11
तुमु माआ चाल जेहे आय मसीहा आ चाल चालो हो 2 ऐ पाहीही, आय तुमाआ वाहवा कोअत्लू का आखे गोठीमेहे तुमु माहु ओर कोअता; आना जी परंपरा आय तुम्हामे आप्यी होय त्याआं पालीत कोअता 3 पोन माआ इच्छा होय का तुमु ओ जाईत ल्या का हरएक अद्मी मुंडको ख्रिस्त होय आना बोयोआ त्याआ मुंडको माहु होय आना ख्रिस्ताचे मुंडको परमेश्वर होय 4 जो माहु मुंडको टापीत प्रार्थना किंवा भविष्यवाणी कोअत्लू तो आपाआ मुंडकाआ अपमान कोअत्लू 5 पोन जी बोयोआ उगडो मुड़ोवाही प्रार्थना किंवा भविष्यवाणी कोअते, ती आपाआ मुंडकाआ अपमान कोअत्लूके ती डालगीकोईली होनारोतेहेजे होय 6 जर बोयोआ ओढणी फागेरोओ नाहा ताहा सिंज्ये पण वाडीत लेई जोवे जर बोयोआ याकोअता सिंज्ये वाडाआ किंवा डालगीकोईली कोअला लाज गोठी होय ताहा ओढणी फंगीत लेडो 7 हां, माहु आपाआ मुंडको तापनारो योग्य नाहा काहाके तो परमेश्वराआ स्वरूप आना गौरव होय ; पण बोयोआ अद्मी गौरव होय 8 काहाके माहु पोरीपरोटे पोयो नाहा ताहा बोयोआ माटमहीदेखूऊ उवी होय 9 आना माहु बोइकोता बोल्यू नाहा ताहा बोयोआ मांहांकोअता बोनाडी गोयी होय 10 त्यापोत स्वर्गदूत ांमुळे बोंई योग्य होय का अधिकार आपाआ मुंडकापो मेकीलू 11 तेबी पण प्रभू माय न बोयोआ डोहारी आना माहु तीवाही होय 12 काहाके जीही बोयोआ माटमहीदेखूऊ होय , तेह्लुज माहु पोरीपरोटे होय पण आखे वस्तु परमेश्वारापोरोत होय 13 तुमु खुद फूस को, नाहाकोत बोंई उगडे मुंडको मेकीत परमेश्वराआ प्रार्थना कोअला होपतलो? 14 नाहाकोत सोभाहारकोजे तुम्हामे मोलुम होय का जर माहु सेटू सिंज्ये मेकही ताहा त्यांकोअता अपमानाची गोठी होय 15 पोन जर बोयोआ सेटू सिंज्ये मेकही ताहा तीयीकाजे होबा होय काहाके तीही सिंज्ये फुसिलोकाजे आपिलू होय 16 पोन कोडाआ चर्चा कोइलाआ होय ताहा ओ जाईत लेअलो का आमाआं आना परमेश्वराआ मंडळीची पण एह्ली रिती नाहा 17 पोन ए आज्ञा आपित ओतलू आय तुमाआ वाहवा कोईत नाहा, यावाही का तुमाआ एकठे उवे हाजो नाहा पण नुकसान ओते 18 काहाके पहीले ताहा ओ उनात्लू का जेव्हा तुमु मोडलीम एकठे ओये तेहालाम तुमुमेहे फुट ओते आना आय योपो किबी- किबी विश्वास पण कोअत्लू 19 काहाके भेधभाव पण आवश्यक होय तीयाकोता का जे माहे तुम्हामे खोरो होय ते प्रगट ओतगोल्यु जानारू 20 आखरी तुमु जे उनाआ जागापो एकठे ओये ताहा ओ प्रभू रोटूखालो खाअलाकोता नाहा 21 काहाके खाअलोओ टायमोमें एक बिहीरा पहीले आपाआ रोटूखालो खात जातेहे यावाही कोडूबी बुख्यो रोतलू आना कोडु होरोपिनारो ओतगोल्यु जात्लू 22 नाहाकोत खाहुं आना पीईलो आपाआ को नाहा? किंवा परमेश्वराआ मोडलील तुच्छ मानतेहे आना ज्यापो नाहा त्याहा लाजआली कोअता? आय तुम्हामे नाहाकोत कोहू ? नाहाकोत आव गोठीमेहे तुमाआ प्रशंसा कोहू ? नाहा, आय प्रशंसा कोईत नाहा 23 काहाके ए गोठी माहु प्रभूकडून जोड़ी होय आना आय तुमाजागेजा पोताडीन आप्यी का प्रभू येशुहू ज्या राती तोईत आप्यू गोल्यो, रोटा लेदि , 24 आना धन्यवाद आपित ती तोडीअते आना कोल्यो , “ओ माआ डील होय , जे तुम्हाकोअता होय , माआ औरकोयलाकोता ओ कोईत रो ” 25 त्यापासाडी तिये रोटाफासाडी पिदो पोन लेदो आना कोल्यो , “ओ पिदो माआ रोक्ताम नवो करार होय , जेव्हा- जेव्हा ओ पीही , तेहालाम माआ औरकोयलाकोता ओ कोईत रो ” 26 काहाके जाहा तुमु ए भाकर खातले आना ओ पिदो पियलू तेहालाम प्रभूउ मोईला काजे जेव्हा पर्यंत तो आवीत नाहा तोपोरोत प्रचार कोईत रोतेहे 27 त्यापोत जो कोडु कायनयहाजो रीतीवाही प्रभूऊ भाकर खाही किंवा तियाअ पिदो मायारोत पीही तो प्रभूऊ डीले आना रक्ताब्द्द्ल अपराधी ठराविलो 28 त्यापोत मांहुहू स्वतःहा पारखिल्यु लेई जोवे आना आव प्रकारे आव रोटामेहेरोते खालोताहा आव पिदो मायारोत पिवा 29 काहाके जो खायलो पिपलू ओतलू प्रभूउ डीला ओळखीतल्यो नाहा तो खायलो आना पीत ओतलू मापोजे शिक्षाम लेतआवलू 30 त्यापोत तुम्हामे खूप जोओ दुर्बल आना मांदवाड्यू होय आना खूप जोओ निंदेम पण गोये 31 जर आमुहू स्वतःहा पाखुलो ओते ताहा शिक्षाम जोड़ी नाहाओते 32 पोन प्रभू आमुहू दंड आपित आमाआं शिक्षाम कोअत्लू यावाही का आमुहू जगाआरी दोषी ठरू कायना 33 त्याकोता ऐ माआ पाहीही, जेव्हा तुमु खाअलाकोता एकठे ओये ताहा एकबिहिराकोता वात पाला 34 जर कोडु फुकलागीही होय ताहा आपाआ कोआत खावा ज्यामुळे तुमाआ एकठे उवे शिक्षाआ काहाके उवे नाहा बाकीह्य गोठी आय आविलो कोअनारू.