15
ऐ पाहि ओमे आय तुमुह तोच सुसमाचार कोतलू होय जो पेल्लू बी आय होमलाडीत चुल्यु हु जीही स्थिर बी होय 2 आना ज्यावाही तुमाआ तारण पण उवनारा होय तियाअ गुगादिलोपोरोत तू तियाअ शब्दांहा ज्याआ आय तुम्हामे आज्ञा कोअयी ओती आपाआ मजबुते तोईत रो नहाते तांआ विश्वास कोअही बिनकामोओ उवे 3 जी आखाम पोहेली गोठी माहु जोड़ी ओती त्याहा आय तुमाजागेजा पोताडीन आप्यी का शास्त्रा नुसार ख्रिस्त आम्हा पापोकोते मोल्यु 4 आना त्याहा पुरोज गोये आना शास्त्र कोतलू फासी त्याहा जिवंत कोईत उठ्वलो गोल्यो 5 आना फासी तो पेत्रासमोर प्रकट होवयोताहा त्याआ फासाड़ी तिये दर्शन आपिलू 6 फासी तो पाचहोव पेक्षा जाखो पायहोहो एकठे देखायू त्यामेरोत खूप जोओ ओमेजा जिवंत होय आना केताके मरण पण उवे होय 7 तियाफासादी तो याकोबाआगाडी प्रकट पोयो आना तेहालाम तिये प्रेषितांहा फासी दर्शन आपिलू 8 आना आखाआ आखरी तिये माहु पण दर्शन आपिलू आय ताहा टाईमअ पहीले हारकोज ज्न्माआपले सात मोहिनाआ पोऱ्याहरके होय 9 काहाके आय ताहा प्रेषितामध्ये आखाम हानू होय इरोत का आय ताहा प्रेषित कोअलो योग्य नाहा होय काहाके आय ताहा परमेश्वराआ मोडलील छळ कोईत नाहा 10 काहाके परमेश्वराआ कृपेणे आय तेह्लू बोल्यू होय आज होय मापो त्याआ व्यर्थ कृपा कोअयी गोयी नाहा आय ताहा तियाअ आखे पेक्षा आखापोरोत जाखो परिश्रम कोल्योओ होयपण तो परिश्रम कोअनारू आय नाहा ओतू , पण ती परमेश्वराआ कृपा ओती जी माआरी रोत ओती 11 पोन जेबी आय तुम्हामे आय हिकवन आप्यी ओती, जेबी तिये आमु आखे ओच हिकवन आपित रोतो आना यापोरोत तुमु विश्वास कोल्योओ 12 कोईत जाहा ख्रिस्ताहा मोल्यामरोत फासी जिवंत कोल्योओ गोल्यो ताहा तुमामेहेरोत किबी जोओ एहलो काहा कोतेहे का मअल्याफासडी फासी जिवंत उठीलो शक्य नाहा 13 आना जर मोईतगोल्यू फासाड़ी जिवंत उठीलो होय नाहा ताहा फासाड़ी ख्रिस्त पण मअल्याफासडी जिवंत कोल्योओ गोल्यो नाहा 14 आना जर ख्रिस्ताहा जिवंत कोल्योओ गोल्यो नाहा ताहा आमुहू हिकवन आण्यो व्यर्थ होय आना तुमाआ विश्वास पण व्यर्थ होय 15 आना आमुहू पण फासाड़ी परमेश्वरा विषयी खोटो साक्षीदार ओलखिणारा काहाके आमुहू पण परमेश्वराआगाडीही शपथ घेऊन ए साक्ष आप्यी होय का तिये ख्रिस्ताहा मोईतगोल्यू मायारोत जिवंत कोल्यु होय पण त्याआ वर्नोहोसे जर मोल्या जिवंत उवनारा नाहा ताहा परमेश्वराने ख्रिस्ताहा पण जिवंत कोल्यु नाहा 16 काहाके मोल्या जिवंत कोल्यु जात नाहा ताहा ख्रिस्ताहा पण जिवंत कोल्यु नाहा 17 आना जर ख्रिस्ताहा जिवंत कोल्यु नाहा ताहा फासाड़ी तुमाआ विश्वासच व्यर्थ होय आना तुमु ओमे पण पापामेहे ठ्गाल्ये होय 18 होय , ताहा फासाड़ी जिये ख्रीस्तासाठी आपाआ जीव आप्यू ते ऐहलेच नाश उवे 19 जर आमुहू आपाआ आव भौतिक जीविलोकाजेहे येशु ख्रीस्तात आपाआ आशा मेकल्यी होय ताहा फासाड़ी आमुहू आखे मांहुपोरोत लाचार होय 20 पोन ओमे वास्तविक ओ होय का ख्रिस्ताहा मोल्यामरोत जिवंत कोल्योओ गोल्यो, तो मोल्या पहीले फोल होय 21 काहाके जाहा उनाआ मनुष्याद्वारे मरण आव्ये ताहा उनाआ माहूपोरोते मोनारापोरोत फासी जिवंत उठीलो आव्ये होय 22 काहाके तेहलूज जेहलो आदामच्या कामामुळे आखाकाजे मरण आव्ये तेहलूज ख्रीस्ताद्वारे आखाहा फासी जिवंत कोल्यु जाइअलो 23 पोन प्रत्येकाहा त्याआ स्वतःआ कामापोरोत आखाहा पहीले ख्रिस्ताहा जो फसाहाचा पेल्ल्लु फोल होय आना फासाड़ी त्याआ आगमनाच्या टायमोमें त्याहा जे ख्रिस्ताआ होय 24 तियाफासादी जेव्हा ख्रिस्त आखे न्यायकोअनारा, अधिकारी, आखे एह्लाम शक्ती नाश कोईत राजाहा परमपिता परमेश्वराआ आथोमेहे होफहोपिन आपी तेहालाम प्रलय ओतगोल्यु जानारू 25 कोईत जेव्हा पर्यंत परमेश्वर ख्रिस्ताच्या वैर्यांना त्याआ गुडानिसे कोईत आपित नाहा तोपोरोत त्याआ राज्य कोअला आवश्यक होय 26 आखाआ शेवटच्या शत्रूच्या रुपोमे मोईलो नाश -नाश कोल्यु जाइअलो 27 काहाके परमेश्वराने प्रत्येकाहा ख्रिस्ताच्या चरणाओ अधीन मेक्ल्ये तोहोयमे पाला , जेव्हा शास्त्र कोतलू, "आखे किबी त्याआ आधीन कोईत आपिलू होय ताहा जीआ आखे किबी त्याआ आधीन गूडाम कोल्यु होय तो स्वतः त्यापोरोत जुदो होय 28 आना आखे किबी ख्रिस्ताच्या अधीन कोईत आपिलू होय ताहा इहिंजा का स्वतः पोऱ्याहा पण तियाअ परमेश्वराआ आधीन कोईत आपिलू जाइअलो जीआ आखे किबी ख्रिस्ताच्या आधीन कोल्यु होय म्हणजे आखापो पुरो पणे देवोमेहे राज्य रोंहु जोवे 29 नाहा ताहा जिये आपाआ जीव आप्यू होय ज्यामुळे जिये बाप्तिस्मे लेदो होय ते नाहाकोत कोअनारू जर मोल्या फासी जिवंत होय नाहा ताहा माहुंहु त्यांकोअता बाप्तिस्मे काहा आपिलू जाहो ? 30 आना आमु पोन हरएक टायमोमें संकट काहा सहन कोईत रोतलू? 31 तीन पाही , तुम्हाकोअता माआ तो घोमोंड ज्याहा आय आमाआ प्रभू येशु ख्रीस्तामध्ये स्थित उविलाकोअता मेकोहो त्याहा साक्ष कोईत शपथ पुर्वोज कोल्यो होय का हरएक तेदीही मोओलो 32 जरी आय इफीस माय जंगली जनावरआरी मानवीय खुद्पो धन्यावादीत ओतू त्यावाईही माहु नाहाकोत मिल्ये? जर मोल्या जिवंत कोल्यु जात नाहा ताहा खा, पिवा आना माजे को काहाके उद्या ताहा मोयलो होय 33 फिरनारो बंद को, वाईट होबती लेतजा हाजी वागणुक नष्ट ओतगोल्यु जाहो 34 शुद्धीपो आव, हाजो जीवोन जागे ल्या जेहलो तुम्हामे उवूंहू जोवे पाप कोअला बंद को काहाके तुमाआ मायारोत कितेबी एहलो होय जे परमेश्वराबद्दल किबी मोलुम नाहा आय ओ यकोअता कोल्यो होय का तुम्हामे लाज आविलो जोवे 35 कोईत कोडुबी फुसिलो शकतो, “मोल्या केहलो जिवंत कोहू सेकतेहे? आना ते फासी केहलो डील कालीत आवत्ले ?” 36 तुमु केतो फोगु होय तुमु जे पेर्त्लू ते जोपोरोत मोईत जात नाहा, तो पर्यंत जिवंत उवनारा नाहा 37 आना जीहीजाआ तुमु जे पेर्त्लू तिया प्रश्न होय तो जे साड पासिरीनारू होय तुमु तियाअ बोल्या सोडोहो तोर्तीम पेउतलु नाहा फक्त बी पेअत्लू जेबी तो गोवोओ दाणु होय किंवा बिहरु कोडूबी 38 फासाड़ी परमेश्वराआ जेहलो वाटत तेहलो रूप त्याहा आपोहो हरएक बी ला तो त्याआ स्वतः त्याआ डील प्रदान कोअत्लू 39 आखे जिवंत जोनावारा डील एकहारकाज उवनारा नाहा मांहाआ डील एकहारकाज रोनारे पण जोनावारा डील बिहीरा प्रकारोअओ, सिडाआ डील अलगे ओते आना माहाआ अलग 40 कीबी डीले होर्गाआ रोतेहे आना किबी नाशउवानारो रोतेहे आना किबी पार्थिव पण होर्गाआ डीलाआ तोच एक प्रकारोअओ रोतेहे आना पार्थिव डीलोओ बिहरे प्रकार 41 दिहाआ तेज एक प्रकारचा रोतो आना सांदो बिहीरा प्रकारचा तारामे पण एक जुदो प्रकार रोतलू 42 पोन मोल्या जिवंत उठ्णारू तेहालाम पण ऐहलेच उवे ते डील ज्याहा धरतिमेहे पुरीत पेहे गोये होय नाशउवानारो होय पण जे डील ज्याआ पुनरुस्थान उवे होय अविनाशी होय 43 ती नाहाकोत जी पृथ्विपो पुरीतगोल्यो गोयी होय अनादर पुरो होय पण ती नाहाकोत जी फासी जिवंत उवी होय ती गौरवाने जाअखो होय ती नाहाकोत जी पृथ्वीम पुरीतगोल्यो गोयी होय दुर्बळ होय पण ती काया जी फासी जिवंत कोअयी गोयी ताकतवालू होय 44 ती काया जी धरतिमेहे पुरीतगोल्यो गोयी होय पण ज्याहा फासी जिवतो कोल्यु गोये ते आत्मिक डील होय जर शारीरिक डील रोत्ले ताहा आत्मिक डीलोओ पण अस्तित्व होय 45 शास्त्र कोल्यो होय , "पेल्ल्लु मांहु (आदम) एक सजीव प्राणी बोल्यू पण आखाफासाडी आदम (ख्रिस्त) जीवोन आपणारो आत्माआ बोल्यू 46 आत्मिक पहीले आवीत नाहा पण पहीले येत ज्ल्मामेहेआवली आना फासाड़ी त्याफासाडी आत्मिक 47 पाल्या मांहाहा धारेतीई तुलावाईही बोनाड्यू गोल्यो आना बिहरु मांहु (ख्रिस्त) होर्गामरोत आवयू 48 जेहलो तियाअ माहांआ रचना तुलावाईही उवी , तेहलूज आखे माहे कादोमेहे बोन्यो आना तियाअ होर्गाआ माटीहोसे बिहरे माहु पण होर्गाआ होय 49 तेबी जेहलो आमुहू तियाअ काद्वो रूप धारण कोल्यो तेहलूज तियाअ होर्गाआ रुपये धारण कोअनारू 50 पाच ऐ पाहीही, आय तुम्हामे कोहू रोयोजे होय का माहा आना रक्त (आमुहू ओ नाशउवानारो डील) परमेश्वराआ राज्याआ उतराधिकारी मेलवूहु शकत नाहा जे नाश होनारोजे होय ते अविनाशाचे अधिकार जोडयो कोहू शकत नाहा 51 ऐका, आय तुम्हामे एक गूढ पुरो खोरो कोतलू, आमुहू आखे मोअनारू नाहा पण आमुहू आखे बोद्लीत जानारू 52 पाच जेव्हा फासाडी तेहा वाजिजाऐ तेहालाम क्षणोम एहलो ओतगोल्यु जानारू काहाके तेहा वाजिजाऐ आना मोल्या अमर ओतगोल्यु जिवंत उठ्णारू आना आमुहू जे ओमे जीवतु होय , बोद्लीत जानारू 53 पाच काहाके आव नाशउवानारो डीला अविनाशी चाल जोडयो कोअला आवश्यक होय आना मरण शील कायाला अमर चाल जोडयो कोअला आवश्यक होय 54 कोईत जेव्हा ओ नाश होनारोजे डील अविनाशी चाल सालनुक जोडयो कोईत लेही ताहा शास्त्रलेख ओ पुरो उवे, “विजया मोईला काजे गीतीते लेधलो होय ” 55 पाच "ऐ मोईला ताआ , विजय कोठे होय ? ऐ मोईला , ताआ नांगी कोठे होय ? 56 पाच पाप मोईला नांगी होय आना पाप शक्ती जोळे ती व्यवस्थामुळे, 57 पोन परमेश्वराआ धन्यवाद होय जे प्रभू येशु ख्रीस्तावाईही आमुहू विजय मिलवीत आपोहो 58 पाच तेबी माआ प्रिय पाहीही, न तुटणारो बोणीत पुरल्यो रो प्रभू कार्याप्रती स्वतःहा आखीवेल पुरोहोतगोयो साखजपर्ण कोईत दया काहाके तुम्हामे ताहा मोलुम होय का प्रभूमे कोल्यु गोयल्यु तुमाआ काम व्यर्थ नाहा.