Judase wa tepolaya
27
Ye sa le ka boshego,
baprisita ba bagolo le bagolo ba setjhaba ba kwana ka go bolaya Jesu.
2 Ba mo tlemme,
ba tloga naye ba ya ba mo gafela mmushishi Pilato.
3 Ho Judase ye a rekisiyeng Jesu a lemoga gore,
Jesu wo yatlholediwuwe lehu,
wo tesodiye ka matla.
Wo tsere dipeperetlana tse masome a mararo tsa silibere tsela a mo rekisiyeng ka tsona a di bosetsa morago ga baprisita le bagolo ba setjhaba a re:
4 “Ke makiye sebe ka go rekisa madi wo a se nang molato.”
Bona ba mo fetola ba re:
“Ke tsago tsotsone,
a re na taba natso,
ke mathata yago.’’
5 Judase a ya a foshela tjheleta yela ka tempeleng a tloga.
A napa a ya a tetlema.
6 Baprisita ba bagolo ba kotiye dipeperetlanyana tsa silibere ba re:
“A go wa tshwanela go tjhela tjheleta yo bobolokelong bya tempele,
ka ho ye le tjheleta ya madi.’’
7 Ba bolabodisana ka yona,
ba fetsa ka go reka tjhemo ya mmopi wa dipitsa gore ba ye berekise ye be dirapa tsa go bolokela batho ba go hwa ye le ba go tjwa tawong ga naga.
8 Ke ka taba yone ye sa bitsiwang tjhemo ya madi.
9 Go phetegiye so se bolabodiyeng ke moporofeta Jeremiya ho a re:
“Ba tsere dipeperetlanyana tsa silibere tse masome a mararo,
ye leng theko yo ye beyediwuweng yona ke Baisirayele,
10 ba ye berekisiye go reka tjhemo ya mmopi wa dipitsa go ya ka ho Modimo a ntayeleng ka gona.”
Jesu matlhong ya Pilato
11 Ho Jesu a sa yemme matlhong ya mmushishi Pilato,
yene wo mmotsisiye a re:
“Ke wene kgoshi ya Bajuda?”
Jesu a fetola a re:
“Ee,
go ka wona mokgwa wo wo bolabolang ka gona.”
12 Ho baprisita ba bagolo le bagolo ba setjhaba ba mmona molato,
a sa fetole.
13 Ka morago Pilato wo mmotsisiye a re:
“Naa a wo kwe dilo tsa go tlala tso ba go bonang molato ka tsona?”
14 Mara Jesu a sa fetole selo,
go segela ho mmushishi a makeleng ka matla.
15 Byalo ke ho go le setlwayedi ka monyanya wa Paseka gore mmushishi a lokollele batho motshwariwa ka woweshi.
16 Ka yona nako yone ke ho go na le motshwariwa ye a tjibegang ka go senya,
lebitso lage ke ho ba re ke Barabase.
17 Ho setjhaba se kgobakanne Pilato a ba botsisa a re:
“Ke mang ye le nyakang gore ke le lokollele yene,
Barabase kela Jesu ye a bitsiwang Kriste?”
18 Ke ho a tjiba gore ba gafele Jesu gage ka taba ya lehufa.
19 Ho Pilato a sa dule setulong sage sa boyatlhudi,
mosadi wage wo mo romele molayetsa wa gore:
“Wo sa be le so wo se makang ka motho yene wa go sa be le molato,
ka gore ke tlhopegiye ka matla boshego dilorong ka taba lage.”
20 Mara baprisita ba bagolo le bagolo ba setjhaba ba tlhotlheletsa batho gore ba kgopele Barabase le gore Jesu a bolayiwe.
21 Mmushishi a ba botsisa a re:
“Ke mang ga bo ka babedi le nyakang gore ke le lokollele yene?”
Ba yaraba ba re:
“Barabase!”
22 Pilato a ba botsisa a re:
“Byalo ke make ying ka Jesu ye a bitsiwang Kriste?”
Ka moka ba mo yaraba ba re:
“Mmapole!”
23 Pilato a ba botsisa a re:
“Ka taba la ying,
ke molato wofe wo a wo makiyeng?”
Bona ba fo gowelela ka matla le go feta ba re:
“Mmapole!?
24 Ho Pilato a bona gore a go thushe selo le gore go ka fo tsoga mmudubudu,
wo tjhediye meetji a tlhapa diyatla matlhong ya leshaba.
Pilato a re:
“Nna a ke na molato ka madi ya monna ye,
ke tsa lune tsone!”
25 Batho ka moka ba yaraba ba re:
“Madi yage a be gedimo ga rune le bana ba rune!”
26 Wo ba lokollele Barabase.
Mara a layela gore Jesu a teyiwe,
ke moka a mo gafela go bapodiwa
Masole a kwera Jesu
27 Byalo mmushishi wa masole a tseya Jesu a mo yisa paleyising,
masole ka moka ba mo kgobakanela.
28 Ba mo yapola dikobo tsage,
ba mo yapesa kobo ye khubedu.
29 Ke moka ba fapiye kgare ya mootlwa ba mo rwesa tlhogong,
ba mo tshwarisa thoka ka letsogo la setsogotsogo,
ba kgotama matlhong yage ba mo kwera ba re:
“Thobela kgoshi ya Bajuda!”
30 Ba mo tshwela ka mare,
ba tseya lepara lela ba mo teya ka lona tlhogong ba boyelela.
31 Ka morago ga ho ba mo kweriye,
ba mo yapola kobo yela ye khubedu ba mo yapesa dikobo tsage.
Ba mo yisa go mmapoleng.
Jesu wo bapodiwa sefapanong
32 Ho ba yetjwa,
ba gatlhana le monna wa go tjwa Sirene,
ye a bitsiwang Simone,
ba mo gapeletsa go rwalela Jesu sefapano.
33 Ba segele tulong yo ba reng ke Golgotha,
ke gore Lefelo la Legata.
34 Ba mo neyiye beyine ba ye gatlhannye le nyoko gore a nwe.
A ye leketsa a kwa ye galaka a gana go nwa.
35 Ho ba mmapodiye,
ba yarolelana dikobo tsage ka go kgana madayise.
36 Ba dula fase ba mo lebelela.
37 Ka gedimo ga tlhogo yage ke ho go ngwadiwuwe molato wo ba mmegiyeng ka wona:
YE KE JESU,
KGOSHI YA BAJUDA.
38 Ke ho a bapodiwuwe le basenyi ka babedi,
ye mongwana ka letsogong la setsogotsogo hala ye mongwana a le ka letsogong la sepata.
39 Ba go feta ka tsela ke ho ba mo nyefola,
ba shikinya ditlhogo
40 ba re:
“Awuwi,
wene wa go wisa tempele,
wa ba wa ye yaga ka matjatji ka mararo,
tepholose!
Ho wo le Morwayi wa Modimo tepholose hone sefapanong!”
41 Ka wona mokgwa wone,
baprisita ba bagolo,
baruti ba molawo le bagolo ba setjhaba ba mo kwera ba re:
42 “Wo pholosiye ba bangwana mara a kgone go tepholosa!
Ke kgoshi ya Israyele!
Byalo a phologe hone sefapanong re nyoko mo dumela.
43 Ke ho a tshepa Modimo,
byalo Modimo a mo pholose gona byalo ho a mo nyaka!
Ka gore ke ho a re:
‘Ke nna Morwayi wa Modimo.’”
44 Ka wona mokgwa wone basinyi bala ka babedi bo ba bapodiweng le yene le bona ba mo phara ka maroga.
Lehu la Jesu
45 Go thoma ka nako ya lesomepedi motshegare go segela ka nako ya boraro ka sethewo,
naga ka moka ke ho yele letshwifi.
46 Ka nako yo ye ka bang iri ya boraro ka sethewo,
Jesu a gowelela ka lentsu le legolo a re:
“Eloyi,
Eloyi,
lama sabakathane?”
Ke gore:
“Modimo waka,
Modimo waka wo nshiyele ying?”
47 Bo ke ho ba yemme hone ho ba mokwa,
ba re:
“Wo bitsa Eliya.”
48 Ka go yakgoswa ye mongwana wa bona a taboga a tseya seponje,
a se tlatsa ka beyine ya go galaka,
a se tlhemelela phateng,
a neya Jesu gore a nwe.
49 Mara ba bangwana ba re:
“Mo lesetse.
Re nyoko bona ho Eliya a tla a mo pholosa.”
50 Ho Jesu a gowelele ka maatla fote,
a neyela moya.
51 Ka yona nako yone legareteng la tempele la gawoga ka bogare go thoma gedimo go ya fase.
Lefase la shikinyega le matlapa a pharoga.
52 Mabitla a bulega,
mmele ya bakgetwa bo ba hwileng ya tsoga ya phela.
53 Ba tjwa mabitleng,
ka morago ga ho Jesu a tsogiye bahung ba ya ba kena motjing wo mokgetwa Jerusalema ba bonagala ga batho ba go tlala.
54 Molawodi wa masole le masole wo ke ho ba letiye Jesu,
ho ba bona tjhikinyego ya lefase le tso di makegiyeng ka moka,
ba tjhoga ka maatla ba re:
“Nyanese motho ye ke ho yele Morwayi wa Modimo!”
55 Basadi ba go tlala ke ho ba le hone ba lebelele ba le kgolenyana.
Ba latele Jesu go tloga Galeliya ba mo tlhokomele ga dinyakwa tsage.
56 Magareng ga bona ke ho yele Maria Magadalena,
Maria mmane wa Jakobose le Josefa,
le mmane wa barwayi ba Sebediya.
Poloko ya Jesu
57 Ho ye ba ka malobana,
go tlele Josefa wa mohumi wa go tjwa Aramatiya,
ye ke ho yele morutiwa wa Jesu.
58 A ya ga Pilato a kgopela mmele wa Jesu,
Pilato a layela gore ba mo fe wona.
59 Josefa wo tsere mmele wa Jesu a wo phutela ka malapi ya go yela,
60 a wo beya ka lebitleng le lentshwa lo ke ho a tepetlele lona letlapeng.
A kgokolosa letlapa le legolo a kwala monyako wa lebitla a tloga.
61 Maria Magadalena le Maria yela ye mongwana ke ho ba dule ba lebanne le lebitla.
Baleti ba lebitla
62 Ka letjatji lo le latelang la Sabatha,
baprisita ba bagolo le Bafaraseyi ba ya ga Pilato.
63 Ba mmotsa ba re:
“Morena,
re gopola gore motshokanyi yela ho a sa phela wo yitse:
“Ka morago ga matjatji ka mararo ke nyoko tsoga fote.”
64 Layela gore lebitla lage le letiwe go segela ka letjatji la boraro.
Yeseng bjalo,
barutiwa bage ba ka tla ba yetswa mmele wage,
ba botsa batho go re wo tsosiwuwe bahung.
Matsaka wo ya mafelelo a ka tla a fetisa ya mathomo.