Tekabaha hangko i pehilu kapate
116
1 Mampokaahina Pue, lawi Napehadingiperaroangku hai pamperapiku.
2 Napehadingimona,
ido hai liangku mani tuwo batengku meraroa Iria.
3 Nahilumona koloro kapate,
pelangaki kapate morumpana;
molambina kapari hai pantodiha.
4 Agaiana mokabelaina hangana Pue, kuuli,
“Kabaha wongkoia, O Pue!”
5 Pue maahi hai manoto,
Pue Ala au tapenombai mepokakaia.
6 Pue mokadipura tauna au bara nasauru;
maledemona, agaiana Nahoremana.
7 Ee, lalungku, tinda sulemoko,
lawi Pue maroa irio.
8 O Pue, Nuhoremamona hangko i kapate,
owai matangku Nuumpahimi hangko i matangku,
hai bitingku barapi Nupatehube,
9 ido hai peisana molumao i lindona Pue,
i olonda tauna au tuwo i dunia ide.
10 Mepoinalai liliuna nauri kuuli,
“Ide iko rumihi katerimbikingku.”
11 I lalu kawulingku mololitana,
“Tauna modongko haha.”
12 Noumba kakuhurungina i Pue,
hinangka roaNa iriko?
13 Ina moantina popenomba anggoroa i Pue,
hai ina motoiana hangaNa anti katehoremangku.
14 Ina mopabukeina dandiku i Pue,
i lindonda taunaNa.
15 Mahile holona i lindona Pue
kapatenda ope-ope tauna au Napokaahi.
16 O Pue, ide iko tuduaMuna!
TuduaMuna, ananana inangku au mewali wori tuduaMu, menombana Irio;
Nukabahamona hangko i petaka kapari.
17 Ina moantina popenomba anggoro Irio,
hai mokakiona hangaMu, O Pue, i lalu pekakae.
18 Ina mopabukeina dandiku i Pue,
i lindonda taunaNa,
19 au moteruhuhe i tabangaa souna Pue
i tanga wanua Yerusale.
Toiami Pue!