13
जार आय माहाआ आना स्वर्गदूत आ भाषा गोग्यु आना प्रेम ने मेल्यु ते आय ठों ण ठोण वाजनारी पिटली ई आना झझ नारी झाझ होय 2 आना जर आय भविष्य वाणी कोअनारू आना आखे भेदांना आना आखे एह्लाम ज्ञानाह होमजुत्लू आना माहु इहिंजा पुरो विश्वास होय का आय डोगोहो होरकाविलो पण प्रेम कोअनारू नाहा ताहा आय किबी नाहा 3 जर आय आपाआ आख्यो धनदौलत गोरब्योहो आपित आपी किंवा आपाआ डील जडूकोता आपित आपी, आना प्रेम कोअनारू नाहा ताहा माहु किबी फायदा नाहा 4 प्रेम धीर दोनाराआ होय आना कृपाळू होय प्रेम इर्ष्या कोईत नाहा, प्रेम आपाआ प्रशंसा कोईत नाहा, आना फुगेहे नाहा 5 तो अनीतीने चालते नाहा आना हाजो वाईट ओनारो इच्छा कोईत नाहा आना खोतलाघी नाहा आना वाईट मानीत नाहा, 6 खोटो कानोवाही खुश उवनारा नाहा पण सत्यांआ आनंदाम ओतू 7 तो आखे गोठी सहन कोईत लेहो आखे गोठीई वात पालत्लू आखे गोठीमे धीर तोअत्लू 8 प्रेम काहा ए रद्द उवनारा नाहा भविष्यवाणी होय ताहा निबरीत जानारू , भाषा होय ताहा निहित जानारू ; ज्ञान होय ताहा समाप्त ओतगोल्यु जानारू 9 काहाके आमुहू ज्ञान आर्दो होय आना आमाआं भविष्यवाणी पण आर्दो होय ; 10 पोन जाहा आखे सिद्ध आविलो ताहा आर्दो नष्ट ओतगोल्यु जानारू 11 जाहा आय पोऱ्यो ओतू तेहालाम पोर्याहोस गोगीत ओतू पोऱ्याहरके मोन ओते , पोऱ्याहरके समझ ओते पण जेव्हा आय डायु होय ताहा पोर्याहा गोठी सोडीत आप्या 12 ओमे आमुहू दर्पानामध्ये स्पष्ट देखाहे नाहा पण त्याटायमोहो होमराहोमोर पलणारू होमेजा माआ ज्ञान आर्दो होय पोन तिया टायमोमें एहलो पुरो पणे ओलखीही जेहलो आय ओलखिलो गोल्यो होय 13 पोन ओमे विश्वास, आशा, प्रेम आव तिन गोठी हिईजरो होय पोन आव आखे मायारोत प्रेम वोडो होय.