12
ऐ पाहि माआ इच्छा नाहा का तुमु आत्मिक वारदाना आ विषयामेहे ओंनजानल्या रॉय 2 तुम्हामे मोलुम होय का जेव्हा तुमु बिहरे जातीही ओते तेहालाम मुक्यो मूर्तीच्या फासाडी जात ओते , जेहलो तुम्हामे चालविलो जात ओते तेहलूज तुमु चालते ओते 3 त्यापोत आय तुम्हामे चेतावणी आपोहो का जो कोडु परमेश्वराआ आत्म्याआ मार्गदर्शनाने गोगत्लू, तो एहलो कोल्यो नाहा का येशु शापित होय , आना कोडु पवित्र आत्माआ गगीलोदेयुउ कोहू सेकेहे नाहा का येशु ओच प्रभू होय 4 प्रत्येकाहा आत्माआ आगेंआगें वरदान जोडयेहे होय पण ओ आखे वरदान आपणारो आत्माआ ओ एकुच होय 5 सेवांहा प्रकार जुदेजुदे प्रकारे ठेरवीही गोये होय पण आमुहू ज्याआ सेवा कोअत्लू तो प्रभू ताहा एकुच होय 6 काम ताहा जास्तीज कोल्यो गोये होय पण आखे माय आखे काम कोअनारू तो परमेश्वर एकुच होय 7 आखामेहे आत्माआ कोडला न कोडला प्रकाराने प्रकट ओतू जे प्रत्येकाआ हाजाकोता ओते 8 कोडाआ आत्म्याआ त्यापोरत परमेश्वराआ ज्ञानाने जाअखो ओतगोल्यु गोगीला हाजू आप्यी गोयी होय ताहा कोडाआ त्याआ अत्म्याच्याद्वारे विद्येचे वचन जोळे 9 आना कोडाआ त्याआ आत्म्याद्वारे विश्वासाआ वरदान आपिलू गोये होय ताहा कोडाआ हाजो कोअला क्षमता आप्यी गोयी होय त्याआ आत्म्याद्वारे 10 आना कोडु बिहीरा माअहुहू आश्चर्यपुरो शक्ती आप्या गोयी होय ताहा कोडाआ दिहीराहा परमेश्वाराकडून गोगीला शक्ती आप्यी गोयी होय आना कोडाआ हाजो वाईट हारखील्यु शक्ती आप्यी होय , कोडाआ जुदेजुदे भाषा गोगीला शक्ती आप्यी होय ताहा कोडाआ भाषामेहे अर्थ कोत व्याख्या काडीलाओ शक्ती आप्यी होय 11 पोन ओ तो एकुच आत्माआ होय जो ज्याहा- ज्याहा योग्य होमजीत्लू, आपित ओतलू आव आखे गोठीही पुरो कोअत्लू 12 जेहलो आमामेरोत आखाजे डील ताहा एक होय पण तीयाम अलग होय आना जर अवयव अनेक ओयताहा पण त्यामेरोत डील एकुच बोनावली , तेहलूज ख्रिस्त होय 13 काहाके जेबी आमुहू यहुदी रोल्या होय जेबी गौरयहुदी पावर रोल्या होय किंवा हाजो एकुच डीलोओ आगेंआगें अवयव बोनाडीलाकोअता आपु आखाआ एकाच आत्म्याद्वारे बाप्तिस्मे आपिलू गोल्यो होय आना तीह भागवण्याकोता आमु आखाहा एकुच आत्माआ आप्यू गोल्यो होय 14 ओमे पाला , माहुऊ डील कोडोबीही एकुच अवयवांनी बोणावले कायनाओतो पण तीयाम जास्तीज अवयव रोतेहे 15 जेबी गुडू कोअही आय आथे नाहा तेबी त्यापोत माआ शरीरोरी कीबी संबध नाहा ताहा नाहाकोत तो डीलाआ अवयव रोही नाहा 16 याचप्रकारे जेबी कान कोअही आय डोउ नाहा त्यापोत आय डीलाआ नाहा ताहा नाहाकोत यामुळे तो डीलाआ नाहा 17 जर एक डोआरी आखे डील रोल्या ओते ताहा कोरात उनाअयो ओते? जर कान ओच आखे डील रोल्या ओते ताहा कोरात श्वास लेदो ओतलू? 18 कोईत वास्तव्याम परमेश्वराआ जेहलो योग्य होमज्ये तेहलूज हरएक अवयवहो डीलोम तेहलीज जागू आप्यी 19 जर आगोमेऱ्यो आखे अवयव एकहारकाज उवे ओते ताहा डील कोठे रोल्या ओते 20 पोन परिस्थिती एह्ली होय का अवयव आगेंआगें रोतेहे पण डील एकुच ओते 21 डोउ आथ ओ कोहू शकत नाहा का माहु डोंआ गोरोज नाहा, किंवा ऐहलेच मुंडको गुडाहा ओ कोहू शकत नाहा का माहु तुमाआ गोरोज नाहा 22 याआवेगडो डीलोओ ज्या अवयवओ आपु दुर्बळ होमजीत्लू ते जास्तीज गरजेए रोतेहे 23 आना डीलोओ ज्या अवयवांना आपु कोम मानपानाचे होमजीत्लू त्यांही आपु जाखो लक्ष्य आपोहो आना आपाआ गुप्त अवयव जाखो शालीनता मिलवीत लत्ले 24 कोईत आम्हा प्रर्दशनीय अवयवांना आव एह्लाम उपचाराची गोरोज रोत नाहा, पण परमेश्वराने आम्हा डीलाआ रचना याकोईत कोअयी होय ज्यावाही तियाअ अवयवांना जे कोम हाजी होय ते जाखो मानपान मेलविलो 25 म्हणजे आगोमेऱ्यो का काहीही कोम हुदवळीत नाहा पण डीलोओ अवयव परस्पर एकमेकाआ एकहरको रुपोमे लक्ष्य मेकुहू जोवे 26 जर डीलोओ उनाआ अवयवहो दु: ख ओते ताहा त्याआरी डीलोओ बिहरे अवयव पण दु: खी ओये जर कोडोबीही उनाआ अवयवा मानपान वतुलू ताहा त्याआ खुशीमे आखे अवयव आनंद कोअता 27 याकोईत तुमु आखे माहे ख्रिस्ताचे डील होय आना जुदेजुदे रुपोमे त्याआ अवयव होय 28 एवडोज नाहा ताहा परमेश्वराने मोडलीम पहीले प्रेषिताना, बिहरे भविष्य टोगोपोडिलो , तिसरे मास्तर , फासाड़ी आश्चर्य काम कोआनाराहा फासाड़ी हाजो कोआनाराहा आना आभार माननारा फासाड़ी व्यवस्था कोअनाराहा आना जुदेजुदे भाषा गोगनारू 29 नाहाकोत आखे प्रेषित होय ? नाहाकोत आखे भविष्य वक्ता होय ? नाहाकोत आखे मास्तर होय ? नाहाकोत आखे सामर्थ्याचे काम कोअनारे होय ? 30 नाहाकोत आखाहा हाजो कोअनारे वरदान जोडयेहे होय ? नाहाकोत आखे प्रकाराआ भाषा गोगत्ले? 31 नाहाकोत आखे भाषांतर कोअता? तुमु वोडावीत वोडो वरदानोओ इच्छेमध्ये रो पण आय तुम्हामे फासी पण आखे पेक्षा हाजू मार्ग कोतलू.