16
ओमे त्या दानाआ विषयामेहे जो पवित्र माहाआ कोअता कोल्यु जातलू होय जेहली आज्ञा आय गलतिया आ मोंडलीही आव्यी ओती तेहलो तुमु बी कोआ 2 हरएक दितवार आपाआ कमाईमेरोत किबी न किबी आपाआ कोओकोअता पण एखटो कोईत रो याकोअता का जेव्हा आय आविलो तह्लाजमेहे दान एखटो कोअला वेल आविलो नाहा 3 माआ तियाअ जागापो पोतितकोईत ज्या कोडाआ तुमु कोइलो आय त्याहा माहोगुहोये पत्र आपित तुमाआ दान यरुशलेम माय घेऊन जाअला मोकलित आपी 4 आना माआ जाअलो योग्य रोल्या तेबी पण ते माआ आरी जातले जाइअलो 5 आय जेव्हा मासेदोनिया त्यापोरोत जानारू तेहालाम तुमाआ जागे पण आविलो काहाके मेसेदोनिया त्यापोरोत जायलो आय निच्शीत कोल्यु होय 6 एहलो ओवुहू सेकोहो का आय तुमाआ आरी किबी दीही रोहू शकतो किंवा हियालू तुमापोओ रोहू याकोअता का त्याजमेहे माहु जायलो होय तुमु माहु खोबोर आपुहू शकहू 7 आय एहलो कोल्यो नाहा का तेहरोत जाआत्लू फक्त तुम्हामे मिलून लेऊ परंतु माहु आशा होय का जेबी प्रभूऊ इच्छा होय ताहा आय तुमाआ जागे किबी दीही रोही पण 8 आय पन्नास व्या तेदीही च्या तीवर पर्यंत इफिस मायज रोहू 9 काहाके योग्य काम कोइलाकोअता शक्यता त्याजागे वोडो द्वार उगडे होय आना फासाड़ी त्याजागे माआ विरोधकोनारो पण जास्तीज होय 10 जर तीमथ्य आवयू ताहा ध्यानाम मेका का त्याहा तुमाआ आरी मेहनत न उवे काहाके माझ्यासारखा तो पण प्रभूऊ काम कोईत होय 11 त्याकोता कोडोबी त्याहा हानू मानु कायना त्याहा त्याआ प्रवासकोईलो शांतीई खोबोर आपा याकोअता का माहिदेकहू आविलो पोचाडीदे आय बिहीरा पाहिआरी त्याआ आविलाआ वात पालीलो होय 12 ओमे आमाआ पाही अप्पुलोसचे ओ कोअलो होय का आय त्याहा बिहीरा पाहीआरी तुमापोओ जॉहु जाखा प्रोत्साहन कोल्यु होय परंतु परमेश्वराआ ए इच्छा नाहा का तो ओमे तुमापोओ आवे तो संधी साधून तुमापोओ आवे 13 सावधान रो , दृढवाही आपाआ विश्वासामेहे अटल बोणीत रो 14 साहसी बन्यो, ताकतवालू बन्यो, तुमु जे किबी मुडोपो प्रमोवाही मुडोपो 15 तुमु स्तिफुनुसच्या कोओहो ओलखीत का ते अखयाचे पेल्लू फोल होयतीयाहा परमेश्वराआ माट्याहां वजन विशिलो होय तेबी पाहीही तुम्हामे निवेदन कोअत्लू का 16 तुमु पण स्वतः ला एहलो माहुहु आना हरएक तियाअ व्यक्तीई आधीन होपित दयाजे याआ कामोम जोडल्यो होयेआने प्रभून याकोअता काम कोईत होय 17 स्तेफन, फर्तुनात, आना आखियक च्या हजर आय संतोष होयकाहाये माकोअता तुमु जे किबी कोहू सेकेले नाहा ते तिये कोईत देखाडीलाआ 18 तिये माआ तेहलूज तुमाआ आतमाह कोल्यु होयायाकोअता एहलो माहुहु सन्मान को 19 आशिया भागुम मंडळ्याहिरोत तुम्हामे प्रभूमे नमस्कार अक्वीला आना प्रस्कीला त्याआ कोअमे एकठे आवनाराआ मोडंली त्यापोरोत तुम्हामे सलाम 20 आखे पायोपोरोत तुम्हामे नमस्कार पवित्र चुंबनाने तुमु एक बिहराआ स्वागत को 21 आय पौल तुम्हामे आपाआ आथोवाही सलाम लेखोहो 22 जर कोडु प्रभू माय प्रेम कोईत नाहा ताहा त्याहा शापभ्रष्ट जोळे, आमाआ प्रभू आवे 23 प्रभू येशुउ अनुग्रह तुम्हामे जोडयो ओवो 24 येशु ख्रिस्तामध्ये तुमाआ प्रती माआ प्रेम तुम्हाआ आखे आरी ओवो.