Go lekiwa ga Jesu
4
Jesu a boya a tjwa nokeng ya Jordane, a tlele ka Moya wo Mokgetwa, a tlhatlhiwa ke Moya go ya tlhageng, 2 ho a yiyeng a lekiwa ke diyabolose ka matjatji a masome ya mane. Ke ho a sa dye selo matjatji wone ka moka ga wona, ke moka a tshwara ke tlala.3 Diyabolose a re ga Jesu: “Ka ho wo le Morwayi wa Modimo botsa letlapa lo le be sekgwa.”
4 Jesu a yaraba a re: “Go ngwadiwuwe gore: “Motho a a phele ka sekgwa hela’”
5 Diyabolose a yisa Jesu lefelong la gedimo ka go ponya ga letlho a mo shupetsa mebusho ka moka ya lefase. 6 Ke moka a re gage: “Ke nyoko go neya letago la yona le maatla a yona ka moka, ka gore mebusho ye ye neyiwuwe nna, le gona nka ye fa ye mongwana le ye mongwana ye ke nyakang go mo fa. 7 Byalo ho wo ka nkgotamela wa nrapela, ka moka ga tsona tso ye nyoko ba tsago.”
8 Jesu a mo yaraba a re: “Go ngwadiwuwe gore: ‘Kgotamela Morena Modimo wago, wo tlhankele yene a ntoshi.’”
9 Diyabolose a mo yisa Jerusalema a mo maka gore a yeme malekelekeng ya tempele a re: “Ka ho wo le Morwayi wa Modimo, telatlhele fase ka gore go ngwadiwuwe gore: 10 ‘Modimo wo nyoko layela mangeloyi yage go go tlhokomela, 11 ba nyoko go kaba gore loto lago le sa rule ke letlapa’”
12 Jesu a mo yaraba a re: “Go ngwadiwuwe gore: ‘Wo sa leke Morena Modimo wago.’”
13 Ho diyabolose a fetsiye go leka Jesu, a mo shiya tsa nakonyana.
Jesu wo ganiwa Nasareta
14 Jesu wo tlogiye a boyela Galeliya a tlele ka Moya wo Mokgetwa, ditaba ka yene diya tlala naga yone ka moka. 15 Jesu wo tjhutisiye disenagogeng tsa bona, ye mongwana le ye mongwana a mo reta.
16 Jesu wo yiye Nasareta ho a goleleng gona, ka letjatji la Sabatha a kena senagogeng, ka gore ke ho ye le setlwayedi sage, a tlogamela a bala Mangwalo ya makgethwa. 17 Ba mo neya lengwalo la moprofeta Jesaya. Ho a le phutullwa a keraya ho go ngwadiwuweng gore:
18 “Moya wa Morena wo ho gaka,
ka gore wo ntlotsiye go rerela batlhoki Taba ye Butji
Wo nromele go rera tokologo ga bo ba tlemiwuweng
le go maka bo ba sa boneng gore ba boyele ba bone,
le go lokolla bo ba gatelediwuweng,
19 le go gowelela ngwaga wa kgawogelo ya Morena”
20 Ke moka Jesu a phuta lengwalo lone, a le bosetsa ga motlhokomedi wa lona ke moka a dula fase. Batho kamoka ho ne senagogeng ba mo tomolela matlho, 21 ke moka a thoma ka gore ga bona: “Lehono lengwalo lo, le phetegiye ditsebeng tsa lune ka ho ledikwele.”
22 Ka moka ga bona ba bolabodiye ga butji ka yene, ba biye ba makatsa ke mantsu ya kgawogelo wo a tjweleng molomong wage, ba botsisana ba re: “Naa a ye morwayi wa Josefa ye?”
23 Jesu a re ga bona: “Nyanese le nyoko ntlhabela seyema so: ‘Ngaka, tekalafe! Maka ho nageng ya genu tso re kweleng bareng wo di makiye kuwa Kaperenaume.’”
24 Jesu a tjwelapele a re: “Ke ya resa gore, a go na moporofeta ye a yamogediwang motjing wa gabo. 25 Ke tiyisa ka gore ka nako ya Eliya ke ho go na le batlhologadi ba go tlala Israyele, hala legedimo le kwadiwuwe mengwaga ka meraro le dikgwedi tse tshela, gwaba le kgwakgwa nageng ka moka. 26 Le ho go le ka mokgwa wone Modimo a a romela Eliya ga ye mongwana wa batlhologadi ba Israyele bo ke ho ba mo tjiba, mara wo moromele ga motlhologadi wa Sarefate tikologong ya Sidone ye ke ho a sa motjibi. 27 Le gona ke ho gona le batho ba go tlala ba lephera Israyele ka nako ya moporofeta Elisha, mara a go waka gwaba le ka weshi wa go fola ho ye se Naamane wa Seriya.”
28 Batho ka moka ka senagogeng ba yiye ba fufulela ho ba kwele tso. 29 Ba yiye ba yemelela ba mo gogagoganya ba mo ntsha motjing, ba mo yisa legageng la thaba yo motji wone ke ho wo yagiwuwe gedimo ga yona, gore ba mo kgorometsele ka legageng. 30 Mara a fo tjwa gare ga leshaba a ba shiya.
Jesu wo raka moya wo mobe
31 Ka morago a tloga a ya Kapernaume ya Galeliya, ke moka ka Sabatha a thoma go tjhutisa batho. 32 Ba makatsa ke ditjhutiso tsage, ka gore molayetsa wage ke ho wo na le maatla.
33 Hone senagogeng ke ho go na le monna ye ke ho a keniwuwe ke ledemone, moya wo mobe. A gotla a re: 34 “Haaa! Wo nyaka ying ga rune, wene Jesu wa Nasareta? Wo tlile go re fedisa? Ke ya tjiba gore ke wene mang, wo Mokgetwa wa Modimo!”
35 Ka go yakgoswa Jesu a re: “Homolela! Tjwang hone gage!” Ledemone la mowesela monna yela fase matlhong ya bona, la tjwa le sa mo kwaletsa.
36 Batho ka moka ba makala, ba botsisana ba re: “Ke tjhutiso yefe yo? Ya go ba le maatla ya go lawola, le go layela memoya ye mebe ya tjwa!” 37 Ditaba ka Jesu tsa tlala naga ka moka.
Jesu wo fodisa ba go tlala
38 Jesu a tloga senagogeng a ya gaye ga bo Simone. Byalo matsala wa Simone ke ho a lwala a tshwere ke mokomane, ba kgopela Jesu gore a mo thushe. 39 Jesu a mo yinamela a kgalema bolwele, bya napa bo mo lesetsa. Ka go yakgoswa matsala wa Simone a tsoga a ba makela tsagodya.
40 Ho letjatji le tlolela batho ba tlisa batho bo ke ho batshware ke malwele ya moshagashaga a ba beya matsogo ka moka ga bona a ba rapela ba fola. 41 Go feta hone mademone a tjwa bathong ba go tlala, a gotla a re: “Wo Morwayi wa Modimo!” Mara a ba kgalema a sa a dumelele go bolabola, ka gore ke ho a mo tjiba gore ke Kriste.
42 Ka letjatji lo le lateng a phuwela a ya ho go senang batho. Batho ba tsama ba mo nyaka, ho ba mo kereyiye ba mo kgopela gore a sa ba shiye. 43 Mara a re: “Ke tshwanele go ya go rera Taba ye Butji ya Mmusho wa Modimo metjing ye mongwana le gona, ka gore ke so ke rumediwuweng sona. 44 A tjwela pele a rera disenagogeng tsa Juda.