Mano ya go bolaya Jesu
26
Ho Jesu a fetsiye go bolabola dilo tso ka moka,
a re ga barutiwa bage:
2 “Ka ho le tjiba gore monyanya wa Paseka wo shalele ke matjatji ka mabedi ho Morwayi wa Motho a nyokogo gafediwa go bapodiwa.”
3 Ke moka baprisita ba bagolo le bagolo ba setjhaba ba kgobakana paleyising ya moprisita ye mogolo Khefase,
4 ke moka ba feka maano ya go tshwara Jesu ka bohwirihwiri gore ba mmolaye.
5 Ba re:
“Mara ye sa be ka nako ya monyanya wa Paseka,
gore leshaba le sa tsose mmudubudu.”
Jesu wo tlotsiwa kuwa Bethaniya
6 Ho Jesu a le Bethaniya lapeng la monna ye a bitsiwang ka la Simone ye a yiyeng a ba le bolwele bya lephera,
7 mosadi wo tlile gage le lepotlela la alabastara la mahura ya go tura ya go nkgela monate,
a tjhollela tlhogong ya Jesu a sa le tsagodyeng tafoleng.
8 Ho barutiwa bage ba bona tso ba galefa,
ba re:
“Ke ying taba go senyiwa mahura wo ya go nkgela monate?”
9 “Nkabe a rekisiwa ka tjheleta ya go tlala ke moka tjheleta ya gona ya fiwa ba go dila.”
10 Jesu ka go lemoga so,
a re ga bona:
“Le mo tlhopela ying mosadi ye?
Wo mmakele dilo tse di butji.
11 Badidi le nyoko dula le le nabo,
mara nna le ka sa dule le na le nna.
12 Ho a tjhela mahura ya go nkgela monate ho mmeleng wa ka,
wo mmakele tso go lokisela poloko ya ka.
13 Ke le botsa nnete,
go gongwana le go gongwana ho ebangedi ye reriwang gona lefaseng ka moka,
so a se makiyeng se nyoko bolabodiwa,
yele go mo gopola.”
Judase wo dumela go rekisa Jesu
14 Ke moka ye mongwana wa ba lesomepedi ye a bitsiwang ka la Judase Iskariyote a ya ga moprisita ye mogolo
15 ke moka a mmotsisa a re:
“Wo nyoko nneya ying ho nka gafela Jesu ho gago?”
Ba balelana dipeperetlanyana tse masome ka mararo tsa silibere go mo reka.
16 Go tloga ka nako yone Judase a nyaka tsela ya go ka mo gafela ga bona.
Selalelo sa Morena
17 Ka letjatji la mathomo la monyanya wa sekgwa sa go sa womediwa,
barutiwa ba tlile ga Jesu ba mmotsisa ba re:
“Ke kaye ho wo nyakang re ye go go lokisela go dya Paseka gona?”
18 Jesu a ba fetola a re:
“A reyeng hone motjing ga monna ye mongwana le mmotse le re:
‘Moruti wo re nako ya ka ye thina.
Ke ya go dyela monyanya wa Paseka le barutiwa ba ka ka lapeng lago.’”
19 Barutiwa ba makiye ka ho a ba layeleng ka gona ba lokisela Paseka.
20 Ka molobana Jesu ke ho a le tafoleng le barutiwa ba lesomepedi.
21 Ho ba sa dya,
Jesu a re:
“Ke le botsa nnete,
ye mongwana wa lune wo nyoko nrekisa.”
22 Ba yiye ba nyama ka matla ba ba ba re gage ka go latelana:
“Ke ya kgolwa a ye nna,
Morena?”
23 Jesu a ba fetola a re:
“Ye a yeneleng letsogo lage le nna ka setjeng wo nyoko nrekisa.
24 Morwayi wa Motho di nyoko mo makegela ka mokgwa wo go ngwadiwuweng ka yene.
Mara madimabe ga motho ye a rekisang Morwayi wa Motho!
Ke ho go ka ba kawone gage hala nkabe a sa belegiwa.”
25 Judase ye ke ho a nyoko mo rekisa,
a re:
“Ke ya kgolwa a ye nna Moruti?”
Jesu a mo yaraba a re:
“Ee,
ke wene.”
26 Ho ba kene ba sa dya,
Jesu wo tsere sekgwa a leboga,
a se ngathanya a se neya barutiwa bage a re:
“Tseyang le dye,
wo ke mmele waka.”
27 A tseya le komitji a leboga a ba fa yona a re:
“Nwaneng ka yona ka moka ga lune.
28 Wo ke madi yaka a kgwerano wo a falatsiwang ka taba la ba go tlala go lebalela dibe.
29 Ke ya le botsa,
nka sa sa nwa seyengwa so sa motereba go thoma gona byalo go segela letjatji lo nko se nwang ka leswa le lune ka mmushong wa Papa.”
30 Ho ba yepelele sefela,
ba tjwile ba ya Thabeng ya Metlhware.
Jesu wo wutulla gore Petrose wo nyoko mo phega
31 Jesu wo ba botsiye a re:
“Boshegong byo le nyoko wa ka moka ga lune ka taba la ka,
ka gore go ngwadiwuwe gore:
‘Ke nyoko teya modisi,
ke moka motlhape wa dinku wo nyoko tlalagana.’
32 Mara ka morago ga ho ke tsogiye,
ke nyoko le yeta matlhong go ya Galeliya.”
33 Peterose a fetola a re:
“Le ho ka moka ba ka wa ka taba lago,
nna nka sa we.”
34 Jesu a mo fetola a re:
“Ke go botsa nnete,
boshegong byo,
pele ga ho kgogo ya phoko ye leka,
wo nyoko ba wo mphegiye ga raro.”
35 Mara Peterose a fetola ka go gatelela a re:
“Le ho go ka tlhokagala gore ke hwe le wene,
nka sa go phege.”
Le barutiwa ba bangwana ba bobolabola go tshwana le Petrose.
Getsemane
36 Jesu wo yiye le barutiwa bage Getsemane,
a re ga bona:
“Dulang ho,
ke sa ya go rapela hala.”
37 Wo tsere Peterose le barwayi ka ba bedi ba Tsebediya a ya le bona,
a thoma go nyama le go tshwenyega.
38 Ke moka a re ga bona:
“Moya waka wo tlalelanne ka matla ke nyamme go yisa lehung.
Dulang ho le lete le nna.”
39 Ho a yiye kgolenyana,
a wela fase ka sefatlhego a rapela a re:
“Papa,
ho go kgonega,
nkare komitji yo ya go tlhayisega ye ka tlosiwa ho gaka.
Mara ye sa be ka go nyaka gaka,
ye be ka go nyaka gago.”
40 Ka morago a boyela ga barutiwa bage a ba keraya ba yetsele.
A re ga Peterose:
“Naa la napa la shitegiye go leta le nna awara ka yyoshi?
41 Phafogang le rapele gore le sa wele molekong.
Moya wa nyaka,
mara nama ya fokola.”
42 Wo tlogiye ga bona la bobedi a ya go rapeleng a re:
“Papa,
ho nkare a go kgonege gore komitji yo ye tlosiwe ho gaka gore ke sa nwe ka yona,
a go makege go rata gago.”
43 Ho a boyele ga barutiwa bage,
wo ba kerayiye ba yetsele fote,
ka gore matlho ya bona ke ho a roba ka boroko.
44 Wo ba shiye a ya go rapeleng la boraro a boyelela yona thapelo yela ya mathomo.
45 Ke moka a boyela ga barutiwa bage a re:
“Naa le sa yetsele le ya khutsa?
Bonang,
nako ye thina,
Morwayi wa motho wo rekisiwa diyatleng tsa badiradibe.
46 Tlogamelang,
koriyeng,
morekisi waka ke ye wo wetla!”
Jesu wa tshwariwa
47 Ho Jesu a sa bolabola,
Judase,
ye mongwana wa ba baruti wa ge ba lesomepedi a segela.
Ke ho a na le leshaba le legolo ba tetlhamme ka disabola le dirogo,
ba romme ke baprisita ba bagolo le bagolo ba setjhaba.
48 Byalo morekisi ke ho a beyakannye letshwawo le bona,
a yitse:
“Monna ye ke mo khisang ke yene mo tshwareng.”
49 Judase a napa a ya ga Jesu a re:
“Tama,
Moruti!”
A mo khisa.
50 Jesu wo mo fetodiye a re:
“Mogwera,
maka so wo tleleng sona.”
Ke moka banna bo ke ho ba na le Judase ba tjhutela,
ba tshwara Jesu ba mo tlema.
51 Ye mongwana wa bo ke ho ba na le Jesu a khwamola sabola,
a rema motlhanka wa moprisita ye mogolo a mo kopa tsebe.
52 Jesu a re ga motho yene:
“Bosetsa sabola yone ho ye dulang gona,
ka gore ka moka bo ba ntshang disabola ba nyoko bolayiwa ka disabola.
53 Wo bona nkare ke shitega go kgopela Papa,
yene ka go yakgoswa a ka romela masole ya mangeloyi ya go tlala.
54 Mara ho nka maka ka mokgwa wone Mangwalo a Makgetwa wo a reng so ke sona se tshwaneleng go makega a ka phetagala byang naa?”
55 Ka yona nako yone Jesu a botsisa leshaba a re:
“Gale ke yetiye batlhanogela mmusho ho le shala le tjwa ka disabola le dirogo go ntshwara?
Ka moka matjatji ke ho ke dula malapeng ya tempele ke tjhutisa,
mara a la ka la ntshwara.
56 Mara tso ka moka di makega gore go phetege mangwalo ya baporofeta.”
Barutiwa ka moka ba mo shiya ba tjhaba.
Jesu lekgotleng le legolo la Bajuda
57 Bo ba tshwereng Jesu ba mo yisiye ga Khefase,
moprisita ye mogolo,
ho ke ho go gatlhanne baruti ba molawo le bagolo ba setjhaba.
58 Mara Peterose ke ho a sepelela kgolenyana a mo shele morago go segela ka lapeng la moprisita ye mogolo.
Wo kenne a dula le baleti ba dikgoro go nyoko bona so se makegang.
59 Moprisita ye mogolo le lekgotla la Bajuda ke ho ba nyaka botlhatse bya matsaka kgatlhano le Jesu,
gore ba kgone go mmolaya.
60 Mara ba sa keraye le botlhatse ka byoshi,
le ho go tlile ditlhatse tsa matsaka tsa go tlala.
Mafelelong go tlile ka babedi.
61 Ke moka ba bolabola ba tiyisiye ba re:
“Mothaka ye,
wo yitse ‘Nka kgona go psyatlhanya tempele ya Modimo ka ba ka ye yaga fote ka matjatji ka mararo’”
62 Ka morago moprisita ye mogolo wo yemme a re ga Jesu:
“A wo nyake go yaraba?
Ke bya ying botlhatse byo banna bo ba bo tlisang kgatlhanong le wene?”
63 Mara Jesu a fo homolela.
Moprisita ye mogolo a mmotsa a re:
“Ke go yenisa ka Modimo ye a phelang gore wo re botse ho ye le gore wo Kriste Morwayi wa Modimo.”
64 Jesu a fetola a re:
“Ee,
ka mokgwa wo wo bolabodiyeng ka gona.
Ke botsa lune ka moka gore ka nako ye ye tlang le nyoko bona Morwayi wa motho a dule ka letsogong la letsogotsogo la Wamatlakamoka,
a tla ka maru ya legedimo.”
65 Moprisita ye mogolo a gagola dikobo tsage a re:
“Wo rogelele Modimo!
Re sa di nyakela ying ditlhatse tse dingwana?
Bonaneng,
byalo le kwele ho a rogelela Modimo!
66 Le nagana ying?”
Ba yaraba ba re:
“Wo tshwanele ke lehu!”
67 Ka morago ba mo tshwela sefatlhego le go mo kgitlhanya ka dipakele.
Ba ba ngwana ba mo teya ka dimpamo,
68 ba re:
“Re porofete,
Kriste,
Ke mang a go teyiyeng?”
Petrose wo phega Jesu
69 Peterose ke ho a dule ka tawong ga lapa,
ho go tlileng ngwannyana wa motlanka a re gage:
“Le wene ke ho wo na le Jesu wa Galeliya.”
70 Mara a ganetsa matlhong ya bona ka moka a re:
“A ke tjibe gore wo bolabola ka ying.”
71 Wo tjwele a ya thokong ya kgorong,
ho a bonneng ke ngwannyana ye mongwana fote a re ga batho bo ke ho ba le hone:
“Mothaka ye ke ho a na le Jesu wa Nasareta.”
72 Le gona a ganetsa fote,
ka go yena a re:
“A ke mo tjibe monna yene!”
73 Ka morago ga nakonyana,
Batho bo ke ho ba yemme hone ba ya ga Peterose ba re:
“Nyanese wo ye mongwana wa bona,
ka gore le gobolabola gago gwa kwala.”
74 Ke moka Petrose a thoma go tefeferetsa a ba yenela a re:
“Monna yene a ke mo tjibe!”
Ka go yakgoswa kgogo ya phooko ya leka.
75 Ke moka Peterose a gopola mantsu ya Jesu wo a a bolabodiyeng a re:
“Pele ga ho kgogo ya phooko ye leka,
wo nyokoba wo mphegiye gararo.”
Ke moka wo tjwele tawong a lla ka maatla.