23 Se sekawone ke sefe? Ke gore: ‘Dibe tsago di lebelediwuwe, kela ke gore yemelela wo sepele?’ 24 Mara gore le tle le tjibe gore Morwayi wa Motho wo na le matla ho lefaseng ya go lebalela dibe.” A re ga moshepaditho: “Ke ya go botsa, ke re yemelela, tseya mosemo wago wo ye gaye.” 25 Ka go yakgoswa a yemelela matlhong ya bona, a tseya so ke ho a se yetselele a ya gaye a reta Modimo. 26 Ye mongwana le ye mongwana ke ho a makele a reta Modimo, a re: “Re bonne tsa go makatsa lehono.”
Go bitsiwa ga Lefi
27 Ka morago ga so, Jesu wo tjwele a bona mopatedisi wa mothelo ye a bitsiwang Lefi a dule sentlonyaneng sa go patedisa mothelo. Jesu a re gage: “Nlatele.” 28 Lefi a yemelela, a shiya dilo ka moka a mo latela.
29 Ke moka Lefi a makela Jesu monyanya wo mogolo ntlong yage, ke moka leshaba le legolo la bapatedisi ba mothelo le ba bangwana ke ho ba yidya le bona 30 Mara Bafaraseyi le baruti ba bona ba molawo ba belayela ga barutiwa ba Morena Jesu ba re: “Ke ying taba le yedya le nwa le badiradibe?”
31 Jesu a ba fetola a re: “A ye bo ba phelegiyeng bo ba tlhokang togotela, mara ke ba go lwala. 32 A keya tlela go bitsa ba go loka, mara badiradibe gore ba sokologe.”
Jesu wo botsisiwa ka go tekona
33 Ba re ga Jesu: “Barutiwa ba Johanese ba fela ba tekona tsagodja ba rapela, ka wona mokgwa wone le barutiwa ba Bafaraseyi, mara bago ba fo tjwela pele ba yedya le go nwa?
34 Jesu a ba yaraba a re: “Naa wo ka maka bayeng ba monyadi gore ba tekone ho a sa na le bona? 35 Mara nako ye nyoko tla ya gore a tseyiwe ga bona, ka wona matjatji wone ba nyoko tekona.
36 Jesu wo ba botsiye setshwaniso so a re: “A go na ye a gagolang setjheso ga kobo ye ntshwa a se rokelela kobong ya botala. Ho a ka maka tsone, wo ko ba a gagodiye kobo ye ntshwa, le gona setjheso se seswa se ka sa tshwanele kobo ya botala. 37 Le gona, a go na ye a ka tjhelang beyine ye ntshwa ka gare ga sekghwatlhapa sa botala. Ho a ka maka tsone, beyine ye ntshwa ye nyoko parasa sekghwatlhapa ke moka beyine ya falala, ke moka sekghwatlhapa se nyoko senyega. 38 Awowa, beyine ye ntshwa ye tjhediwa ka gare ga sekghwatlhapa se sentshwa. 39 Le gona a gona ye a ka nwang beyine ya botala a ba a nyaka go nwa beyine ye ntshwa, ka gore wo nyokore: ‘Ya botala ye kawone.’”